ଅଭିନେତାଙ୍କ ପ୍ରତିକ୍ରିୟା : ବିବାହ ଏବେ ମୃତ୍ୟୁର କାରଣ !

କନକବ୍ୟୁରୋ : ସୁପରଷ୍ଟାର ସଲମାନ ଖାନଙ୍କ ସୋ’ 'ବିଗ୍ ବସ୍ ୧୬' ଜରିଆରେ ଲୋକପ୍ରିୟତା ହାସଲ କରିଥିବା ଅଭିନେତା ଶିବ ଠାକରେଙ୍କ ପ୍ରେମ ଜୀବନକୁ ନେଇ ତାଙ୍କ ଫ୍ୟାନ୍ସଙ୍କ ମଧ୍ୟରେ ଚର୍ଚ୍ଚାରେ ଚାଲିଛି ।  ନିକଟରେ ଏକ ସାକ୍ଷାତକାରରେ ଯୋଗ ଦେଇ ଶିବ ଠାକରେ କହିଛନ୍ତି,  'କିଛିଦିନ ହେବ ଘଟୁଥିବା ଘଟଣାକୁ କେନ୍ଦ୍ର କରି ମୁଁ ବିବାହ କରିବାକୁ ଡରୁଛି  ।

ମୁଁ ଅନୁଭବ କରୁଛି କି ବର୍ତ୍ତମାନ ପୁଅମାନଙ୍କ ସହିତ ଯାହା ଘଟୁଛି , ଆମର ପୂର୍ବପୁରୁଷମାନେ ପୂର୍ବରୁ ମହିଳାମାନଙ୍କ ସହିତ ଏପରି କାମ କରୁଥିଲେ ।  ଲୋକେ କହୁଛନ୍ତି ପୁରୁଷମାନଙ୍କ ସହିତ ଏ କ’ଣ  ହେଉଛି  । ମୁଁ ତ କହିବି ଏହା କର୍ମର ଫଳ  ।’

ଶିବ ଠାକରେଙ୍କ ଅଭିନେତ୍ରୀ ଏବଂ କୋରିଓଗ୍ରାଫର ଡେଜି ଶାହଙ୍କ ସହିତ ପ୍ରେମ ସମ୍ପର୍କ ଥିବା ନେଇ ଚର୍ଚ୍ଚା ହେଉଛି । ଅନେକ ଥର ଦୁହିଁଙ୍କୁ ଏକାଠି ଅନେକ ପାର୍ଟି କରୁଥିବାର ମଧ୍ୟ ଦେଖିବାକୁ ମିଳିଛି।। ଏଯାବତ ଦୁହେଁ ଏ ସମ୍ପର୍କକୁ ବନ୍ଧୁତାର ନାମ ଦେଇ ଆସିଛନ୍ତି  ।  ଶିବ ଠାକରେ 'ବିଗ୍ ବସ୍ ୧୬' ଓ 'ଖତରୋଁ କେ ଖିଲାଡି'ରେ ନଜର ଆସିଥିଲେ ।  ଏହି ସୋ’ରେ ଶିବ ଠାକରେଙ୍କ ଖେଳକୁ ଦର୍ଶକ ବେଶ ପସନ୍ଦ ବି କରିଥିଲେ ।