ନିକ୍କି ହତ୍ୟାକାଣ୍ଡ ଘଟଣା ; ଗିରଫ ହେଲେ ଅଭିଯୁକ୍ତ ସ୍ବାମୀ ଓ ଶାଶୂ

କନକ ବ୍ୟୁରୋ: ନିକ୍କି ହତ୍ୟା ମାମଲାରେ, ପୁଲିସ ଅଭିଯୁକ୍ତ ସ୍ବାମୀ ବିପିନ୍ ଓ ଶାଶୂଙ୍କୁ ଗିରଫ କରିଛି । ଗ୍ରେଟର ନୋଏଡା ଡିସିପି କହିଛନ୍ତି , ଏହି ମାମଲାରେ ଆଉ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି । ଅଭିଯୁକ୍ତ ସ୍ୱାମୀ ବିପିନଙ୍କୁ ଏହି ମାମଲାରେ ପୂର୍ବରୁ ଗିରଫ କରାଯାଇଥିଲା  । ରବିବାର ସେ ପୁଲିସ ହେପାଜତରୁ ବନ୍ଧୁକ ଛଡ଼ାଇ ନେଇ ଖସିଯିବାକୁ ଚେଷ୍ଟା କରିଥିଲେ, ଯାହା ପରେ ପୁଲିସ ତାଙ୍କ ସହିତ ଅଧା ଏନକାଉଣ୍ଟର କରିଥିଲା । ବିପିନଙ୍କ ଗୋଡରେ ଗୁଳି ବାଜିଛି, ସେ ବର୍ତ୍ତମାନ ହସ୍ପିଟାଲରେ ଭର୍ତ୍ତି ଅଛନ୍ତି । କୋର୍ଟ ଅଭିଯୁକ୍ତ ବିପିନ ଭାଟିକୁ ୧୪ ଦିନର ନ୍ୟାୟିକ ହାଜତକୁ ପଠାଇ ଦେଇଛନ୍ତି ।

ପୁଲିସର ସୂଚନା ଅନୁଯାୟୀ, ଅଭିଯୁକ୍ତମାନେ ଯେଉଁଠାରୁ ଥିନର କିଣିଥିଲେ ସେହି ସ୍ଥାନର ତଦନ୍ତ ପାଇଁ ପୁଲିସ ତାଙ୍କ ଘରକୁ ଯାଇଥିଲା । ଛାନଭିନ୍ ସମୟରେ  ବିପିନ ପୁଲିସଠାରୁ ପିସ୍ତଲ ଛଡ଼ାଇ ନେଇ ଦୌଡ଼ିବାକୁ ଲାଗିଲା । ବାଧ୍ୟ ହୋଇ ପୁଲିସ ବିପିନ ଉପରକୁ ଗୁଳିମାଡ଼ କରିଥିଲା ।