କନକ ବ୍ୟୁରୋ :  ସମ୍ବଲପୁରରେ ଧିରେ ଧିରେ ଉଭାନ ହେଉଛି ଚାଷ ଜମି । କୃଷି ବିଭାଗର ତଥ୍ୟ ଚମକାଇ ଦେଇଛି । ସହରୀକରଣ ପାଇଁ ହଜିଗଲାଣି ଚାଷଜମି । ୧୭ ହଜାର ୬୭୧ ହେକ୍ଟର ଚାଷଜମି ଉଭାନ୍‌ ହୋଇସାରିଲାଣି, ଯାହା ଚିନ୍ତା ଜନକ ।

Advertisment

ସହରୀକରଣ ଯୋଗୁଁ ଚାଷ ଜମି ଗାଏବ । ୧୭ ହଜାର ୬୭୧ ହେକ୍ଟର ଚାଷଜମି କୁଆଡ଼େ ଉଭେଇ ଗଲାଣି । ଶିଳ୍ପାୟନ ଓ ରାସ୍ତା ନିର୍ମାଣ ଏହାର କାରଣ ବୋଲି ଜଣାପଡ଼ିଛି । ରାସ୍ତା ପ୍ରଶସ୍ତି କରଣ ପାଇଁ ଅଧିକାଂଶ ଚାଷ ଜମି ବଳି ପଡ଼ୁଛି । ସହର ବଢ଼ୁଛି, ତା ସହ ତାଳ ଦେଇ ବିକାଶ କାମ ଚାଲୁଛି, ଯେଉଁଥିପାଇଁ ଚାଷ ଜମି ଧୀରେ ଧୀରେ ଉଭାନ ହେଉଛି । ପୂର୍ବରୁ ଜିଲ୍ଲାରେ ୧ ଲକ୍ଷ ୯୩ ହଜାର ୩୦୦ ହେକ୍ଟର୍ ଚାଷଜମି ଥିଲା । ଏବେ ଅଛି ୧ ଲକ୍ଷ ୭୫ ହଜାର ୬୨୯ ଏକର । 

ସମ୍ବଲପୁରରେ କୃଷି ଆୟୋଗ ପ୍ରଥମଥର ପାଇଁ ଚାଷଜମି ସଂପର୍କରେ ଆକଳନ ଆରମ୍ଭ କରିଛି। ଆଉ ତଥ୍ୟ କହୁଛି ଜିଲ୍ଲାରେ ବାମରାରେ ସର୍ବାଧିକ ୨୮ ହଜାର ୧୨୮ ହେକ୍ଟର୍ ଓ ରେଙ୍ଗାଲିରେ ସର୍ବନିମ୍ନ ୧୨ ହଜାର ୫୨୩ ହେକ୍ଟର୍ ଚାଷଜମି, ଶିଳ୍ପ ଓ ସହରୀକରଣ ପାଇଁ ନକ୍ସାରୁ ଲିଭିଗଲାଣି। ଯାହା ଚିନ୍ତାଜନକ।