ମହିଳାଙ୍କୁ ଯୌନ ଶୋଷଣ କରୁଥିବା ୯ ଦୋଷୀଙ୍କୁ ଆଜୀବନ କାରାଦଣ୍ଡ : ମିଛ ଜାଲରେ ଫଶାଇ କରୁଥିଲେ ବ୍ଲାକମେଲିଂ

କନକବ୍ୟୁରୋ : ତାମିଲନାଡୁର ବହୁ ଚର୍ଚ୍ଚିତ ପୋଲ୍ଲାଚୀ ଯୌନ ଶୋଷଣ  ମାମଲାର ସମସ୍ତ ୯ଜଣ ଦୋଷୀଙ୍କୁ ଆଜୀବନ କାରାଦଣ୍ଡ  ।  ଏଥିସହ ପୀଡିତାଙ୍କ ପରିବାରକୁ କ୍ଷତିପୂରଣ ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି  ।  ୨୦୧୯ ମସିହାରେ ଏକାଧିକ ମହିଳାଙ୍କୁ ମିଛ ଫାସରେ ପକାଇ ପ୍ରଥମେ ଯୌନ ଶୋଷଣ ଓ ପରେ ବ୍ଲାକମେଲିଂ କରୁଥିବା ଭଳି ସଂଗୀନ ଅଭିଯୋଗ ରହିଛି  ।  ଏପରିକି ଭିଡିଓ ଭାଇରାଲ ଧମକ ମଧ୍ୟ ଦେଉଥିଲେ ।  ଘଟଣାକୁ ନେଇ ୨୦୧୯ ମସିହାରୁ ତାମିଲନାଡୁ ରାଜନୀତିରେ ସରଗରମ ସ୍ଥିତି ମଧ୍ୟ ଉପୁଜିଛି ।  କାରଣ ଯେଉଁ ସମୟରେ ଏହି ମାମଲା ସାମ୍ନାକୁ ଆସିଥିଲା ସେତେବେଳେ ରାଜ୍ୟରେ ବିଜେପି ଓ ଏଆଇଏଡି ଏମକେ ସରକାର ଥିଲା । ଯାହାକୁ ପ୍ରସଙ୍ଗ କରି ଘେରିଥିଲା ଡିଏମକେ । ତାମିଲନାଡୁରେ ଷ୍ଟାଲିନ ସରକାର ଆସିବା ପରେ ମାମଲାର ତଦନ୍ତ ସିବିଆଇ ହାତକୁ ଯାଇଥିଲା  ।