ଆମେରିକାର ଟାରିଫ୍, ଚୀନର ନାଲିଆଖି । ବେଜିଂର ପ୍ରତିକ୍ରିୟା, ଟାରିଫ୍, ଟ୍ରେଡ ସବୁ ପ୍ରକାର ଯୁଦ୍ଧ ପାଇଁ ଚୀନ ପ୍ରସ୍ତୁତ

କନକ ବ୍ୟୁରୋ : ଘୋଷଣା ମୁତାବକ ବିଭିନ୍ନ ଦେଶମାନଙ୍କ ଉପରେ ଟାରିଫ ଲଗାଉଛି ଆମେରିକା । ଏହା ଭିତରେ ଭାରତ ଉପରେ ଆମେରିକା ଟାରିଫ ଲଗାଯିବା ନେଇ ବୁଧବାର କଂଗ୍ରେସର ମିଳିତ ଅଧିବେଶନରେ ଘୋଷଣା କରିଛି । ଏପ୍ରିଲ ୨ ତାରିଖରୁ କାନାଡା, ମେସ୍କିକୋ, ଭାରତ ଓ ଚୀନ୍ ଉପରେ ଟାରିଫ୍ ଲଗାଇବେ ଟ୍ରମ୍ପ ସରକାର ।

ଭାରତ ଉପରେ ଲାଗିବ ଟାରିଫ

-ଭାରତ ଉପରେ ଆମେରିକା ଲଗାଇବ ପାରସ୍ପରିକ ଟାରିଫ

-ଏପ୍ରିଲ ୨ରୁ ଲାଗୁ ହେବ

-ଆବଶ୍ୟକତା ଅନୁଯାୟୀ ପରିବର୍ତ୍ତନ ଅଣାଯାଉଥିବା ଟ୍ରମ୍ପଙ୍କ ବୟାନ

-ପାରସ୍ପରିକ ଟାରିଫ ଅର୍ଥ ଯେଉଁ ଦେଶ ଯେତେ ପ୍ରତିଶତ ଟାରିଫ ଲଗାଇବ ସେତିକି ପାଲଟା ଟାରିଫ ଲାଗୁ

-ପୂର୍ବରୁ କାନାଡା, ମେସ୍କିକୋ,ଚୀନ ଉପରେ ଟାରିଫ ଲଗାଇଛି ଆମେରିକା

-ଦେଶକୁ ଅଧିକ ସୁରକ୍ଷିତ ଓ ପ୍ରଭାବଶାଳୀ କରିବାକୁ ଲକ୍ଷ୍ୟ

-ଟ୍ରମ୍ପଙ୍କ ବୟାନ, ନୂଆ ସରକାର ଦେଶର ବିକାଶ ପାଇଁ ପ୍ରତିଶ୍ରୁତିବଦ୍ଧ

କଂଗ୍ରେସ ମିଳିତ ଅଧିବେଶନରେ ଭାରତ ଉପରେ ଟ୍ରମ୍ପ ଅସନ୍ତୋଷ ପ୍ରକାଶ କରିଛନ୍ତି । କାହିଁକି ପାରସ୍ପରିକ ଟାରିଫ ଲଗାଉଛନ୍ତି ସେନେଇ ୪ଟି ମୁଖ୍ୟ କାରଣ କହିଛନ୍ତି ରାଷ୍ଟ୍ରପତି ।

