ଖଲିକୋଟ ଗୋପପୁର ଜଙ୍ଗଲରେ ଅଘଟଣ:ବାରାହ ଫାଶରେ ପଡି ଗଲା ମଣିଷ ଜୀବନ

କନକବ୍ୟୁରୋ: ବାରହା ଫାସରେ ଜୀବନ ଗଲା। ବାରହା ଶିକାର ପାଇଁ ବିଛା ଯାଇଥିବା ବିଦ୍ୟୁତ୍ ତାରରେ ଲାଗି ଜଣେ ବ୍ୟକ୍ତିଙ୍କ ମୃତୁ ହୋଇଛି । ଖଲ୍ଲିକୋଟ ଥାନା ଗୋପପୁର ଜଙ୍ଗଲ ନିକଟରେ ଏଭଳି ଘଟଣା ଘଟିଛି । ମୃତକଙ୍କ ପରିଚୟ ମିଳିପାରିନାହିଁ। ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଦୁଇ ତିନି ଦିନ ତଳେ ଏଭଳି ଘଟଣା ଘଟିଥିବା ଅନୁମାନ କରାଯାଉଛି  ।

ଘଟଣା ସ୍ଥଳରୁ ବାରାହା ଫାସ ସାମଗ୍ରୀ ପୋଲିସ ଜବତ କରିଛି ।  ସେପଟେ ହାତୀ ଆକ୍ରମଣରେ ବନ କର୍ମଚାରୀଙ୍କ ଜୀବନ ଗଲା ।  ଦନ୍ତା ହାତୀ ଆକ୍ରମଣରେ ବନ ବିଭାଗର ଏଲିଫ୍ୟାଣ୍ଟ ସ୍କ୍ବାର୍ଡର କର୍ମଚାରୀ ବସନ୍ତ ମହାନ୍ତଙ୍କ ମୃତ୍ୟୁ ହୋଇଛି । ଲୋକଙ୍କ ଚାଷ ରକ୍ଷା କରିବା ପାଇଁ ହାତୀ ଘଉଡ଼ାଇବା ବେଳେ ଏଭଳି ଅଘଟଣ ଘଟିଛି ।

କେନ୍ଦୁଝର ବନଖଣ୍ଡ ନରଣପୁର ସେକ୍ସନର ଝାରବେଡ଼ ଗାଁ ନିକଟ ଜଙ୍ଗଲରେ ୫ଟିକିଆ ହାତୀପଲ ଆତଙ୍କ ସୃଷ୍ଟି କରିଛନ୍ତି । କିଛିଦିନ ହେଲା ଲୋକଙ୍କ ଚାଷ ଜମି ନଷ୍ଟ କରୁଛନ୍ତି  । ଏଲିଫ୍ୟାଂଟ  ସ୍କ୍ବାର୍ଡର କର୍ମଚାରୀ ମାନେ ହାତୀକୁ ଜଙ୍ଗଲ ଭିତରକୁ ଘଉଡ଼ାଉଥିଲେ ।  ଦୁର୍ଭାଗ୍ୟବସତଃ ଗୋଟିଏ ଦନ୍ତା ହାତୀ ଗୋଠରୁ ଅଲଗା ହେଇ କର୍ମଚାରୀଙ୍କ ପଛରେ ରହିଯାଇଥିଲା। ଯାହା ସେମାନେ ଜାଣି ପାରିନଥିଲେ । ପଛରେ ଥିବା ଦନ୍ତା ବସନ୍ତ ମହାନ୍ତଙ୍କୁ ପଛପଟୁ ଆକ୍ରମଣ କରିବାରୁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି