ବିହାରରେ ନିର୍ବାଚନ ଲଢ଼ିବ ଆପ୍‌ , ଘୋଷଣା କଲେ ଅରବିନ୍ଦ କେଜ୍ରିୱାଲ

କନକ ବ୍ୟୁରୋ:  ଆପ୍‌ର ମୁଖ୍ୟ ଅରବିନ୍ଦ କେଜ୍ରିୱାଲଙ୍କ ବଡ଼ ଘୋଷଣା । କହିଲେ ବିହାରରେ ନିର୍ବାଚନ ଲଢିବ ଆପ୍‌ । କ୍ରେଜ୍ରିୱାଲ ଆହୁରି ମଧ୍ୟ କହିଛନ୍ତି  ଏଥର ଆମର  କାହା ସହ ହେବନି କୌଣସି ମେଣ୍ଟ । ଅହମ୍ମଦାବାଦରେ ହୋଇଥିବା ଏକ ସାମ୍ବାଦିକ ସମ୍ମିଳନୀରେ ଏପରି ଷୋଷଣା କରିଛନ୍ତି କେଜ୍ରିୱାଲ ।  ଏଥିସହିତ ପ୍ରେସ କନ୍‌ଫରେନ୍ସରେ କଂଗ୍ରେସ ଏବଂ ବିଜେପି ଉପରେ  ବର୍ଷିଛନ୍ତି ଆପ୍‌ ମୁଖ୍ୟ । କେଜ୍ରିୱାଲ ସ୍ପଷ୍ଟ କରିଛନ୍ତି ଯେ, କଂଗ୍ରେସ ସହ ହେବନି କୌଣସି ମେଣ୍ଟ । ଏବଂ ଆସନ୍ତା  ବିଧାନସଭା ନିର୍ବାଚନ ପାଇଁ  ଆପ୍‌  ଏକା ନିଜ ଦମ୍‌ରେ ମୈଇଦାନକୁ ଓହ୍ଲାଇବ ।

ସେ ଆହୁରି ମଧ୍ୟ କହିଛନ୍ତି ଇଣ୍ଡିଆ ବ୍ଲକ କେବଳ ଲୋକସଭା ନିର୍ବାଚନ ପାଇଁ ଥିଲା । କିନ୍ତୁ ଏବେ  ଆମର କାହାସହ କୌଣସି  ମେଣ୍ଟ ହେବ ନାହିଁ ।  କେଜ୍ରିୱାଲ କହିଛନ୍ତି ଯେ ଆମର କଂଗ୍ରେସ ସହିତ କୌଣସି ମେଣ୍ଟ ନାହିଁ, ତେଣୁ ଆମେ ବିସାବଦରରେ ଅଲଗା ଭାବରେ ଲଢ଼ିଲୁ । ଆମେ ଗୁଜରାଟରେ ନିର୍ବାଚନ ଲଢ଼ିବୁ ଏବଂ ଜିତିବୁ । ଦିଲ୍ଲୀରେ ପରାଜୟ ବିଷୟରେ ସେ କହିଛନ୍ତି,  ହାର୍‌ ଜିତ୍‌ ତ ଲାଗିଥାଏ । ପଞ୍ଜାବରେ ଆମର ସରକାର ପୁଣି ଥରେ ଗଠନ ହେବ  ବୋଲି  ଦୃଢୋକ୍ତି  ପ୍ରକାଶ କରିଛନ୍ତି କେଜ୍ରିୱାଲ ।