ରାଜ୍ୟରେ ଖାଲି ପଡିଛି ୧୯୫ ବିଚାରପତି ପଦବୀ ; ବିଚାର ହୋଇନପାରି କୋର୍ଟରେ ଗଡୁଛି ହଜାର ହଜାର ମାମଲା

କନକ ବ୍ୟୁରୋ: ସାଲେପୁର ବିଧାୟକଙ୍କ ପ୍ରଶ୍ନର ଉତ୍ତର ଦେବାକୁ ଯାଇ ଉତ୍ତର ରଖିଲେ ଆଇନମନ୍ତ୍ରୀ ପୃଥ୍ୱୀରାଜ ହରିଚନ୍ଦନ । କହିଲେ ରାଜ୍ୟରେ ଏବେ ବିଭିନ୍ନ ଜିଲ୍ଲାକୋର୍ଟରେ ମୋଟ ୧୦୪୦ ବିଚାରପତିଙ୍କ ସଂଖ୍ୟା ରହିଛି ସେଥିରୁ ଏବେ ୧୯୫ ଟି ବିଚାରପତି ପଦ ଖାଲି ପଡିଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶାନାମା ଅନୁସାରେ ଖାଲି ପଡିଥିବା ପଦ ଗୁଡିକୁ ପୂରଣ କରିବାକୁ ପ୍ରକ୍ରିୟା ଚାଲିଛି । 
 

ବିଚାରପତିଙ୍କ  ଅଭାବ ରହିଥିବାରୁ କୋର୍ଟରେ ଥିବା ମାମଲାଗୁଡିକ ମଧ୍ୟ ବିଚାର ହୋଇନପାରି ବର୍ଷ ବର୍ଷ ଧରି ପଡିରହିଛି । ମନ୍ତ୍ରୀଙ୍କ ତଥ୍ୟ ଅନୁସାରେ, ଓଡ଼ିଶା ଉଚ୍ଚନ୍ୟାୟାଳୟରେ ଏବେ ପଡି ରହିଛି ୧,୪୨,୮୫୮ଟି ମାମଲା । ଓଡ଼ିଶା ଉଚ୍ଚନ୍ୟାୟାଳୟରେ ବକେୟା ଥିବା ମାମଲା ଗୁଡିକର ତ୍ୱରିତ ସମାଧାନ କରିବା ପାଇଁ ଉଚ୍ଚନ୍ୟାୟାଳୟରେ ବିଚାରପତି ସଂଖ୍ୟାକୁ ବୃଦ୍ଧି କରାଯିବ ବୋଲି ବିଧାନସଭାର ଲିଖିତ ଉତ୍ତରରେ କହିଲେ ଆଇନ ମନ୍ତ୍ରୀ