କନକ ବ୍ୟୁରୋ: ରେଳ ଲାଇନ ଦାବିରେ ଆଜି ପାଟଣାଗଡ଼ ଉପଖଣ୍ଡ ବନ୍ଦ ଡାକରା । ପାଟଣାଗଡ, ଖପ୍ରାଖୋଲ ଓ ଲାଠୋର ତିନୋଟି ସହରରେ ୧୨ ଘଣ୍ଟିଆ ବନ୍ଦ ପାଳନ କରାଯିବ । ସମସ୍ତ ଅନୁଷ୍ଠାନ ବନ୍ଦ ସହ ଅଖ ଚକ ବନ୍ଦ କରିବାକୁ ଡାକରା ଦେଇଛି ସିଟିଜେନ ଫୋରମ । ହରିଶଙ୍କର ରୋଡରେ ମାଲବାହୀ ଟ୍ରେନ ବନ୍ଦ ପାଇଁ ନିଷ୍ପତ୍ତି ନିଆଯାଇଛି । ଯାତ୍ରୀବାହୀ ଟ୍ରେନକୁ ୧୦ ମିନିଟ ଅଟକ ରଖିବା ସହ ମାଳବାହୀ ଟ୍ରେନକୁ ଆଦୌ ଛଡ଼ାଯିବ ନାହିଁ ବୋଲି ସିଟିଜେନ ଫୋରମ ପକ୍ଷରୁ ଚେତେଇ ଦିଆଯାଇଛି । ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ବନ୍ଦ ହେବ ରେଳଲାଇନ୍ । ଲାଠୋର ଭାୟା ଖପ୍ରାଖୋଲ- ପାଟଣାଗଡ ଚୁଡାପାଲି ବଲାଙ୍ଗିର ସହିତ ରେଲପଥ ସଂଯୋଗ ଦାବିରେ ଏହି ବନ୍ଦ ଡାକରା ଦିଆଯାଇଛି । ସିଟିଜେନ ଫୋରମ ସହ କଣ୍ଟାବାଞ୍ଜି ରେଳ ବିଭାଗ ଜି,ଆର, ଏମ ଓ ଅନ୍ୟ ପ୍ରଶାସନିକ ଅଧିକାରୀ ଆଲୋଚନା ଫେଲ୍ ମାରିଛି । ସିଟିଜେନ ଫୋରମ ଜିଦରେ ଅଟଳ ରହିଛି ।