ବରଗଡ଼-ବଲାଙ୍ଗୀର ସୀମା ଉପରେ ଅଦାନୀ କମ୍ପାନୀର ଆଖି : ଡ୍ରୋନ୍ ସାହାଯ୍ୟରେ ଚାଲିଛି ଖଣି ଖୋଜା

କନକବ୍ୟୁରୋ : ଖଣି ଖୋଜା ପାଇଁ ଚାଲିଛି ସର୍ଭେ । ବରଗଡ଼ ସୀମା ଉପରେ ଅଦାନୀ ଆଖି । ଗନ୍ଧମାର୍ଦ୍ଦନ ପାହାଡ଼ ପାଦତଳେ, ଅଦାନୀ କମ୍ପାନୀ ୧୮ ଏକକର ଜମି କିଣିବା ଘଟଣାକୁ ନେଇ ବିବାଦ ଲାଗି ରହିଥିବାବେଳେ ଏବେ ପୁଣି ଏକ ଜମି କିଣା ମାମଲା ସାମ୍ନାକୁ ଆସିଛି ।  ବରଗଡ଼ ଓ ବଲାଙ୍ଗୀର ସୀମା ଉପରେ ଆଦାନୀ କମ୍ପାନୀ ଆଖି ପକେଇଥିବା ସୂଚନା ମିଳିଛି ।

ବଲାଙ୍ଗୀର ଜିଲ୍ଲା ସଂଲଗ୍ନ ଗାଇସିଲାଟ୍ ବ୍ଲକ୍ କଟାବାହାଲ ପଞ୍ଚାୟତ ଯୁବଖୋଲ ଗାଁରେ ୨୩ ଏକର ଜମି କିଛି କମ୍ପାନୀ ।  ଏହାକୁ ନେଇ କିଛି ଦସ୍ତାବିଜ୍ ସାମ୍ନାକୁ ଆସିଛି  । ୨ ତାରିଖରେ କମ୍ପାନୀ ନାଁରେ ଜମି ରେଜିଷ୍ଟ୍ରି ହୋଇଛି  ।  ସେହି ଅଞ୍ଚଳର ୩ ଚାଷୀଙ୍କଠାରୁ ଏହି ସବୁ ଜମି କିଣାଯାଇଛି  । ବଡ଼ କଥା ହେଉଛି, କିଣା ଯାଇଥିବା ଜମି ପାଖରେ ରହିଛି ଯୁବାଖୋଲ ପାହାଡ଼ ।

ଆଉ ଯୁବାଖୋଲ ପାହାଡ଼କୁ ଲାଗିକି ଆରମ୍ଭ ହୋଇଛି ଗନ୍ଧମାର୍ଦ୍ଦନ ପାହାଡ଼ ।  ଆଉ ଯୁବାଖୋଲ ପାହାଡ଼ ସହ ଏବେ ଗନ୍ଧମାର୍ଦ୍ଦନ ପାହାଡ଼ ଉପରେ ବି ଆଦାନୀ କମ୍ପାନୀ ଆଖି ପକାଇଲାଣି ବୋଲି ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି  । ସେପଟେ ଗତ କିଛି ଦିନ ହେବ ଏହି ଅଞ୍ଚଳରେ ଡ୍ରୋନ୍ ଯୋଗେ ଖଣି ଉପସ୍ଥିତି ସର୍ଭେ ବି ଚାଲିଛି  ।  ଆଦାମୀର ଜମି କିଣା ଓ ଖଣି ପାଇଣ ସର୍ଭେ ଭିତରେ ସାମଞ୍ଜସ୍ୟ ଥିବା ସ୍ଥାନୀୟ ଲୋକେ ସନ୍ଦେହ ପ୍ରକାଶ କରୁଛନ୍ତି ।