କନକ ବ୍ୟୁରୋ: ଉତ୍ତରପ୍ରଦେଶ ସହାରନପୁରରେ ପବିତ୍ର ଶ୍ରାବଣ ମାସରେ ଆସ୍ଥା, ଇତିହାସ ଓ ଶ୍ରଦ୍ଧାଳୁଙ୍କ ନିଆରା ସଙ୍ଗମ ଦେଖିବାକୁ ମିଳୁଛି । ଏଠିକାର ୩୦୦ ବର୍ଷ ପୁରୁଣା ମରାଠା ସମୟର ସିଦ୍ଧ ପୀଠ ଗୋଟେଶ୍ବର ମହାଦେବ ମନ୍ଦିରରେ ସୁନାର କଳସୀରେ ମହାଦେବଙ୍କୁ ଜଳାଭିଷେକ କରାଯାଉଛି । ମନ୍ଦିର ସମିତି ଦ୍ବାରା ସ୍ବତନ୍ତ୍ର ଭାବେ ପ୍ରସ୍ତୁତ ହୋଇଥିବା ୨୫୦ ଗ୍ରାମର ସୁନା କଳସରେ ପ୍ରଭୁଙ୍କୁ ଜଳାଭିଷେକ କରାଯାଉଛି । ସୁନାର ଏହି କଳସ  କେବଳ ଭୌତିକ ଭାବେ ଗୁରୁତ୍ବପୂର୍ଣ୍ଣ ତାହା ନୁହେଁ ବରଂ ଏହା ଭକ୍ତଙ୍କ ଆସ୍ଥା ଓ ସମର୍ପଣର ପ୍ରତୀକ । ଏହା ଭକ୍ତଙ୍କ ନିଃସ୍ବାର୍ଥ ଭାବ ଓ ଶ୍ରଦ୍ଧାକୁ ଆଗେଇ ନେବାର ମାଧ୍ୟମ ବୋଲି କହିଛନ୍ତି ମନ୍ଦିର ପୂଜକ ।

Advertisment

ସୁନାର କଳସୀରେ ଠାକୁରଙ୍କ ଜଳାଭିଷେକ କରି ଏହା ପ୍ରକାଶ କରାଯାଉଛି, ଯେ କଳସୀ ସୁନାର ହେଉ କି ମାଟିର କି ପିତଳର କିଛି ଗୁରୁତ୍ବ ରଖେନା ବରଂ ଭକ୍ତର ଭାବନାକୁ ଗ୍ରହଣ କରନ୍ତି ଭୋଳାନାଥ । କଳସୀଟି ସୁନାର ହୋଇଥିଲେ ବି ଭକ୍ତଙ୍କୁ କିନ୍ତୁ ବୈରାଗ୍ୟ ଓ ଅନାସକ୍ତିର ମାର୍ଗ ଦେଖାଇବ ବୋଲି କହିଛନ୍ତି ପୂଜକ ।