କନକ ବ୍ୟୁରୋ: ରାଜସ୍ଥାନ ଝାଲାବାଡରେ ବଡ଼ ଅଘଟଣ । ପାଠ ପଢୁଥିବା ବେଳେ ଖସିଲା ଛାତ । ଭଗ୍ନାବଶେଷ ତଳେ ଅନେକ ଛାତ୍ରଛାତ୍ରୀ ଦବି ରହିଥିବା ସୂଚନା ମିଳିଛି । ବର୍ତ୍ତମାନ ସୁଦ୍ଧା ଉଦ୍ଧାର ଛାତ୍ରଛାତ୍ରୀଙ୍କ ମଧ୍ୟରୁ ୪ ଜଣ ମୃତ୍ୟୁବରଣ କରିଥିବା ମେଡିକାଲ ପକ୍ଷରୁ ସୂଚନା ମିଳିଛି । ଝାଲାବାଡ଼ ଜିଲ୍ଲାର ମନୋହର ଥାନା କ୍ଷେତ୍ରରେ ଥିବା ପିପଲୋଦିର ରାଜକୀୟ ଉଚ୍ଚ ପ୍ରାଥମିକ ବିଦ୍ୟାଳୟରେ ଘଟିଛି ଏଭଳି ଅଘଟଣ । ଅଚାନକ ଛାତ ଖସିବାରୁ କ୍ଲାସ୍‌ରେ ଥିବା ପିଲାମାନେ ଦବି ରହିଥିବା ଜଣାପଡ଼ିଛି ।   ସୂଚନା ମୁତାବକ କ୍ଲାସ ଭିତରେ ୬୦ ପିଲା ଥିଲେ ସେମାନଙ୍କ ମଧ୍ୟରୁ ୨୫ ଜଣ ଦବି ରହିଥିବା ଆଶଙ୍କା କରାଯାଉଛି  । ଘଟଣାସ୍ଥଳରେ ସ୍ଥାନୀୟ ବାସିନ୍ଦା ଏବଂ ଜେସିବି ସାହାର୍ଯ୍ୟର ଭଗ୍ନାବଶେଷ ଗୁଡିକୁ  ହଟାଯାଉଛି  । ଆହତ ପିଲାଙ୍କୁ କମୁନିଟି ହେଲ୍ଥ ସେଣ୍ଟରେ ଭତ୍ତି କରାଯାଇଛି । 

Advertisment

ଆଜି(ଶୁକ୍ରବାର) ସକାଳ ୮.୩୦ ମିନିଟ୍‌ରେ ଏହି ଅଘଟଣ ଘଟିଥିଲା । ସ୍କୁଲ୍‌ ଛାତ ଭୁଶୁଡ଼ିବା ବେଳେ    କ୍ଲାସ୍‌ରୁମ୍‌ରେ ୬୦ ଜଣ ଛାତ୍ରଛାତ୍ରୀ ରହିଥିଲେ । ଏହି ସ୍କୁଲ୍‌ରେ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପାଠ ପଢ଼ୁଛନ୍ତି ଛାତ୍ରଛାତ୍ରୀ ।  ସ୍କୁଲ୍‌ କ୍ଲାସ୍‌ରୁମ୍‌ର ଛାତ ବିପଜ୍ଜନକ ଅବସ୍ଥାରେ ରହିଥିବା ନେଇ ପୂର୍ବରୁ ଅନେକ ଥର ଅଭିଯୋଗ ହୋଇଥିଲା । ହେଲେ ଏଥିପ୍ରତି ସ୍କୁଲ୍‌ କର୍ତ୍ତୃପକ୍ଷ ଧ୍ୟାନ ଦେଇନଥିଲେ । ଯାହାଫଳରେ ଆଜି ଏତେ ବଡ଼ ଅଘଟଣ ଘଟିଯାଇଥିବା ଅଭିଯୋଗ ହୋଇଛି । 

ଏହି ଅଘଟଣକୁ ନେଇ ପ୍ରତିକ୍ରିୟା ରଖିଛନ୍ତି ରାଜସ୍ଥାନ ଶିକ୍ଷା ବିଭାଗ ସଚିବ । ସେ କହିଛନ୍ତି ଏବେ  ବି ଉଦ୍ଧାର କାର୍ଯ୍ୟ ଜାରି ରହିଛି । ଫସି ରହିଥିବା ଛାତ୍ରଛାତ୍ରୀ ଓ ଶିକ୍ଷକଙ୍କୁ ଖୁବଶୀଘ୍ର ଉଦ୍ଧାର କରାଯାଇଛି । ଉଦ୍ଧାର କାର୍ଯ୍ୟରେ ୪ଟି ଜେସିବି ମେସିନ୍‌ ନିୟୋଜିତ ହୋଇଛି ।