ବିଜେଡିର କାର୍ଯ୍ୟକାରିଣୀ କେଁ

କନକ ବ୍ୟୁରୋ : ଶନିବାର ୯ମ ଥର ପାଇଁ ବିଜେଡି ସଭାପତି ଭାବେ ଦାୟିତ୍ୱ ନେଇଛନ୍ତି ନବୀନ ପଟ୍ଟନାୟକ । ନବୀନ ନବମ ଇନିଂସ ଆରମ୍ଭ କରିବାକୁ ଏହା ଭିତରେ ପ୍ରାୟ ୩୬ ଘଂଟା ବିତି ଯାଇଛି । କିନ୍ତୁ ରାଜ୍ୟ କାର୍ଯ୍ୟକାରିଣୀରେ କାହାକୁ ମିଳିଲା ସ୍ଥାନ, ସେ ଚିତ୍ର ସ୍ପଷ୍ଟ ନହେବା, ବିଜେଡିରେ ଲାଗି ରହିଥିବା କନ୍ଦଳକୁ ପୁଣି ଥରେ ପଦାରେ ପକାଇଛି । ସାଧାରଣତଃ ସଭାପତି ନିର୍ବାଚନ ପୂର୍ବରୁ ରାଜ୍ୟ ପରିଷଦ ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟଙ୍କ ନାଁ ଘୋଷଣା କରାଯାଇଥାଏ । ୩୫୫ ରାଜ୍ୟ ପରିଷଦ ସଦସ୍ୟଙ୍କ ମଧ୍ୟରୁ ୮୧ ଜଣ ରାଜ୍ୟ କାର୍ଯ୍ୟକାରିଣୀକୁ ଯାଇଥାନ୍ତି । ଯେଉଁ ପ୍ରକ୍ରିୟା ଏଯାଏଁ ଶେଷ ହୋଇ ପାରିନାହିଁ। କୁହାଯାଉଛି,

Advertisment

ବିଦ୍ରୋହୀ ନେତାଙ୍କୁ ଚିହ୍ନଟ ପ୍ରକ୍ରିୟା ପାଇଁ ବିଳମ୍ବ
ବିଶ୍ବସ୍ତ ନେତାଙ୍କୁ କାର୍ଯ୍ୟକାରିଣୀରେ ରଖିବାକୁ ଗୋଟି ଚାଳନା
ପୂର୍ବରୁ ଲାଗି ରହିଥିବା ବିଦ୍ରୋହର ସାମାଧାନ ହୋଇନାହିଁ
ପାଣ୍ଡିଆନଙ୍କୁ ନବୀନଙ୍କ କ୍ଲିନଚିଟ୍ ପରେ ଅସନ୍ତୋଷ ବୃଦ୍ଧି ଉପରେ ନଜର
ସେପଟେ ଠିକ୍ ସମୟରେ ଦଳର ସଭାପତି ନିଷ୍ପତି ନେବେ ବୋଲି କହିଛନ୍ତି ଦଳୀୟ ନେତା।

ନିର୍ବାଚନ ପରାଜୟଠାରୁ କ୍ରମାଗତ ଭାବରେ ବିଭିନ୍ନ ଅଡୁଆରେ ବିଜେଡି ଛନ୍ଦି ହୋଇଛି । ଦଳରେ ପାଣ୍ଡିଆାନଙ୍କ ହସ୍ତକ୍ଷପକୁ ଅନେକ ବରିଷ୍ଠ ନେତା ନାପସନ୍ଦ କରିବା ସହ ସିଧାଳଖ ଭାବରେ ଟାର୍ଗେଟ କରୁଛନ୍ତି । ତେଣୁ ରାଜ୍ୟ ପରିଷଦ ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟଙ୍କ ମଧ୍ୟରେ ପାଣ୍ଡିଆନ ବିରୋଧିଙ୍କୁ ବାଦ ଦେବାକୁ ଏପରି ବିଳମ୍ବ ହେଉଥିବା କହିଛନ୍ତି ।

ତେବେ ୯ମ ଥର ପାଇଁ ସଭାପତି ହେଲା ପରେ କେନ୍ଦ୍ର ଓ ରାଜ୍ୟ ବିରୋଧରେ ଲଢେଇ ଜୋରଦାର ହେବ ବୋଲି କହିଛନ୍ତି । ଏପରିସ୍ଥଳେ ବିନା କ୍ଷମତାରେ ସଂଗଠନକୁ ଆଗକୁ ନେବା ବିଜେଡି ପାଇଁ ବଡ ଚ୍ୟାଲେଞ୍ଜ ସୃଷ୍ଟି କରିଛି ।