ମୌସୁମୀ ଫେରିଯିବା ପରେ ବଦଳିଲା ପାଣିପାଗ, କୋରାପୁଟ ଜିଲ୍ଲା ଲମତାପୁଟକୁ ଛୁଇଁଲା ପହିଲି ଶୀତ

କନକ ବ୍ୟୁରୋ : ମୌସୁମୀ ବିଦାୟ ନେବା ପରେ କୋରାପୁଟକୁ ଛୁଇଁଛି ଶୀତର ପହଲି ସ୍ପର୍ଶ । ବଣପାହାଡ଼ ଘେରା ଅଞ୍ଚଳରେ ଅନୁଭୂତ ହେଉଛି ପହିଲି ଶୀତ । ବର୍ଷା ଛାଡିବା ପରେ ଲମତାପୁଟ ବ୍ଲକକୁ ଛୁଇଁଛି ଶୀତ । ସକାଳୁ ସକାଳୁ ସାରା ଅଞ୍ଚଳକୁ ଢାଙ୍କି ରଖିଛି କୁହୁଡ଼ି । ଘାସରେ ଢଳ ଢଳ କାକର ବିନ୍ଦୁ ଶୀତ ଆଗମନର ସଂକେତ ଦେଉଛି । 

ଲମତାପୁଟ ଅଞ୍ଚଳରେ ହାଲୁକା ଶୀତ ଲହରି ଆରମ୍ଭ ହୋଇଯାଇଛି। ପାହାନ୍ତିଆରୁ ଘନ କୁହୁଡ଼ି ଆରମ୍ଭ ହୋଇଯାଉଛି । ଘନ କହୁଡ଼ି ଯୋଗୁଁ ଗାଡ଼ି ମୋଟର ଲାଇଟ ଲଗାଇ ଯାତାୟାତ କରୁଛନ୍ତି । ଥଣ୍ଡା ଆରମ୍ଭ ହୋଇଥିବାରୁ ଚା’ ଦୋକାନରେ ଲୋକଙ୍କ ଭିଡ଼ ଜମିଲାଣି । 

ଆଗକୁ ଶୀତ ବଢ଼ିବ, ଅଳସୀ ଫୁଲ ପୁଟିବ । ହଳଦିଆ ଶାଢ଼ିର ପଣତରେ ଘୋଡ଼େଇ ହେବ ପ୍ରକୃତିରାଣୀ । ପ୍ରାକୃତିକ ସୌନ୍ଦର୍ୟ୍ୟ ଉପଭୋଗ କରିବାକୁ କୋରାପୁଟକୁ ଛୁଟି ଆସିବେ ପର୍ଯ୍ୟଟକ ।