ବେଆଇନ ରିଲିଜକୁ ନେଇ ବର୍ଷିଲେ ଅଭିନେତା ଅନୁଭବ: କହିଲେ ୟୁଟୁବରେ ସିନେମା ରିଲିଜ କରୁଥିବା ଲୋକଙ୍କ ବିରୋଧରେ ହେବ କଡ଼ା କାର୍ଯ୍ୟାନୁଷ୍ଠାନ

କନକବ୍ୟୁରୋ: ସିନେମାକୁ ଲିକ୍‌ କରୁଥିବା ଲୋକଙ୍କୁ ଚେତାବନୀ ଦେଲେ ଅଭିନେତା ଅନୁଭବ ମହାନ୍ତି । କହିଲେ ଯେଉଁମାନେ ତାଙ୍କ ଫିଲ୍ମକୁ ହଲରୁ ରେକର୍ଡ କରି ୟୁଟୁବ୍‌ରେ ଲିକ୍ କରୁଛନ୍ତି ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ  ନେବାକୁ ଚେତାବନୀ ଦେଇଛନ୍ତି । ଦଶହରା ବଜାରରେ ମୁକ୍ତିଲାଭ କରିଛି ଅନୁପମ ପଟ୍ଟନାୟକଙ୍କ ପ୍ରଯୋଜିତ ତଥା ଅନୁଭବ ମହାନ୍ତିଙ୍କ ନିର୍ଦ୍ଦେଶିତ ଫିଲ୍ମ କର୍ମ ।

ସିନେମାଟି ପ୍ରେଖ୍ୟାଳୟରେ ଖୁବ୍ ଭଲ ପ୍ରଦର୍ଶନ କରୁଛି । ପ୍ରାୟ ସବୁ ପ୍ରଖ୍ୟାଳୟରେ ହାଉସଫୁଲ ପ୍ରଦର୍ଶିତ ହେଉଛି ଏହି ସିନେମା । ଏଭଳି ସମୟରେ କିଛି ଲୋକ ସିନେମାକୁ ଲିକ୍ କରୁଥିବା ଅଭିଯୋଗ କରି ବର୍ଷିଛନ୍ତି ଅନୁଭବ । ସୋସିଆଲ ମିଡିଆରେ ଭିଡିଓ ସେୟାର କରି ସିନେମା ଲିକ୍‌ କରୁଥିବା ଲୋକଙ୍କୁ ସାବଧାନ କରାଇଛନ୍ତି କର୍ମ ନାୟକ ।