କୋଟିଏ ଟଙ୍କାର ରାସ୍ତା ୫ ବର୍ଷ ବି ଗଲାନି; ରାସ୍ତାସାରା ଖାଲଖମାରେ ଭର୍ତ୍ତି

କନକ ବ୍ୟୁରୋ :  ବିପର୍ଯ୍ୟସ୍ତ ରାସ୍ତାର ଅବସ୍ଥା, ରାସ୍ତାସାରା ଖାଲଖମାରେ ଭର୍ତ୍ତି । ୫ ବର୍ଷ ହୋଇନି ଉଠିଗଲାଣି ପିଚୁ । କୋଟିଏରୁ ଅଧିକ ଟଙ୍କା ଖର୍ଚ୍ଚ ହେଲା । ଗଞ୍ଜାମ ଜିଲ୍ଲା ଖଲ୍ଲିକୋଟର ପିଟିଣିପଲ୍ଲୀ ଗ୍ରାମକୁ ଏହି ରାସ୍ତା ତିଆରି ହୋଇଛି । ହେଲେ ୫ବର୍ଷ ପୁରିନଥିବା ବେଳେ ରାସ୍ତାରୁ ପିଚୁ ଉଠିଗଲାଣି । ରାସ୍ତା ସାରା ଖାଲଖମାରେ ଭର୍ତ୍ତି ହୋଇଥିବା ବେଳେ ପାଲଟିଛି ମରଣଯନ୍ତା । ନିମ୍ନାମାନରର କାମ ଯୋଗୁ ରାସ୍ତା ଖୋଳି ହୋଇପଡିଛି ।

ପିଟିଣାପଲ୍ଲୀରୁ ମଥୁରାକୁ ସଂଯୋଗ କରୁଥିବା ଏହି ରାସ୍ତାରେ ଦୁର୍ଘଟଣା ଯେମିତି ସାଧାରଣ ପାଲଟିଛି । ରାସ୍ତା ଖରାପ ପାଇଁ ଗାଁକୁ ବଡ଼ ଗାଡ଼ି ଯିବା ଆସିବା କରିପାରୁନାହିଁ । ଜରୁରୀ କାଳୀନ ପରିସ୍ଥିତିରେ ଆମ୍ବୁଲାନ୍ସ ମଧ୍ୟ ଯିବା ଅସୁବିଧା କରିପାରୁନାହିଁ । ସାଧାରଣ ଲୋକଙ୍କଠାରୁ ନେଇ ସ୍କୁଲ କଲେଜ ପିଲାମାନେ ମଧ୍ୟ ଅନେକ ସମସ୍ୟା ଭୋଗୁଛନ୍ତି ଏହି ରାସ୍ତା ପାଇଁ ।

ରାସ୍ତା ମରାମତି ପାଇଁ ଜିଲ୍ଲା ପ୍ରଶାସନ ପାଖେ ଗ୍ରାମବାସୀ ବାରମ୍ବାର ଅଭିଯୋଗ କରିଛନ୍ତି । ହେଲେ ଏଥିପ୍ରତି ଯେମିତି କାହାର ନଜର ନାହିଁ । ପ୍ରତିଦିନ ଏହି ଖାଲଖମା ରାସ୍ତା ଦେଇ ଗାଁର ଲୋକମାନେ ଯିବା ଆସିବା କରୁଛନ୍ତି । ପ୍ରଶାସନ ପକ୍ଷରୁ କୌଣସି ସମାଧାନ ନହୋବରୁ ଲୋକଙ୍କ ମଧ୍ୟରେ ଅସନ୍ତୋଷ ବଢିଚାଲିଛି ।

ଦୀର୍ଘ ବର୍ଷ ପରେ ପିଟିଣାପଲ୍ଲୀ ଗ୍ରାମକୁ ରାସ୍ତା ନିର୍ମାଣ ହୋଇଥିଲା । ରକ୍ଷଣାବେକ୍ଷଣା ଅଭାବରୁ ରାସ୍ତାର ଏପରି ଅବସ୍ଥା ହୋଇଛି । ବର୍ତ୍ତମାନ ପୁନଃ ରାସ୍ତା ନିର୍ମାଣ ପାଇ ଦାବି କରିଛନ୍ତି ଗ୍ରାମବାସୀ ।