କାହିଁକି ଲାଗିଲା ଟାରିଫ,କାରଣ କହିଲେ ଟ୍ରମ୍ପ

-ଭାରତ ଶତପ୍ରତିଶତ ଟାରିଫ ଲଗାଏ, ଯାହା ଉଚିତ ନୁହେଁ

-ଆମେରିକା ମଧ୍ୟ ପାରସ୍ପରିକ ଟାରିଫ ଲଗାଇବାକୁ ବାଧ୍ୟ

-ଆମେରିକା ଉପରେ ଅନ୍ୟ ରାଷ୍ଟ୍ର ଅଧିକ ଟାରିଫ ଲାଗୁ କରନ୍ତି

-ଆମେରିକା କିନ୍ତୁ କମ ଟାରିଫ ଲଗାଇବା ଫଳ ଭୋଗୁଛି

-ଏଣିକି ଆମେରିକା ଯେସାକୁ ତେସା ନୀତି ଆପଣାଇବ

ବାଇଟ-ଡୋନାଲ୍ଡ ଟ୍ରମ୍ପ,ଆମେରିକା ରାଷ୍ଟ୍ରପତି

ଆଜିର ସମ୍ବୋଧନରେ ଆମେରିକା ରାଷ୍ଟ୍ରପତି ଆଉ କିଛି ବଡ ଘୋଷଣା ମଧ୍ୟ କରିଛନ୍ତି । ଯାହା ପଛର କାରଣ ଦେଶର ବିକାଶ, ଅଭିବୃଦ୍ଧି ଦର୍ଶାଇବା ସହ ୧୦ଟି କଥାକୁ ଗୁରୁତ୍ବ ଦେଇଛନ୍ତି ।

ଟ୍ରମ୍ପଙ୍କ ସମ୍ବୋଧନର ୧୦ଟି କଥା

-ଯେସାକୁ ତେସା ଟାରିଫ ନୀତି ଲାଗୁ

-ୟୁକ୍ରେନ-ରୁଷ ଯୁଦ୍ଧ ରୋକିବାକୁ ଆଲୋଚନା

--ବେଆଇନ ଭାବେ ରହୁଥିବା ପ୍ରବାସୀଙ୍କୁ ବିଦା

-ଜୋ ବାଇଡେନ ଆମେରିକାର ସବୁଠୁ ଖରାପ ରାଷ୍ଟ୍ରପତି

-ଦେଶରେ ଲାଗୁ ହେବ ଗୋଲ୍ଡ କାର୍ଡ ଭିସା

-ଗ୍ରୀନଲ୍ୟାଣ୍ଡକୁ ଆମେରିକାରେ ମିଶାଇବାକୁ ଚେଷ୍ଟା

--ଟ୍ରମ୍ପ ସରକାରରେ ଏଲନ ମସ୍କଙ୍କ ଭୂମିକା ଜରୁରୀ

-ଦେଶରେ ବାକ ସ୍ବାଧୀନତା ବଜାୟ ରହିବ

-ପାଇପଲାଇନ ଗ୍ୟାସ ଓ ତେଲରେ ଅଧିକ ନିବେଶ

-ସ୍ପେଶ ପ୍ରୋଗ୍ରାମ ଉପରେ ଅଧିକ ଫୋକସ

ଏବେ ଦେଖିବାକୁ ବାକି ରହିଲା ଟ୍ରମ୍ପଙ୍କ ଟାରିଫ ନୀତି ପାଇଁ ଅନ୍ୟଦେଶମାନଙ୍କ ସହ ଆମେରିକାର କୁଟନୀତି ସର୍ମ୍ପକ ଅଧିକ ବିଗୁଡୁଛି ନା ମଜଭୁତ ହେଉଛି।

ସେପଟେ  ଆମେରିକାର ଟାରିଫକୁ ନେଇ ଚୀନର ଅସନ୍ତୋଷ । ବେଜିଂର ବୈଦେଶିକ ମନ୍ତ୍ରାଳୟର ଏକ ସୋସିଆଲ ମିଡିଆ ପୋଷ୍ଟ ବେଶ ଚର୍ଚ୍ଚା ସାଉଁଟିଛି । କାରଣ ଆମେରିକା ଚୀନ ଉପରେ ୨୦ପ୍ରତିଶତ ଟାରିଫ ଲଗାଯିବା ପରେ ଚୀନ ଏହାର କଡ଼ା ଜବାବ ଦେଇଛି । ଚୀନ କହିଛି ଶେଷ ପର୍ୟ୍ୟନ୍ତ ଯୁଦ୍ଧ କରିବାକୁ ବେଜିଂ ପ୍ରସ୍ତୁତ,ତେଣୁ ତାହା ଟାରିଫ,ଟ୍ରେଡ କି କୌଣସି ପ୍ରକାର ଯୁଦ୍ଧ ହେଉନା କାହିଁକି । ବୁଧବାର ଡୋନାଲ୍ଡ ଟ୍ରମ୍ପ ବଡ ଘୋଷଣା କରିଥିଲେ ଓ ଆଉ ଭାରତ ଏବଂ ଚୀନ ଉପରେ ଏପ୍ରିଲ ୨ରୁ ପାରସ୍ପରିକ ଟାରିଫ ଲଗାଯିବାକୁ ନେଇ ଘୋଷଣା କରିଥିଲେ ।