ଇରାନରେ ଗୃହଯୁଦ୍ଧ ଆରମ୍ଭ କରିବାକୁ ଆମେରିକାର ପ୍ରସ୍ତୁତି

କନକବ୍ୟୁରୋ : ବିଦେଶରେ କାର୍ଯ୍ୟ କରୁଥିବା ଆମେରିକୀୟ ଗୁପ୍ତଚର ସଂସ୍ଥା ସିଆଇଏ ଇରାନ ଭିତରେ ବିଦ୍ରୋହ ସୃଷ୍ଟି କରି ଗୃହଯୁଦ୍ଧ କରିବାକୁ ପ୍ରସ୍ତୁତି ଆରମ୍ଭ କରିଛି। ଇରାନରେ ବିଦ୍ରୋହକୁ ଉସୁକାଇବାକୁ ପ୍ରସ୍ତୁତ ହେଉଛି ସିଆଇଏ । ସିଆଇଏ ଇରାନରେ କୁର୍ଦ୍ଦିଶ ବାହିନୀକୁ ସଶସ୍ତ୍ର କରିବା ପାଇଁ କାମ କରୁଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପ୍ରଶାସନ ଇରାନୀ ବିରୋଧୀ ଗୋଷ୍ଠୀ ଏବଂ ଇରାକରେ କୁର୍ଦ୍ଦିଶ ନେତାମାନଙ୍କ ସହିତ ସେମାନଙ୍କୁ ସାମରିକ ସହାୟତା ଯୋଗାଇବା ବିଷୟରେ ସକ୍ରିୟ ଆଲୋଚନା କରୁଛି। ଇରାନୀ କୁର୍ଦ୍ଦିଶ ଗୋଷ୍ଠୀର ସଶସ୍ତ୍ର ଯୋଦ୍ଧାମାନେ ଇରାକ-ଇରାନ ସୀମାରେ, ବିଶେଷକରି ଇରାକର କୁର୍ଦ୍ଦିସ୍ତାନ ଅଞ୍ଚଳରେ କାର୍ଯ୍ୟ କରୁଛନ୍ତି । 

ଇରାନରେ ଶାସନ ବିରୋଧରେ ପ୍ରତିବାଦ, ଜାତିଗତ ଅସନ୍ତୋଷ ସାହାରାରେ ଆମେରିକା ଗୃହଯୁଦ୍ଧ କରିବାକୁ ଯୋଜନା କରିଥିବା କୁହାଯାଉଛି। ଦେଶରେ ପାରସ୍ୟ-ପ୍ରଧାନ ଶାସନ ବିରୋଧରେ କୁର୍ଦ୍ଦିଶ, ବଲୁଚ୍ ଏବଂ ଆରବ ସମ୍ପ୍ରଦାୟର ଦୀର୍ଘକାଳୀନ ଅଭିଯୋଗ ରହିଛି। ବିଭିନ୍ନ ଗୋଷ୍ଠୀ ମଧ୍ୟରେ ହିଂସାତ୍ମକ ସଂଘର୍ଷ ସୃଷ୍ଟି କରି ସିରିଆ ଏବଂ ଲିବିଆ ଭଳି ଇରାନରେ ଗୃହଯୁଦ୍ଧ କରାଯିବା ଯୋଜନାରେ ସିଆଇଏ କାମ କରୁଥିବା କୁହାଯାଉଛି।