ମନ୍ତ୍ରୀଙ୍କ ତତ୍ପରତା ପରେ ତାମିଲନାଡୁରୁ ଉଦ୍ଧାର ହେଲେ ୨୮ ଓଡ଼ିଆ ଶ୍ରମିକ । ଶ୍ରମିକଙ୍କୁ ନିର୍ଯାତନା ଦିଆଯାଉଥିବା ନେଇ ହୋଇଥିଲା ଅଭିଯୋଗ

କନକ ବ୍ୟୁରୋ : କନକ ନ୍ୟୁଜ ପ୍ରଭାବ । ଖବର ବାଜିବା ପରେ ତତ୍ପରତା ଦେଖାଇଲେ ଶ୍ରମ ମନ୍ତ୍ରୀ । ତାମିଲନାଡୁରୁ ଉଦ୍ଧାର ହେଲେ ୨୮ ଓଡିଆ ଶ୍ରମିକ । ଶ୍ରମିକଙ୍କୁ ଯଥା ଶିଘ୍ର ଉଦ୍ଧାର କରିବାକୁ ବଲାଙ୍ଗୀର ଡିଏଲଓଙ୍କୁ ନିର୍ଦ୍ଦେଶ ଦେଇଥିଲେ  ଶ୍ରମ ମନ୍ତ୍ରୀ ଗଣେଷ ରାମ ସିଂ ଖୁଣ୍ଟିଆ । ବଲାଙ୍ଗୀର ଜିଲ୍ଲାର ଝାରବନ୍ଧ ଗ୍ରାମର ୨୮ଶ୍ରମିକଙ୍କୁ ଅକଥନୀୟ ନିର୍ଯାତନା  ସହ ବନ୍ଦୀ ରଖାଯାଇଥିବା ଅଭିଯୋଗ ରହିଥିଲା । ଏପରିକି ଦିନ ରାତି କାମରେ ଲଗାଇ ଖାଇବା ପିଇବା ଦେଉ ନ ଥିବା ମଧ୍ୟ ଅଭିଯୋଗ ହୋଇଥିଲା । ସବୁଠୁ ବଡ କଥା ହେଉଛି ବନ୍ଧୁକ ଦେଖାଇ ଶ୍ରମିକଙ୍କ ପୁଅ ଝିଅକୁ ଉଠାଇ ନେବାକୁ ଧମକ ମଧ୍ୟ ମିଳୁଥିଲା ।  ଏଭଳି ଅକଥନୀୟ ନିର୍ଯାତନା  ଅଭିଯୋଗକୁ ନେଇ  ଉପରେ କନକ ନ୍ୟୁଜ ବାରମ୍ବାର ଖବର ପ୍ରସାରଣ  କରିବା ପରେ ଶ୍ରମ ମନ୍ତ୍ରୀ ଓ  ବଲାଙ୍ଗୀର ଶ୍ରମ ଅଧିକାରୀଙ୍କ ନିର୍ଦ୍ଦେଶରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ତାମିଲନାଡୁ ଇଟାଭାଟି ମାଲିକ ଓ ସ୍ଥାନୀୟ ଦୁଇ ଦାଦନ ସର୍ଦ୍ଦାରଙ୍କୁ ଫୋନ କରି ଶ୍ରମିକଙ୍କୁ ଛାଡିବା ନିର୍ଦ୍ଦେଶ ଦିଆଯାଇଥିଲା।  ।  ଶ୍ରମିକମାନଙ୍କୁ କୌଣସି ପାରିଶ୍ରମିକ ଦେଇନଥିଲେ ଇଟାଭାଟି ମାଲିକ । ଘର ଲୋକଙ୍କଠୁ ପଇସା ମାଗି ଟିକେଟ କରି ଓଡ଼ିଶାକୁ ଫେରିଛନ୍ତି । ତେବେ ଉଦ୍ଧାର ହୋଇ ଘରକୁ ଫେରିବା ପରେ କନକ ନ୍ୟୁଜକୁ ଧନ୍ୟବାଦ ଜଣାଇଇବା ସହ ନିକଟରେ ନିର୍ଯାତନାର କାହାଣୀ ବଖାଣିଛନ୍ତି ଉଦ୍ଧାର ଶ୍ରମିକ ।