ପୁଣି ବିମାନକୁ ବମରେ ଉଡାଇବାକୁ ଧମକ ।  ଆସୁଛି ଧମକପୂର୍ଣ୍ଣ କଲ୍ ଓ ମେସେଜ୍ ।

କନକ ବ୍ୟୁରୋ: ବିମାନ ଉଡାଇବାକୁ  ପୁଣି ଧମକ ।  ଲଗାତାର ଭାବେ ଭାରତୀୟ ବିମାନଗୁଡିକୁ ବୋମା ଥିବା ନେଇ ଆସୁଛି ଧମକପୂର୍ଣ୍ଣ କଲ୍ ଓ ମେସେଜ୍ । ମଙ୍ଗଳବାରୁ ପୁଣି ୧୦ଟି ବିମାନକୁ ବୋମା ଧମକ ମିଳିଛି। ଇଣ୍ଡିଗୋ, ଭିସ୍ତାରା ଏବଂ ଏୟାର ଇଣ୍ଡିଆ ବିମାନକୁ ବୋମା ଥିବା ନେଇ ଧମକ ମିଳିଛି । ଏହାକୁ ମିଶାଇଲେ ସପ୍ତାହେ ମଧ୍ୟରେ ୧୩୦ରୁ ଅଧିକ ବିମାନକୁ ବୋମା ଧମକ ମିଳିସାରିଲାଣି । ବୋମା ଧମକ ମିଳିଥିବା ବିମାନ ମଧ୍ୟରୁ ସର୍ବାଧିକ ବିଦେଶ ଯାତ୍ରା କରିବାକୁ ଥିବା ବିମାନ ରହିଛି । ଏହାକୁ ନେଇ ବିମାନ କମ୍ପାନୀ କୋଟି କୋଟି ଟଙ୍କା କ୍ଷତିରେ ପଡ଼ୁ ଥିବାବେଳେ ବେସାମରିକ ବିମାନ ଚଳାଚଳ ମନ୍ତ୍ରାଳୟର ଚିନ୍ତା ବଢିଛି ।  ଏପରି ଅପରାଧକୁ ରୋକିବା ପାଇଁ ବିଭାଗ ପକ୍ଷରୁ ବ୍ୟାପକ ଆଲୋଚନା ପର୍ୟ୍ୟାଲୋଚନା ଚାଲି ଥିବାବେଳେ ବାରମ୍ବାର ଧମକ ଏବେ ଚିନ୍ତା ବଢାଇଛି  ।