କନକବ୍ୟୁରୋ : ଦୁନିଆରେ ସ୍ମାର୍ଟଫୋନ୍ ବ୍ୟବହାର କରୁଥିବା ବ୍ୟକ୍ତିଙ୍କ ପାଇଁ ବଡ଼ ଖବର । କାରଣ ଅଧାରୁ ଅଧିକ ସ୍ମାର୍ଟଫୋନ୍ ଉପରେ ଏବେ ମେଲୱେର୍ ଓ ସ୍ବାଇୱେର ବିପଦ । ଏ ବିପଦ ପୁରୁଣା  Android OS   ଭର୍ସନ୍ ଫୋନ୍ ଉପରେ ଥିବା ଗୁଗଲ ଚେତାଇଛି  । 

Advertisment

ରିପୋର୍ଟ କହୁଛି, ବିପଦର କାରଣ ପୁରୁଣା ଆଣ୍ଡ୍ରଏଡ୍ ଓଏସ୍ ଭର୍ସନ ଯୋଗୁଁ , ଯାହା ପୁରୁଣା OS  ଉପରେ କାମ କରୁଛି ।   ପୁରୁଣା ଆଣ୍ଡ୍ରଏଡ୍ ଓଏସକୁ  ଏବେ ସିକ୍ୟୁରିଟି ଅପଡେଟ୍ ମିଳୁନି । ଏହି କାରଣରୁ ଏକାଧିକ ସ୍ମାର୍ଟଫୋନକୁ ନେଇ ବିପଦ ଢ଼ାଙ୍କିଲାଣି ।  ବିପଦରେ ଥିବା ସ୍ମାର୍ଟଫୋନ୍ ସଂଖ୍ୟା ଦୁନିଆରେ ୧୦୦କୋଟିରୁ ଅଧିକ  । 

ଅଧିକ ପଢନ୍ତୁ... ପୁଣି ବଢିଲା ସୁନା ଓ ରୂପା ମୂଲ୍ୟ : ଜାଣନ୍ତୁ କେତେ ?

 ସାରା ଦୁନିଆରେ Android 16  ୭. ୫ ପ୍ରତିଶତ ଡିଭାଇସରେ କାମ କରୁଛି  ।  ୧୯.୩ ପ୍ରତିଶତ ଫୋନରେ ଚାଲିଛି Android 15  । ୧୭ ପ୍ରତିଶତ ସ୍ମାର୍ଟଫୋନରେ  Android 14  ଏବଂ ୧୩ ପ୍ରତିଶତରୁ ଅଧିକ ସ୍ମାର୍ଟରେ କାମ କରୁଛି Android 13  ।  ୫୮ ପ୍ରତିଶତ ଫୋନରେ ସିକ୍ୟୁରିଟି ସପୋର୍ଟ ରହିଥିବାବେଳେ ୪୦ ପ୍ରତିଶତ ସ୍ମାର୍ଟଫେଶନରେ ସିକ୍ୟୁରିଟି ସପୋର୍ଟ ଉପଲବ୍ଧ ନାହିଁ  ।  
ତେଣୁ ସ୍ମାର୍ଟ ଫୋନ୍ ୟୁଜର୍ସଙ୍କୁ ଗୁଗଲ ପକ୍ଷରୁ ଚେତାବନୀ ଦିଆଯାଇଛି, ଯେଉଁମାନଙ୍କ ଫୋନ୍ ପୁରୁଣା ଓଏସ୍ ଦ୍ବାରା କାମ କରୁଛି ସେଗୁଡ଼ିକୁ ଲ୍ୟାଟେଷ୍ଟ ଆଣ୍ଡ୍ରଏଡ୍ ଓଏସ୍ ସହ ଅପଡେଟ୍ କରିବା ନିହାତି ଜରୁରି  । ଏହାସହ ସିକ୍ୟୁରିଟି ସପୋର୍ଟ ରେଗୁଲେଟରକୁ ଅପଡେଟ୍ କରିବା ନିହାତି ଦରକାର ।  ଯଦି ଫୋନ୍ କମ୍ପାନୀ ତରଫରୁ ସିକ୍ୟୁରିଟି ସପୋର୍ଟ ମିଳୁନି ତାହେଲେ ନୂଆ ଫୋନ୍ କିଣିବାକୁ ଚିନ୍ତା କରନ୍ତୁ   । 

ସାଧାରଣତଃ ସ୍ମାର୍ଟଫୋନ୍ କରୁଥିବା କମ୍ପାନି ଗୁଡ଼ିକ ନିଜ ନିଜ ହ୍ୟାଣ୍ତସେଟ୍  ପାଇଁ ଏକ ନିର୍ଦ୍ଦିଷ୍ଟ ସମୟ ପାଇଁ ସୁରକ୍ଷା ବ୍ୟବସ୍ଥାକୁ ସୁନିଶ୍ଚିତ କରିଥାଏ । କମ୍ପାନି ସୁରକ୍ଷା ସପୋର୍ଟ ସିଷ୍ଟମ୍ ୪ରୁ ୫ ବର୍ଷ ପାଇଁ ଦେଇଥାଏ । ଏବଂ ସାମସଙ୍ଗ ଓ  ଗୁଗଲ ପିକ୍ସଲ ହ୍ୟାଣ୍ଡସେଟ୍ ପାଇଁ ୭ ବର୍ଷର ସିକ୍ୟୁରିଟି ସପୋର୍ଟ ଦେଉଛି । 
ହେଲେ ଏ ସିକ୍ୟୁରିଟି ଅପଡେଟ୍ କ’ଣ ଜାଣିବା । 

ଫୋନ ସେଟରେ  ବଗ୍ସ ବା ଟେକ୍ନିକାଲ ଏରର୍ ହେବାର ସମ୍ଭାବନା ଥାଏ । ଏହି ସମସ୍ୟାକୁ ଦୂରେଇବାକୁ ଫୋନ୍ ନିର୍ମାତା କମ୍ପାନି ଏକ ସିକ୍ୟୁରିଟି ଅପେଡଟ୍ ଜାରି କରେ । ଏହାକୁ ଆପଣ ଠିକ୍ ସମୟରେ ଫୋନରେ ଅପଡେଟ୍ ନକଲେ ଆପଣଙ୍କ ଫୋନ୍ ହ୍ୟାକ୍ ହେବାର ଆଶଙ୍କା ରୁହେ । 
ସାରା ବିଶ୍ବରେ ଆଣ୍ଡ୍ରଏଡ୍ ଅପରେଟିଂ ସିଷ୍ଟମରେ ଚାଲୁଥିବା ସ୍ମାର୍ଟଫୋନର ସଂଖ୍ୟା ବହୁତ ବେଶି । ଏହି ସମୟରେ ଆଇଫୋନରେ iOS  କେବଳ ଆପଲ ସ୍ମାର୍ଟଫୋନୋର ରହି ହେଲେ ଏହାର ସଂଖ୍ୟା କମ୍ । ସାମସଙ୍ଗ, ରିୟଲମି , ରେଡମି, ଓପୋ, ୱାନପ୍ଲସ୍ ଆଣ୍ଡ୍ରଏଡ୍ ଅପରେଟିଂ ସିଷ୍ଟମରେ ବ୍ୟବହାର କରି ସ୍ମାର୍ଟ ଫୋନରେ ବ୍ୟବହାର କରି ବଜାରକୁ ଛାଡ଼ନ୍ତି  ।