କନକ ବ୍ୟୁରୋ : ଦିନକୁ ଦିନ ଦେଶରେ ସାଇବର ଠକଙ୍କ ସଂଖ୍ୟା ବଢିବାରେ ଲାଗିଛି । ଏମାନେ ସାଧାରଣ ଲୋକଙ୍କ ଠାରୁ ଆରମ୍ଭ କରି ବଡବଡିଆ ଲୋକ କାହାକୁ ବି କେତେବେଳେ ଠକିବାରେ ସଫଳ ହେଉଛନ୍ତି । ଏମାନଙ୍କ ଭୟରେ ଲୋକେ ଆକାଉଣ୍ଟରେ ଟଙ୍କା ରଖିବାକୁ ବି ଭୟ କଲେଣି । ଦୈନିକ ଏନେଇ ହଜାର ହଜାର ମାମଲା ରୁଜୁ ହେଉଛି । ସେମାନଙ୍କ ମଧ୍ୟରୁ ୫ ପ୍ରତିଶତ ଲୋକଙ୍କୁ ଟଙ୍କା ଫେରାଇବାରେ ସାଇବର ପୋଲିସ ସଫଳ ହୋଇପାରୁନାହିଁ । ଏହା ଭିତରେ ଆଜି କମିଶନରେଟ୍ ପୋଲିସକୁ ଏକ ବଡ ସଫଳତା ମିଳିଛି । ରାଜଧାନୀ  ଭୁବନେଶ୍ବର ଏୟାରଫିଲ୍ଡ ଥାନା ଅଞ୍ଚଳରେ ସାଇବର ସଇତାନଙ୍କ ଆଡ୍ଡାରେ ଚଢାଉ। କମିଶନରେଟ୍ ପୋଲିସ ପ୍ରେଷ୍ଟିଜ୍ ଆପାର୍ଟମେଣ୍ଟର ଫ୍ଲାଟ୍ ନମ୍ବର ୬୦୨ରେ ଚଢାଉ କରିଛି। ଚଢାଉ ବେଳେ ବିପୁଳ ସିମ୍ କାର୍ଡ, ପାସପୋର୍ଟ, ଆଇଫୋନ୍ ଓ ଲାପଟପ୍ ଜବତ ହୋଇଛି । ୪ ଜଣ ବିଟେକ୍ ପଢୁଆ ସାଇବର ଠକଙ୍କୁ ଗିରଫ କରିଛି ପୋଲିସ। ସମସ୍ତେ ଦିଲ୍ଲୀର ହୋଇଥିବା ବେଳେ ସେମାନେ ଭୁବନେଶ୍ବରରେ ରହି ସାଇବର ଠାକି ଚଳାଇଥିଲେ। ଅନଲାଇନ୍‌ ବେଟିଂ କରି କୋଟି କୋଟି ଟଙ୍କା ଆୟ କରୁଥିଲେ। ଫ୍ଲାଟ ନମ୍ବର ୬୦୨ରୁ ହେଉଥିଲା ଅପରେସନ୍।