କନକ ବ୍ୟୁରୋ:  ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି । ଯାହା ଅନେକ ଲୋକଙ୍କ ହୃଦୟକୁ ଛୁଇଁ ଯାଉଛି । ଏହି ଭିଡିଓରେ ଜୀନ୍‌ର ଜଣେ ଡେଲିଭରି ବୟ ନିଜ କାମର ଚାପ ଏବଂ କଷ୍ଟ ସହି ନ ପାରି ରାସ୍ତା କଡ଼ରେ ବସି ଭୋ ଭୋ ହୋଇ କାନ୍ଦୁଥିବାର ଦେଖିବାକୁ ମିଳିଛି । ତାଙ୍କର ଏହି ଦୁଃଖ ଏବଂ ଅସହାୟତା ଦେଖି ଲୋକମାନେ ଭାବବିହ୍ୱଳ ହୋଇପଡିଛନ୍ତି । ଭାଇରାଲ ହୋଇଥିବା ଏହି ଭିଡିଓରେ ଦେଖାଯାଇଛି ଯେ, ଯୁବକ ରାସ୍ତା କଡରେ ବସି ନିଜର ଦୁଃଖ ବ୍ୟକ୍ତ କରୁଛନ୍ତି। ଜଣେ ବ୍ୟକ୍ତି ତାଙ୍କୁ କାନ୍ଦିବାର କାରଣ ପଚାରିବାରୁ ସେ କୋହଭରା କଣ୍ଠରେ କହୁଛନ୍ତି, "ମୁଁ ଏହି କାମ କରି କରି ଅତିଷ୍ଠ ହୋଇଗଲିଣି । ପ୍ରତ୍ୟେକ ଦିନ ୧୦ରୁ ଅଧକ  ଘରର ଆର୍ଥିକ ସ୍ଥିତି ଭଲ ନଥିବାରୁ ମୋତେ ପାଠପଢା ଛାଡିବାକୁ ପଡିଥିଲା । ଯଦି ମୋତେ ଆଉ ଗୋଟିଏ ସୁଯୋଗ ମିଳିଥାନ୍ତା, ତେବେ ମୁଁ ନିଶ୍ଚୟ ପାଠ ପଢିଥାନ୍ତି ।"

Advertisment


ସେ ଆହୁରି ମଧ୍ୟ କହିଛନ୍ତି ଯେ ତାଙ୍କ ପରିବାରରେ ସେ ଏକମାତ୍ର ରୋଜଗାରକ୍ଷମ ବ୍ୟକ୍ତି । ପରିବାରର ସମସ୍ତ ଦାୟିତ୍ୱ ତାଙ୍କ କାନ୍ଧ ଉପରେ ରହିଛି । ପ୍ରବଳ ଖରା, ବର୍ଷା ଓ ଶୀତକୁ ଖାତିର ନକରି ଦିନରାତି ପରିଶ୍ରମ କରିବା ସତ୍ତ୍ୱେ ସେ ନିଜର ସ୍ୱପ୍ନ ପୂରଣ କରିପାରୁ ନାହାନ୍ତି । ତାଙ୍କର ଏହି ଯନ୍ତ୍ରଣାଦାୟକ କଥା ଶୁଣି ସେଠାରେ ଉପସ୍ଥିତ ଲୋକମାନେ ମଧ୍ୟ ଭାବୁକ ହୋଇପଡିଥିଲେ । ଏହି ଭିଡିଓଟି ସୋସିଆଲ ମିଡିଆରେ ସେୟାର ହେବା ପରେ ଲକ୍ଷ ଲକ୍ଷ ଲୋକ ଏହାକୁ ଦେଖିସାରିଲେଣି । 

ଅନେକ ୟୁଜର ଡେଲିଭରି ବୟଙ୍କ ପ୍ରତି ସମବେଦନା ଜଣାଇବା ସହ ତାଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିଛନ୍ତି । ଏହି ଘଟଣା ଆମ ସମାଜର ଏକ କଠୋର ବାସ୍ତବତାକୁ ସାମ୍ନାକୁ ଆଣିଛି । ଆମ ଚାରିପାଖରେ ଏପରି ଅନେକ ଯୁବକ ଅଛନ୍ତି ଯେଉଁମାନେ ପରିବାରର ଦାୟିତ୍ୱ ପାଇଁ ନିଜର ସ୍ୱପ୍ନକୁ ବଳି ଦେଇଥାନ୍ତି । ଡେଲିଭରି  ଚୀନ୍‌ର ବୟଙ୍କର ଏହି କୋହଭରା କାନ୍ଦ, କେବଳ ତାଙ୍କର ବ୍ୟକ୍ତିଗତ ଦୁଃଖ ନୁହେଁ ବରଂ ଶିକ୍ଷାର ମହତ୍ତ୍ୱ ଏବଂ ଆର୍ଥିକ ଅନାଟନ ଯୋଗୁଁ ସୁଯୋଗରୁ ବଞ୍ଚିତ ହେଉଥିବା ଅଗଣିତ ଯୁବକଙ୍କ ଯନ୍ତ୍ରଣାର ପ୍ରତିଫଳନ କରୁଛି ।