ସୁନ୍ଦରଗଡ଼ରେ ଖଣି ଚୋରି ମାମଲାରେ ଆକ୍ସନ ମୋଡ଼ରେ ପ୍ରଶାସନ : ଭାଟିରେ ପହଂଚିଲେ ସ୍ବତନ୍ତ୍ର ଏନଫୋର୍ସମେଣ୍ଟ ଟିମ

କନକବ୍ୟୁରୋ : ସୁନ୍ଦରଗଡ଼ ଚୋରା କୋଇଲା ଚୋରି ଘଟଣାରେ ଆକ୍ସନମୁଡରେ ପ୍ରଶାସନ।  ଜଙ୍ଗଲ ଭିତରେ ଚୋରା କୋଇଲାରେ ଚାଲିଥିବା ଇଟା ଭାଟିକୁ ଭାଙ୍ଗି ଚୁରମାର କଲେ ଉପଜିଲ୍ଲାପାଳ । ଭୋଗ୍ରାକଚ୍ଛା ଜଙ୍ଗଲରେ ଜିଲ୍ଲା ପ୍ରଶାସନର ଟିମ ବଡ ଇଟା ଭାଟି ମିଳିଥିବା ସୂଚନା ରହିଛି  । ଶହଶହ ଟନ ଚୋରା କୋଇଲାକୁ ଏହି ଇଟା ଭାଟିରେ ଲଗାଯାଇଥିଲା ।

ବିନା ଅନୁମତିରେ ରିର୍ଜଭ ଫରେଷ୍ଟ ଭିତରେ ଚାଲିଥିଲା ଲକ୍ଷଲକ୍ଷ ଟଙ୍କାର ଇଟାଭାଟି  । ଆଉ ନୋଟିସ କି ସମନ ନାହିଁ ଫଏସଲା ଅନ ଦ ସ୍ପଟ କଲେ ଉପଜିଲ୍ଲାପାଳ ଦାଶରଥୀ ସରାବୁ  । ନିଜେ ଇଟା ଭାଟିକୁ ଭାଙ୍ଗିବା ଆରମ୍ଭ କରିଥିବା ବେଳେ ଶେଷରେ  ଜେସିବି ଆଣି ସଂପୂର୍ଣ୍ଣ ଇଟାଭଟାକୁ ଭାଙ୍ଗି ଚୁରମାର କରି ଦେଇଛନ୍ତି ।

ଅନ୍ୟପଟେ ଆଜି ଏମସିଏଲର ବସୁନ୍ଧରା କାର୍ଯ୍ୟାଳୟରେ ପହଚିଂଛନ୍ତି  ସ୍ୱତନ୍ତ୍ର ଏନଫୋର୍ସମେଣ୍ଟ ଟିମ୍ । ରାଜ୍ୟ ଖଣି ବିଭାଗର ଏହି ସ୍ୱତନ୍ତ ଟିମ ଏମସିଏଲ କାର୍ଯ୍ୟାଳୟରେ ପହଚିଂ ଏମସିଏଲକୁ ଆବଣ୍ଟିତ ହୋଇଥିବା ଜମିରେ କିଭଳି ଚୋରା କାରବାର ଚାଲିଥିଲା ତାହା ଉପରେ ପ୍ରଶ୍ନ କରିବା ସହ ଏମସିଏଲ ଅଫିସରେ ବିଭିନ୍ନ ଦସ୍ତାବିଜର ଯାଞ୍ଚ କରୁଛନ୍ତି  ।