ଜାହାଜରେ ଧାରଣା ଦେଲେ ୨୧ଜଣ ନାବିକ । ଜାଣନ୍ତୁ, ଏହା ପଛର କାରଣ କଣ?

କନକ ବ୍ୟୁରୋ: ଜାହାଜରେ ଧାରଣା ଦେଲେ ୨୧ଜଣ ନାବିକ  । ଏମାନେ ଏମଭି ଦେବୀ ଜାହାଜର  କ୍ରିଉ  ମେମ୍ବର ଥିଲେ। ତେବେ ବର୍ଷେ    ହେଲାଣି  ପାରାଦୀପରେ  ଏକରକମ  ବନ୍ଦୀ  ଜୀବନ  କାଟୁଥିବାରୁ ସେମାନେ କାର୍ୟ୍ୟବନ୍ଦ ଆନ୍ଦୋଳନ  କରିଛନ୍ତି । ମଙ୍ଗଳବାର  ପାରାଦୀପ    ପୋର୍ଟ    ଏମପିବି ବର୍ଥରେ  ଲାଗିଥିଲା  ଜାହାଜ   ।  କ୍ରିଉମାନଙ୍କ  ପାଇଁ  ପାଣି  ଓ  ଜାହାଜରେ  ଇନ୍ଧନ  ଭରିବାକୁ  ଆସିଥିଲା  ।   ମାତ୍ର    କ୍ରିଉ   ମାନେ    ଜାହାଜ    ନ ଚଳାଇବାରୁ    ଜାହାଜଟି    ଆଙ୍କରେଜକୁ    ଫେରି    ନପାରି   ବର୍ଥରେ    ଅଟକି    ରହିଛି   ।    ୨୦୨୩    ନଭେମ୍ବର    ୩୦ରେ    ଜାହାଜରୁ    ୨୨୦    କୋଟି    ଟଙ୍କାର    କୋକେନ    ଜବତ    ହୋଇଥିଲା ।  ସେବେଠାରୁ    ପାରାଦୀପରେ    ଅଟକି  ରହିଛି  ଜାହାଜ  । ହାଇକୋର୍ଟଙ୍କ    ନିର୍ଦ୍ଦେଶରେ    ଜାହାଜ    ଗିରଫ    ହୋଇ    ପାରାଦୀପ    ପୋର୍ଟ    ସମୁଦ୍ର    ଆଙ୍କରେଜରେ    ଅଟକ    ଥିଲା  ।    ବର୍ଷେ    ହେବ    ଭିଏତନାମର    ଏହି    କ୍ରିଉମାନେ    ନିଜ    ଘରକୁ    ଫେରି    ନପାରି    ଜାହାଜ    ଭିତରେ    ବନ୍ଦୀ    ଜୀବନ    କାଟୁଛନ୍ତି  ।