ଓଡ଼ିଶାରେ ରୋଗୀ-କୈନ୍ଦ୍ରିକ ଚିକିତ୍ସାର ନୂତନ ଅଧ୍ୟାୟ...

କନକ ବ୍ୟୁରୋ: ଭୁବନେଶ୍ବର କେୟାର ହସ୍ପିଟାଲ୍‌ The Billion Knee Project and Health & Harmony Trust ସହ ମିଳିତ ଭାବେ ଏକ ଗୁରୁତ୍ଵପୂର୍ଣ୍ଣ ଚିକିତ୍ସା ସମ୍ମିଳନୀ ଆୟୋଜିତ ହୋଇଯାଇଛି । ଏହି କନ୍‌କ୍ଲେଭର ଲକ୍ଷ୍ୟ ଥିଲା ଆଧୁନିକ ଚିକିତ୍ସା ପ୍ରବୃତ୍ତି ବିଷୟରେ ସମ୍ବାଦ, ଶିକ୍ଷା ଓ ସଚେତନତା ବୃଦ୍ଧି କରିବା । Indian Association of Physiotherapy and Health & Harmony Trust ଏଥିରେ ଜ୍ଞାନ ସହଯୋଗୀ ଭାବେ ଅଂଶଗ୍ରହଣ କରିଥିଲେ । କେୟାର ରିବାଇଣ୍ଡ୍ ୨.୦ ର ଉଦ୍ଦେଶ୍ୟ ଥିଲା ଓଡ଼ିଶାର ବିଭିନ୍ନ ଜିଲ୍ଲାରୁ ଆସିଥିବା ଶୀର୍ଷ ସ୍ଵାସ୍ଥ୍ୟ ବିଶେଷଜ୍ଞମାନଙ୍କୁ ଏକ ମଞ୍ଚରେ ଏକତ୍ରିତ କରି ଭବିଷ୍ୟତର ସୁସ୍ଥ ସ୍ଵାସ୍ଥ୍ୟ ପରିବେଶ ଗଠନ କରିବା । ଏପରିକି ସାରା ଓଡ଼ିଶାର ଉଚ୍ଚପଦସ୍ଥ ଡାକ୍ତର ଏବଂ ସ୍ଵାସ୍ଥ୍ୟସେବା ବିଶେଷଜ୍ଞଙ୍କ ପାଇଁ ଅର୍ଥପୂର୍ବ ଆଲୋଚନାରେ ସାମିଲ ହେବା ।

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମୁକେଶ ମହାଲିଙ୍ଗ ଏବଂ ସମ୍ମାନିତ ଅତିଥି ଭାବେ ବାଚସ୍ପତି ସୁରମା ପାଢ଼ୀ ଯୋଗ ଦେଇଥିଲେ । ପ୍ରସିଦ୍ଧ ଅର୍ଥୋପେଡିକ୍ ବିଶେଷଜ୍ଞ ଡାକ୍ଟର ସନ୍ଦୀପ ସିଂହ, ଅସ୍ଥିଶଲ୍ୟ ବିଭାଗର ମୁଖ୍ୟ ଏବଂ ରୋବୋଟିକ୍ ସର୍ଜରୀ ଏବଂ କ୍ରୀଡ଼ା ଆଘାତର ମୁଖ୍ୟ ପରାମର୍ଶଦାତା କିସଲେ ଆନନ୍ଦ, ଜୋନାଲ ମୁଖ୍ୟ ପରିଚାଳନା ଅଧିକାରୀ ଲୋକନାଥ ଦାଶ । କେୟାର ହସ୍ପିଟାଲ୍ ବରିଷ୍ଠ ଡାକ୍ତର ଏବଂ ଚିକିତ୍ସା ବୃତ୍ତିଗତଙ୍କ ସମେତ ପ୍ରମୁଖ ବ୍ୟକ୍ତିବିଶେଷ ଯୋଗ ଦେଇଥିଲେ । ଏହି ଅବସରରେ ସ୍ୱାସ୍ଥ୍ୟମନ୍ତ୍ରୀ କହିଛନ୍ତି, “କେୟାର ହସ୍ପିଟାଲର ଏଭଳି ପଦକ୍ଷେପ ଓଡ଼ିଶାରେ ସ୍ୱାସ୍ଥ୍ୟ ସେବାର ଭବିଷ୍ୟତ ଗଠନରେ ଗୁରୁତ୍ଵପୂର୍ଣ୍ଣ । ବିଭିନ୍ନ ବିଭାଗର ଚିକିତ୍ସା ବୃତ୍ତିଗତମାନଙ୍କୁ ଏକାଠି କରି, ଆମେ କେବଳ ଜ୍ଞାନ ଆଦାନପ୍ରଦାନ କରୁନାହୁଁ, ଆମେ ଏକ ଦୃଢ଼ ସ୍ଵାସ୍ଥ୍ୟ ସେବା ଇକୋସିଷ୍ଟମ୍ ନିର୍ମାଣ କରୁଛୁ ଯାହା ଆସନ୍ତାକାଲିର ଚ୍ୟାଲେଞ୍ଜ୍ ପାଇଁ ପ୍ରସ୍ତୁତ ।

