କନକ ବ୍ୟୁରୋ: ମଧ୍ୟପ୍ରଦେଶର ଦାମୋହ ଜିଲ୍ଲାର ଏକ ହସ୍ପିଟାଲରେ ନକଲି ହୃଦରୋଗ ଡାକ୍ତରଙ୍କ ଚିକିତ୍ସାରେ ୭ ଜଣଙ୍କ ମୃତ୍ୟୁ ଘଟିଛି । ଜାତୀୟ ମାନବାଧିକାର କମିଶନ ସଦସ୍ୟ ପ୍ରିୟଙ୍କ କାନୁନଗୋ କହିଛନ୍ତି, ଜଣେ ନକଲି ଡାକ୍ତର ହୃଦରୋଗ ଅସ୍ତ୍ରୋପଚାର କରି ଅନେକ ଲୋକଙ୍କ ମୃତ୍ୟୁ ଘଟାଇଥିବା ନେଇ ଅଭିଯୋଗ ଆସିଥିଲା । ଆୟୁଷ୍ମାନ ଭାରତ ଯୋଜନାରେ ଏହି ହସ୍ପିଟାଲ ସରକାରଙ୍କଠାରୁ ଟଙ୍କା ନେଉଥିବା ମଧ୍ୟ ସୂଚନା ମିଳିଛି । ଘଟଣାରେ ଅଧିକ ତଦନ୍ତ ଜାରି ରହିଛି । ଏନ୍ଏଚ୍ଆରସିରେ ଜଣେ ସ୍ଥାନୀୟ ବାସିନ୍ଦାଙ୍କ ଅଭିଯୋଗ ଅନୁଯାୟୀ, ଡାକ୍ତର ଏନ୍ ଜନ୍ କାଇମ୍ ନାମକ ଜଣେ ବ୍ୟକ୍ତି ଦମୋହସ୍ଥିତ ମିଶନ ହସ୍ପିଟାଲରେ ରୋଗୀଙ୍କ ଚିକିତ୍ସା କରୁଥିଲେ । ଅଭିଯୋଗକାରୀ ଦର୍ଶାଇଛନ୍ତି ଯେ, ଉକ୍ତ ବ୍ୟକ୍ତିଙ୍କ ପ୍ରକୃତ ନାମ ନରେନ୍ଦ୍ର ବିକ୍ରମାଦିତ୍ୟ ଯାଦବ । ନରେନ୍ଦ୍ର ବିକ୍ରମାଦିତ୍ୟ ଯାଦବ ବ୍ରିଟେନର ପ୍ରଖ୍ୟାତ ହୃଦ୍ରୋଗ ବିଶେଷଜ୍ଞ ପ୍ରଫେସର ଜନ୍ କାଇମଙ୍କ ନାମ ବ୍ୟବହାର କରି ରୋଗୀଙ୍କୁ ବିଭ୍ରାନ୍ତ କରି ଅପରେସନ କରୁଥିଲେ । ପ୍ରକୃତ ଡାକ୍ତର ଜନ୍ କାଇମ୍ ସୋସିଆଲ ମିଡିଆରେ ଏହି ଛଦ୍ମ ଡାକ୍ତରଙ୍କ ବିଷୟରେ ଚେତାବନୀ ମଧ୍ୟ ଦେଇଥିଲେ । ତେଲେଙ୍ଗାନାରେ ନରେନ୍ଦ୍ର ବିକ୍ରମାଦିତ୍ୟ ଯାଦବଙ୍କ ବିରୋଧରେ ଏଫଆଇଆର ମଧ୍ୟ ରୁଜୁ ହୋଇଛି, ଯାହାର ତଦନ୍ତ ଜାରି ରହିଛି । ଯାଦବ ଯେଉଁ ଡାକ୍ତରଖାନାରେ ଅସ୍ତ୍ରୋପଚାର କରୁଛନ୍ତି ତାହାକୁ ଆୟୁଷ୍ମାନ ଭାରତ ଯୋଜନାରେ ଅନ୍ତର୍ଭୁକ୍ତ କରାଯାଇଛି, ଯାହା ସରକାରୀ ପାଣ୍ଠିର ଅପବ୍ୟବହାର କରାଯାଉଥିବା ଆଶଙ୍କା ସୃଷ୍ଟି କରିଛି ।
ହୃଦରୋଗ ଅସ୍ତ୍ରୋପଚାର କଲେ ନକଲି ଡାକ୍ତର ! ଚାଲିଗଲା ୭ ଜୀବନ
ଜଣେ ନକଲି ଡାକ୍ତର ହୃଦରୋଗ ଅସ୍ତ୍ରୋପଚାର କରି ଅନେକ ଲୋକଙ୍କ ମୃତ୍ୟୁ ଘଟାଇଥିବା ନେଇ ଅଭିଯୋଗ ଆସିଥିଲା । ଆୟୁଷ୍ମାନ ଭାରତ ଯୋଜନାରେ ଏହି ହସ୍ପିଟାଲ ସରକାରଙ୍କଠାରୁ ଟଙ୍କା ନେଉଥିବା ମଧ୍ୟ ସୂଚନା ମିଳିଛି । ଘଟଣାରେ ଅଧିକ ତଦନ୍ତ ଜାରି ରହିଛି ।
/kanak/media/media_files/2025/04/07/UoXLxyuFHhqBx8HaoedM.jpg)