କନକ ବ୍ୟୁରୋ: ବର୍ତ୍ତମାନ ନିଜ ଫିଟ୍‌ନେସ୍‌କୁ ନେଇ ଚର୍ଚ୍ଚାରେ ରହିଛନ୍ତି  ଲୋକପ୍ରିୟ ଟେଲିଭିଜନ ଅଭିନେତା ରାମ କପୁର । କାରଣ ଇତିମଧ୍ୟରେ ରାମ କପୁର ୫୫କିଲୋ ଓଜନ ହ୍ରାସ କରି ବେଶ ଫିଟ୍‌ ଦେଖାଯାଉଛନ୍ତି । ତେବେ ଓଜନ ହ୍ରାସ କରିବା ପୂର୍ବରୁ ଓ ଓଜନ ହ୍ରାସ କରିବା ସମୟରେ ରାମ କପୁରଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡ଼ିଥିଲା ବୋଲି ଅଭିନେତା ନିଜେ ସ୍ବୀକାର ବି କରିଛନ୍ତି ।

Advertisment

ନିକଟରେ ଏକ ସାକ୍ଷାତକାରରେ ଯୋଗ ଦେଇ ରାମ କପୁର ନିଜର ଓଜନ ହ୍ରାସ ଯାତ୍ରାକୁ ବଖାଣି କହିଛନ୍ତି, ‘ଡାକ୍ତର ମୋ ସ୍ବାସ୍ଥ୍ୟ ଓ ବଢ଼ୁଥିବା ଓଜନକୁ ନେଇ ସଚେତନ କରାଇ ଦେଇଥିଲେ କି ଯଦି ଆଗାମୀ ଦିନରେ ମୁଁ ଓଜନ ହ୍ରାସ ନକରେ  ତେବେ ମୋ ଜୀବନ ପ୍ରତି ବିପଦ ରହିଛି ।

ଏମିତି ବି ଦିନ ଥିଲା ଯେତେବେଳେ ରାମ କପୁରଙ୍କ  ଓଜନ ୧୪୦କିଲୋ ହୋଇଯାଇଥିଲା । ଖାଇବା ପୂର୍ବରୁ ଦିନରେ ତିନିଥର ଇନସ୍ୟୁଲିନ ନେଉଥିଲେ । କୌଣସି ମୁହୂର୍ତ୍ତରେ ଡାଇବେଟିକ ଷ୍ଟ୍ରୋକ୍‌ ହେବାର ଆଶଙ୍କା ରହିଥିଲା । ତେଣୁ ଡାକ୍ତରଙ୍କ ଚେତାବନୀ ପରେ ସେ ଧୀରେଧୀରେ ନିଜ ଜୀବନଶୈଳୀ ପରିବର୍ତ୍ତନ କରିବାକୁ ସ୍ଥିର କରିଥିଲେ । ଓଜନ ହ୍ରାସ କରିବା ଦିଗରେ ଦୃଢ଼ ସଂକଳ୍ପ ନେଇଥିଲେ ରାମ କପୁର । ଯାହାର ଫଳାଫଳ ଆଜି ସମସ୍ତଙ୍କ ସାମ୍ନାରେ ଅଛି ।