ଦିଲ୍ଲୀ: ସ୍ବାସ୍ଥ୍ୟ ସମସ୍ୟା ବଢ଼ାଉଛି ପ୍ରଦୂଷଣ

କନକ ବ୍ୟୁରୋ: ଉତ୍କଟ ବାୟୁ ପ୍ରଦୂଷଣ ପାଇଁ ସନ୍ତୁଳି ହେଉଛନ୍ତି ରାଜଧାନୀ ଦିଲ୍ଲୀବାସୀ । ବିଗତ ଏକ ମାସ ହେବ ଦିଲ୍ଲୀରେ ବାୟୁର ଗୁଣବତ୍ତାମାନ ବିଷାକ୍ତ ସ୍ତରକୁ ଖସିଆସିଛି । ଯେଉଁଥିପାଇଁ ଦେଖାଦେଇଛି ସ୍ବାସ୍ଥ୍ୟ ସମସ୍ୟା । ପ୍ରତି ଘରେ ଏବେ ଦେଖାଦେଲାଣି ବିଭିନ୍ନ ପ୍ରକାର ରୋଗ । ଯାହାକୁ ନେଇ ଏବେ ଚିନ୍ତାରେ ସରକାର ଓ ଦିଲ୍ଲୀବାସୀ ।

Advertisment

ଘାତକ ହେଉଛି ଦିଲ୍ଲୀର ‘ବାୟୁ’ ପ୍ରଦୂଷଣ
ଦିଲ୍ଲୀର ୭୫ ପ୍ରତିଶତ ପରିବାର ଆକ୍ରାନ୍ତ

ପ୍ରଦୂଷଣ ହେତୁ ବର୍ତ୍ତମାନ ଦିଲ୍ଲୀ-ଏନସିଆରର ଅବସ୍ଥା ଖରାପ ହେବାରେ ଲାଗିଛି । ଲୋକମାନେ ନିଶ୍ୱାସ ନେବାରେ ଅସୁବିଧାର ସମ୍ମୁଖୀନ ହେଉଛନ୍ତି । ଦିଲ୍ଲୀର ଏୟାର କ୍ୱାଲିଟି ଇଣ୍ଡେକ୍ସ ରେକର୍ଡ ସ୍ତରରେ ପହଞ୍ଚିଥିଲା ସେତେବେଳେ ଏକ ସର୍ଭେ ଆରମ୍ଭ ହୋଇଥିଲା । ଲୋକମାନେ କିପରି ବିଷାକ୍ତ ବାୟୁ ସହିତ ମୁକାବିଲା କରୁଛନ୍ତି ତାହା ସର୍ଭେରୁ ଜଣାପଡିଛି...

ଦିଲ୍ଲୀରେ କାଳ ସାଜିଛି ବାୟୁ ପ୍ରଦୂଷଣ

ପ୍ରତ୍ୟେକ ପରିବାର ଜଣେ ସଦସ୍ୟ ଅସୁସ୍ଥ
୭୫% ପରିବାର ପ୍ରଦୂଷଣରେ ଆକ୍ରାନ୍ତ
୫୦% ପରିବାର ଶ୍ବାସଜନିତ ସମସ୍ୟାରେ ଆକ୍ରାନ୍ତ
ଗୁରୁଗ୍ରାମ, ଦିଲ୍ଲୀ, ଫରିଦାବାଦ,ନୋଏଡ ଓ ଗାଜିଆବାଦ ସବୁଠୁ ଅଧିକ ଆକ୍ରାନ୍ତ
୨୧ହଜାର ଲୋକଙ୍କୁ ନେଇ ସର୍ଭେ କରାଯାଇଛି
ଅଧିକାଂଶଙ୍କ ନିକଟରେ ମୁଣ୍ଡବିନ୍ଧା ଲକ୍ଷଣ ପ୍ରକାଶ ପାଉଛି
କିଛି ଲୋକଙ୍କ ନିକଟରେ କାଶ, ନିଶ୍ବାସପ୍ରଶ୍ବାସ କଷ୍ଟ ଅନୁଭବ ହୋଇଛି
ଦିଲ୍ଲୀର ଏକ୍ୟୁଆଇ ୪ଶହ ଟପିବାପରେ ଗ୍ରାଫ ଫୋର ଲାଗୁ

ସେପଟେ ଦିଲ୍ଲୀରେ ବଢୁଥିବା ପ୍ରଦୂଷଣ ପାଇଁ ଚିନ୍ତାରେ ସରକାର । ଦିଲ୍ଲୀ ଆପ ସରକାରର ପରିବେଶ ମନ୍ତ୍ରୀ ଗୋପାଳ ରାୟ ଗତକାଲି ଜରୁରୀ ବୈଠକ କରିଛନ୍ତି । ସ୍ଥିତି ମୁକାବିଲା ପାଇଁ ସରକାରୀ ଅଧିକାରୀଙ୍କୁ ଘରୁ କାମ କରିବାକୁ ନିର୍ଦ୍ଦେଶ ଦିଆଯାଇଛି । ମାତ୍ର ୫୦% କର୍ମଚାରୀଙ୍କୁ ଅଫିସ ଆସିବାକୁ ନିର୍ଦ୍ଦେଶ ଦିଆଯାଇଛି । ସେହିପରି ସ୍କୁଲ ଓ କେଲଜ ଗୁଡିକୁ ଅନଲାଇନ୍ କ୍ଲାସ ନେବା ପାଇଁ କୁହାଯାଇଛି । ଦିଲ୍ଲୀରେ ବଢୁଥିବା ବାୟୁ ପ୍ରଦୂଷଣ ପାଇଁ ଚିନ୍ତାରେ ରାଜଧାନୀବାସୀ । ସ୍ଥିତି ଯଦି ନ ସୁଧିରିବ ତେବେ ଆଗକୁ ଦିଲ୍ଲୀରେ ଭୟଙ୍କର ସ୍ଥିତି ଉପୁଜିପାରେ ।