କନକ ବ୍ୟୁରୋ: ‘କୁହୁଡ଼ି’ ଓ ‘ଚାରିଧାମ’ ପରେ ପ୍ରଯୋଜକ ହିମାଦ୍ରି ତନୟ ଦାସ ‘ରାବଣ’ ନିର୍ମାଣ କରୁଛନ୍ତି । ଏଥିରେ ତାଙ୍କ ସହ ପ୍ରଯୋଜନାରେ ଅଛନ୍ତି ଜାଗୃତି ଏ. ମହାନ୍ତି । ଲୋକପ୍ରିୟ ଅଭିନେତା ଅନୁଭବ ମହାନ୍ତି ଶୀର୍ଷକ ଭୂମିକାରେ ଅଭିନୟ କରୁଥିବା ବେଳେ କିଏ ତାଙ୍କ ନାୟିକା ହେବେ, ତାହା ସ୍ପଷ୍ଟ ହୋଇନାହିଁ । ଏହି ସିନେମା ଜରିଆରେ ସଂପାଦନାରୁ ନିର୍ଦ୍ଦେଶନା କ୍ଷେତ୍ରକୁ ଓହ୍ଲାଇଛନ୍ତି ବୀରେନଜ୍ୟୋତି ମହାନ୍ତି ।
ବୀରେନଜ୍ୟୋତି, ରିଷବ କୁମାର ଓ ଜାଗୃତି ଏହାର ଚିତ୍ରନାଟ୍ୟ ରଚନା କରିଥିବା ବେଳେ ସଂଳାପ ଲେଖିଛନ୍ତି ନାରାୟଣ ସାଲ୍ ଓ ରାକେଶ ମିଶ୍ର । ସର୍ବଶେଷ ସୂଚନା ଅନୁଯାୟୀ, ମାନସ ପଢ଼ିଆରୀଙ୍କ ନିର୍ଦ୍ଦେଶନାରେ ଆରମ୍ଭ ହେବାକୁ ଥିବା ‘ଛକି ଶୂନ’ର ସୁଟିଂ ଶେଷ ହେବା ପରେ ‘ରାବଣ’ ଫିଲ୍ମର ସୁଟିଂ ଆଗାମୀ ଅକ୍ଟୋବର ମାସରେ ଆରମ୍ଭ ହେବ । ବହୁ ଦିନରୁ ଏହି ଟାଇଟଲ୍‌ରେ ଏକ ଓଡ଼ିଆ ସିନେମା ନିର୍ମିତ ହେବ ବୋଲି କୁହାଯାଉଥିଲା । ହେଲେ ତାହା ସମ୍ଭବ ହୋଇପାରି ନଥିଲା ।