ଭୟଙ୍କର ଭୂକମ୍ପରେ ଥରିଲା ଆମେରିକା ଆଲାସ୍କା : ରିକ୍ଟର ସ୍କେଲରେ ତୀବ୍ରତା ୭.୩ ରେକର୍ଡ

 କନକବ୍ୟୁରୋ  : ଆମେରିକାରେ ଏକ ବଡ଼ ଧରଣର ଭୂକମ୍ପ ଅନୁଭୂତ ହୋଇଯାଇଛି ।  ବୁଧବାର ଦିନ ଆମେରିକାର ଆଲାସ୍କା ରାଜ୍ୟର ଉପକୂଳରେ ୭.୩ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଯାଇଛି ।   ଯାହା ପ୍ରଭାବରେ ଆମେରିକା ଥରହର ହୋଇ ପଡ଼ିଥିଲା । ଯାହା ପରେ ପରେ ଆମେରିକାର ଭୂତତ୍ତ୍ୱ ସର୍ବେକ୍ଷଣରୁ ସୁନାମୀ ଚେତାବନୀ ପ୍ରକାଶ ପାଇଛି । 

କର୍ତ୍ତୃପକ୍ଷ ଦକ୍ଷିଣ ଆଲାସ୍କା ଏବଂ ଆଲାସ୍କା ଉପଦ୍ୱୀପ ପାଇଁ ସୁନାମି ଚେତାବନୀ ଜାରି କରିଛନ୍ତି ବୋଲି ସୂଚନା ରହିଛି ।  ଆଲାସ୍କାର ପାଲମରରେ ଥିବା ଜାତୀୟ ସୁନାମି ଚେତାବନୀ କେନ୍ଦ୍ର ପକ୍ଷରୁ କୁହାଯାଇଛି ଯେ "ସୁନାମୀ ହେବ ବୋଲି ନିଶ୍ଚିତ ହୋଇଛି ଏବଂ କିଛି ପ୍ରଭାବ ଆଶା କରାଯାଉଛି," ।  ପ୍ରାରମ୍ଭିକ ସୂଚନା ଆଧାରରେ, ଦୂରବର୍ତ୍ତୀ ଅଞ୍ଚଳ ପାଇଁ ସୁନାମି ଚେତାବନୀ ଜାରି କରାଯାଇ ନଥିଲା । ୟୁଏସ୍‌ଜିଏସ୍‌ କହିଛି ଯେ ଭୂମିକମ୍ପ ପ୍ରାୟ ୧୨:୩୭ ସ୍ଥାନୀୟ ସମୟ (୨୦୩୭ ଜିଏମ୍‌ଟି) ରେ ହୋଇଥିଲା। ଏହାର କେନ୍ଦ୍ରସ୍ଥଳ ସ୍ୟାଣ୍ଡ ପଏଣ୍ଟ ଦ୍ୱୀପ ସହରରୁ ପ୍ରାୟ ୫୪ ମାଇଲ (୮୭ କିଲୋମିଟର) ଦକ୍ଷିଣରେ ଅବସ୍ଥିତ। ଭୂମିକମ୍ପର ଗଭୀରତା ୨୦.୧ କିଲୋମିଟର ଥିଲା।