ନବୀନଙ୍କୁ ଭେଟିଲେ ବିଜେଡି କର୍ପୋରେଟର ଅମରେଶ ଜେନା । କହିଲେ ଦଳରେ ଅଛନ୍ତି କୁଚକ୍ରୀ ଗୋଷ୍ଠୀ

କନକ ବ୍ୟୁରୋ: ବିଜେଡି ଭିତରେ ରହିଛନ୍ତି କୁଚକ୍ରୀ ଗୋଷ୍ଠୀ  । ଆଜି ଦଳର କିଛି ନେତାଙ୍କ ନାଁରେ ଅଭିଯୋଗ ଆଣିଛନ୍ତି କର୍ପୋରେଟର ଅମରେଶ ଜେନା । ଆଜି ନବୀନ ନିବାସରୁ ଡାକରା ପାଇବା ପରେ ଅମରେଶ ଜେନା  ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ଭେଟିଛନ୍ତି । ଏହାପରେ ଅମେରଶ ଜେନା କହିଛନ୍ତି ସେ ନବୀନ ପଟ୍ଟନାୟକଙ୍କ ବିରୋଧରେ କୌଣସି ମନ୍ତବ୍ୟ ଦେଇନାହାନ୍ତି । ଦଳ ଭାଙ୍ଗିବାକୁ କିଛି କୁଚକ୍ରୀ ଗୋଷ୍ଠୀ ଉଦ୍ୟମ କରୁଛନ୍ତି । ଦୁଇଦିନ ଭିତରେ କାରଣ ଦର୍ଶାଅ ନୋଟିସର ଜବାବ ଦେବେ ବୋଲି  କହିଛନ୍ତି ଅମେରଶ ଜେନା ।  କିଛି ଦିନ ତଳେ ଦଳୀୟ ବିଶୃଙ୍ଖଳା ପାଇଁ  ଅମରେଶ ଜେନା ଓ ଅନ୍ୟ ଜଣେ କର୍ପୋରେଟର ବିରଞ୍ଚି ମହାସୁପକାରଙ୍କୁ କାରଣ ଦର୍ଶାଅ ନୋଟିସ ଜାରି କରିଥିଲେ ଭୁବନେଶ୍ୱର ଜିଲ୍ଲା ସଭାପତି ।