ବର୍ଷା ଓ ଭୂସ୍ଖଳନ ପରେ ତୁଷାରପାତ ଆତଙ୍କ : କାଶ୍ମୀରରେ ସ୍ଥିତି ଜଟିଳ

କନକବ୍ୟୁରୋ : ଜମ୍ମୁ-କାଶ୍ମୀରରେ ପ୍ରବଳ ବର୍ଷା ଓ ତୁଷାରପାତ ।  ଜମ୍ମୁ-କାଶ୍ମୀରର ବିଭିନ୍ନ ସ୍ଥାନରେ ପ୍ରବଳ ବର୍ଷା ଓ ତୁଷାରପାତ ସହ ଭୂସ୍ଖଳନ ଘଟିଛି  ।   ଫଳରେ  ଜମ୍ମୁ-ଶ୍ରୀନଗର ଏବଂ ଶ୍ରୀନଗର-ଲେହ ଜାତୀୟ ରାଜପାଥ ସହ ମୁଗଲ୍ ରୋଡ୍ ଓ ସିନ୍ଥାନ୍ ଟପ୍ ରାସ୍ତାରେ ସମ୍ପୂର୍ଣ୍ଣ ବନ୍ଦ ହୋଇଛି ଟ୍ରାଫିକ  ।  ଉଚ୍ଚ ପର୍ବତମାଳାରେ ତୁଷାର ଜମିବା ଓ ବର୍ଷା କାରଣରୁ ସୃଷ୍ଟି ହୋଇଛି ଏହି ସମସ୍ୟା । ଏହା ଯୋଗୁଁ ଯାତ୍ରୀମାନଙ୍କ ସୁରକ୍ଷା ପାଇଁ ରାସ୍ତା ବନ୍ଦ ରଖାଯାଇଛି । ସ୍ଥାନୀୟ ଅଧିକାରୀମାନେ ଉଦ୍ଧାର  ଓ ସଫେଇ କାର୍ଯ୍ୟ ଆରମ୍ଭ କରିଛନ୍ତି । ୨୪ ଘଣ୍ଟା ମଧ୍ୟରେ ରାସ୍ତା ଖୋଲିବା ପ୍ରୟାସ କରାଯାଉଛି । ଯାତ୍ରୀମାନଙ୍କୁ ବିକଳ୍ପ ବ୍ୟବସ୍ଥା କରିବାକୁ  ସତର୍କବାଣୀ ଜାରି କରିଛି ପର୍ଯ୍ୟଟନ ବିଭାଗ ।  ସ୍ଥାନୀୟ ଲୋକମାନଙ୍କୁ ଘରେ ରହିବାକୁ ପରାମର୍ଶ ଦିଆଯାଇଛି ।