ୟୁରିଆ ସାରର କଳାବଜାରୀ ଅଭିଯୋଗ ; ରାଜରାସ୍ତାରେ ଚାଷୀ

କନକ ବ୍ୟୁରୋ : ବଲାଙ୍ଗୀ ର ଜିଲ୍ଲା ଟିଟଲାଗଡ଼ରେ ୟୁରିଆ ସାରର କଳାବଜାରୀ ହେଉଥିବା ଅଭିଯୋଗ ହୋଇଛି । ଏହାକୁ ବିରୋଧ କରି ରାଜରାସ୍ତାକୁ ଓହ୍ଲାଇଛନ୍ତି ଚାଷୀ । ସାର ମିଳୁନଥିବାରୁ ଚଢ଼ା ଦରରେ ବିକ୍ରି ହେଉଛି । ଚାଷୀ ମାନେ ଶୋଷଣର ଶିକାର ହେଉଛନ୍ତି । ସାର ନମିଳିବାରୁ ଚାଷ କାମ ଠପ୍ ହୋଇଛି । ବାଦାମ, କପା, ଧାନ, ମକା ଭଳି ଫସଲ ନଷ୍ଟ ହେବାକୁ ବସିଲାଣି । ଖୁବ୍‌ଶୀଘ୍ର ସାର ଯୋଗାଇଦେବାକୁ ଚାଷୀମାନେ ଦାବି କରିଛନ୍ତି । ଉଚିତ୍‌ ସମୟରେ ସାର, ବିହନ ଓ ଜଳସେଚନର ସୁବିଧା ଯୋଗାଇବାରେ ସରକାର ବିଫଳ ହୋଇଥିବା ଅଭିଯୋଗ ହୋଇଛି ।

ଅନ୍ୟପଟେ ଜିଲ୍ଲା କୃଷି ଅଧିକାରୀ କହିଛନ୍ତି ବଲାଙ୍ଗୀର ଜିଲ୍ଲାକୁ ପ୍ରାୟ ୩୬ ହଜାର ମେଟ୍ରିକ ଟନ୍‌ ୟୁରିଆ ସାର ଦରକାର । ଯାହାର ଅଧା ପହଞ୍ଚିଥିବାରୁ ଅଭାବ ସୃଷ୍ଟି ହୋଇଛି। ସରକାର ସମସ୍ୟା ସମାଧାନ ପାଇଁ ପଦକ୍ଷେପ ନେଉଥିବା କହିଛନ୍ତି କୃଷି ଅଧିକାରୀ ।