ବିଜେଡିରେ ବରିଷ୍ଠଙ୍କ ବିସ୍ଫୋରଣ

କନକ ବ୍ୟୁରୋ : ଭୂପିନ୍ଦର ସିଂହ, ଶଶୀ ବେହେରା, ପ୍ରଫୁଲ୍ଲ ମଲ୍ଲିକ, ନୃସିଂହ ସାହୁ, ରଜନୀକାନ୍ତ ସିଂହ ବିଜେଡିର ବରିଷ୍ଠ ନେତା । ମେଳି କରି ଦଳର ନୂଆ କମିଟିରୁ ବାଦ ପଡିବା ପରେ ଅସନ୍ତୋଷରେ କୁହୁଳୁଥିବା ଭୂପିନ୍ଦର ସିଂ ବିସ୍ଫୋରଣ କରିଛନ୍ତି । ସିଧାସଳଖ ବିଦ୍ରୋହ ନକଲେ ବି ଦଳର ଆଭିମୁଖ୍ୟକୁ ନେଇ ପ୍ରଶ୍ନ ଉଠାଇଛନ୍ତି । ୨୦୨୪ ନର୍ବାଚନରେ ବିଜେଡି ସହିତ ବିଜେପିର ବୁଝାମଣା, ନିର୍ବାଚନ ପରେ ଶାସକ ଦଳକୁ ମୁକାବିଲା କରୁନଥିବା କହି ରାଜ୍ୟ ରାଜନୀତିରେ କମ୍ପନ ସୃଷ୍ଟି କରିଛନ୍ତି । ୨୦୨୪ ନର୍ବାଚନରେ ବିଜେଡି କର୍ମୀ ତାଙ୍କ କ୍ୟାପଟେନଙ୍କୁ ମିସ୍ କଲେ, ତାଙ୍କ ବଦଳରେ ଆଉ କାହାକୁ ଦେଖିଲେ । ଯାହା ନର୍ବାଚନ ଫଳାଫଳକୁ ପ୍ରଭାବିତ କଲା ।

Advertisment

ବିଜେପି ସରକାରକୁ ବିରୋଧୀ ଭାବେ ଯେମିତି ଘେରିବା କଥା, ତାହା ବିଜେଡି କରୁନାହିଁ
ବିରୋଧୀ ଦଳ ଭାବେ ଆକ୍ରମଣାତ୍ମକ ଭୂମିକା ବିଧାନସଭାରେ ନର୍ବାହ କରିପାରୁନି
ଲୋକସଭା ନିର୍ବାଚନରେ ଅଫିସିଆଲ ବୁଝାମଣା ନହେବାରୁ ବିଜେପି ସହିତ ଭିତିରି ବୁଝାମଣା କରିଥିଲା ବିଜେଡି

ଭୂପିନ୍ଦର ବିଜେଡିର ପୋଲ ଖୋଲୁ ଖୋଲୁ, ସାମ୍ନାକୁ ଆସି ଶଶୀ ବେହେରା ଦଳର ନେତୃତ୍ୱଙ୍କୁ ନେଇ ପ୍ରଶ୍ନ ଉଠାଇଛନ୍ତି । କହିଛନ୍ତି ବର୍ତ୍ତମାନ ବିଜେଡିର ଶକ୍ତି କ୍ଷୟ ଘଟୁଛି । ବରିଷ୍ଠ ନେତାଙ୍କୁ ଦଳରେ ଅଣଦେଖା କରାଯାଉଛି । ଓ୍ୱାକଫ୍ ବିଲକୁ ନେଇ ଦଳରେ ଦୁଇଟି ମତ ଆସିଲା, ଯାହା ଦ୍ୱାରା ଦଳ କ୍ଷତିରେ ପଡ଼ିଲା ।

ପ୍ରଥମେ ସାଂସଦ ମୁନ୍ନା ଖାଁ, ପରେ ଭୂପିନ୍ଦର ସିଂହ ଓ ଶଶୀଙ୍କ ଷଣ୍ଡୁଆସି ଆକ୍ରମଣ ଦଳପତିଙ୍କ ପାଇଁ ଅଡୁଆ ସ୍ଥିତି ସୃଷ୍ଟି କରୁଛି ।