କନକବ୍ୟୁରୋ : ନୟାଗଡ଼ ଓ ଅନୁଗୁଳ ଜିଲ୍ଲାର  ଅଂଚଳକୁ ନେଇ ଘୋଷିତ ହୋଇଛି ବ୍ୟାଘ୍ର ସଂରକ୍ଷଣ ପ୍ରକଳ୍ପ । ପ୍ରକଳ୍ପ ଅଧିନ ଅଂଚଳରେ ନୟାଗଡ ଜିଲ୍ଲାର ୩ଟି ଗାଁ ରହିଥିବା ବେଳେ ଏବେ ଏ ଗୁଡିକୁ ବିସ୍ଥାପନ ପାଇଁ ଉଦ୍ୟମ କରୁଛି ବନ ବିଭାଗ । ଥଇଥାନ ପ୍ରତିଶ୍ରୁତି ଦେଇ ଗାଁ ଗାଁ ବୁଲି ସଭା କରୁଛି ବନ ବିଭାଗ । କିନ୍ତୁ ସଫାସଫା ମନା କରିଦେଉଛନ୍ତି ଗ୍ରାମବାସୀ ।  ନୟାଗଡ ଜିଲ୍ଲା ସାତକୋଶିଆ ଅଭୟାରଣ୍ୟ  ।   ବ୍ୟାଘ୍ର ସଂରକ୍ଷଣ ପ୍ରକଳ୍ପ ଅଞ୍ଚଳରେ ରହିଛି ୩ଟି ଗାଁ  ।  କୁତୁରି, ମୁସୁଗୁଡ଼ା ଆଉ ସଲପଗଣ୍ଡା  ।  କୋର ଏରିଆରୁ ଏହି ଗାଁ ଗୁଡିକୁ ବିସ୍ଥାପନ କରିବା ପାଇଁ ଉଦ୍ୟମ କରୁଛି ବନ ବିଭାଗ  । କେମିତି ଚାଲିଛି ପ୍ରକ୍ରିୟା ?  ଜଙ୍ଗଲ ଅଧିକାର ଆଇନ୍‌ର ପାଳନ ହେଉଛି କି ନାହିଁ ?  ସେ ସମସ୍ତ ବିଷୟରେ ତଦାରଖ କରାଯାଇଛି   । 

Advertisment

ଗାଁରେ ଅପହଞ୍ଚ ମୌଳିକ ସୁବିଧା  ।  ନାନା ସମସ୍ୟାରେ ଘାଣ୍ଟି ହେଉଛନ୍ତି ଲୋକେ ।  ମୁଣ୍ଡପିଛା ୨୦ଲକ୍ଷ ଟଙ୍କାର କ୍ଷତିପୂରଣ ସହ ଥଇଥାନର ପ୍ରତିଶ୍ରୁତି ଦେଇ ବିସ୍ଥାପନ କରିବାକୁ ଗ୍ରାମସଭା କରୁଛି ପ୍ରଶାସନ ।  କିନ୍ତୁ ଲୋକମାନେ ଭିଟାମାଟି ଛାଡିବାକୁ ଅମଙ୍ଗ ହେଉଛନ୍ତି ।  କାରଣ ଆଗରୁ ଅନେକ ବିସ୍ଥାପିତଙ୍କୁ ପ୍ରତିଶ୍ରୁତି ଦେଇ  ପ୍ରଶାସନ ପାଳନ କରୁନଥିବା ଅଭିଯୋଗ କରିଛନ୍ତି  ।   ପ୍ରଶାସନ ପ୍ରତିଶ୍ରୁତିକୁ ବିଶ୍ୱାସକୁ ନେଇ ପାରୁନାହାନ୍ତି ୩ ଗାଁର ଅଧିବାସୀ  । ଆଉ ପ୍ରଶ୍ନ କରିଛନ୍ତି ଏହି ଜଙ୍ଗଲକୁ କୋର ଏରିଆରେ ରୂପାନ୍ତରିତ କରିଛି କିଏ  ?   

ସେପଟେ ବାଘଙ୍କ ସୁରକ୍ଷିତ ଆଶ୍ରୟସ୍ଥଳୀକୁ ବନ ବିଭାଗ ନିଜେ ନଷ୍ଟ କରି  ,  ମଣିଷଙ୍କୁ ତଡ଼ି ବାଘ ରଖିବାକୁ ଉଦ୍ୟମ କରୁଛି ବୋଲି ଅଭିଯୋଗ କରିଛନ୍ତି  ।  ହୀରାକୁଦ ବିସ୍ଥାପିତ ହୁଅନ୍ତୁ କିମ୍ବା ଦଶପଲ୍ଲା କୁଆଁରିଆ ବିସ୍ଥାପିତ ହୁଅନ୍ତୁ  ।   ବର୍ଷ ବର୍ଷ ପରେ ବି ନ୍ୟାୟ ପାଇଁ ଲଢ଼େଇ କରୁଛନ୍ତି   ।   ଏଭଳି ସ୍ଥିତିରେ ବ୍ୟାଘ୍ର ପ୍ରକଳ୍ପ ପାଇଁ ପ୍ରଥମେ ଥଇଥାନ ଓ ପରେ ବିସ୍ଥାପନ ଜରୁରୀ ବୋଲି ଦାବି ହେଉଛି  ।