କେୟାର ହସ୍ପିଟାଲର ଅସ୍ଥିଶଲ୍ୟ ବିଭାଗର ମୁଖ୍ୟ ଏବଂ ରୋବୋଟିକ୍ ସର୍ଜରୀ ଏବଂ କ୍ରୀଡ଼ା ଆଘାତର ମୁଖ୍ୟ ପରାମର୍ଶଦାତା ଡାକ୍ତର ସନ୍ଦୀପ ସିଂହ ଆଧୁନିକ ଅସ୍ଥିଶଲ୍ୟ ଚିକିତ୍ସାରେ ଉନ୍ନତ ଚିକିତ୍ସା କୌଶଳ ଏବଂ ପୁନର୍ବାସର ଭୂମିକା ଉପରେ ଗୁରୁତ୍ବାରୋପ କରିଥିଲେ । ରୋବୋଟିକ୍ ଚିକିତ୍ସା ଏବଂ ଉନ୍ନତ ଅସ୍ତ୍ରୋପଚାର ରୋଗୀଙ୍କ ଚିକିତ୍ସା ପଦ୍ଧତିକୁ ପରିବର୍ତ୍ତନ କରୁଛି, ଏହାକୁ ସୁରକ୍ଷିତ, ଦ୍ରୁତ ଏବଂ ଅଧିକ ସଠିକ୍ କରୁଛି । ସଚେତନତା, ପ୍ରାରମ୍ଭିକ ଯତ୍ନ ଦ୍ବାରା ଆମେ ଲୋକମାନଙ୍କୁ ସୁସ୍ଥ ଜୀବନଯାପନ କରିବାରେ ସାହାଯ୍ୟ କରିପାରିବା । ମୁଖ୍ୟ ଭାଷଣରେ ପ୍ରଫେସର ଅମ୍ଳାନ ଜ୍ୟୋତି ମହାନ୍ତି  ଉପସ୍ଥିତ ଲୋକଙ୍କୁ ଅନୁପ୍ରାଣିତ କରିଥିଲେ । କହିଥିଲେ କେୟାର ହସ୍ପିଟାଲ ଭାରତର ଅଗ୍ରଣୀ ସ୍ୱାସ୍ଥ୍ୟସେବା ପ୍ରଦାନକାରୀମାନଙ୍କ ମଧ୍ୟରୁ ଗୋଟିଏ । ଏହାର ବିଭିନ୍ନ ବିଶେଷତାରେ ବିଶ୍ବସ୍ତରୀୟ ଚିକିତ୍ସା ସେବା ପ୍ରଦାନ କରିବାକୁ ପ୍ରତିବଦ୍ଧ । ଏହି ଗ୍ରୁପ୍ ଭାରତର ୬ଟି ରାଜ୍ୟର ୭ଟି ସହରରେ ସେବା ପ୍ରଦାନ କରୁଥିବା ୧୭ଟି ସ୍ୱାସ୍ଥ୍ୟ ସେବା ସୁବିଧା ପରିଚାଳନା କରୁଛି । ଏହା ମଧ୍ୟ ୩୦ରୁ ଅଧିକ କ୍ଲିନିକାଲ୍ ସ୍ପେସିଆଲିଟିଜରେ ବ୍ୟାପକ ଚିକିତ୍ସା ପ୍ରଦାନ କରେ, ୩୦୦୦+ରୁ ଅଧ‌ିକ ଶଯ୍ୟା ସହିତ ସେବା ମଧ୍ୟ ପ୍ରଦାନ କରୁଛି ।