କନକ ବ୍ୟୁରୋ : ପୁଣି ଆମ୍ବ ଟାକୁଆର ଭୟ। ପୂର୍ବରୁ ଆମ୍ବ ଟାକୁଆ ନେଇ ବିଗତ ଦିନରେ ଫୁଲବାଣୀ ଜିଲ୍ଲା, ରାଜ୍ୟ ତଥା ଦେଶରେ ହଇଚଇ ସୃଷ୍ଟି ହୋଇଥିଲା । ଫୁଲବାଣୀରେ ଆମ୍ବ ଟାକୁଆକୁ ଜବତ କରିଛି ଖାଉଟି ବିଭାଗ । ଖବର ପାଇ ଖାଉଟି ବିଭାଗର ଗୋଟିଏ ଟିମ୍ ଫୁଲବାଣୀ ସ୍ଥିତ ଲକ୍ଷ୍ମୀ ବଜାରର ମନ୍ଦାକିନି ଏଜେନ୍ସି ଗୋଦାମରେ ଚଢାଉ  କରିଥିଲା । ସେଠାରେ ଗୋଦାମରେ ୪୮ବସ୍ତା ଆମ୍ବ ଟାକୁଆ, ବିକ୍ରି ପାଇଁ ରଖାଯାଇଥିବା ବେଳେ ଜବତ କରାଯାଇଛି । ଏହି ସବୁ ଆମ୍ବ ଟାକୁଆକୁ ଟେଷ୍ଟ ପାଇଁ ପଠାଯାଇଛି । ଏଥିସହ  ଗୋଦାମ ମାଲିକଙ୍କଠାରୁ ୨୫  ହଜାର ଟଙ୍କା ଜରିମାନା ଆଦାୟ କରିଛି ଯୋଗାଣ ବିଭାଗ । ଗୋଦାମ ମାଲିକ ଜଗନ୍ ସୁବୁଦ୍ଧିଙ୍କ  ନାଁରେ ଏକ ମାମଲା ରୁଜୁ କରିଛନ୍ତି ଖାଉଟି ଅଧିକାରୀ । ବର୍ତ୍ତମାନ ଆମ୍ବ ଟାକୁଆ ସମୟ ହୋଇଥିବାରୁ ଆଗାମୀ ଦିନରେ ମଧ୍ୟ ବିଭିନ୍ନ ଗୋଦାମରେ ଏହିଭଳି ଚଢ଼ାଉ କରାଯିବ ବୋଲି ଜିଲ୍ଲା ଯୋଗାଣ ଓ ଖାଦ୍ୟ ସୁରକ୍ଷା ଅଧିକାରୀ କହିଛନ୍ତି ।