କନକ ବ୍ୟୁରୋ: ଗତ ୧୦ ବର୍ଷରେ ହାତୀ ନେଇଛନ୍ତି ୧୧୪୫ ଜୀବନ. ୨୦୧୩-୧୪ ରୁ ୨୦୨୩-୨୪ ଭିତରେ ହାତୀ ମଣିଷ ଲଢେଇରେ ୧୧୪୫ ଲୋକଙ୍କର ମୃତ୍ୟୁ ହୋଇଥିବା ଗୃହରେ ଲିଖିତ ଉତ୍ତର ରଖିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମସିଂ ଖୁଣ୍ଟିଆ ।  ବଡ କଥା ହେଲା ୪୧ ଟି ହାତୀଙ୍କୁ ମାରିଛନ୍ତି ଶିକାରୀ । ସେହିପରି ଗତ ୧୦ ବର୍ଷରେ ୭୧୯ ହାତୀ ବିଭିନ୍ନ କାରଣ ପାଈଁ ପ୍ରାଣ ହରାଇଛନ୍ତି । ବିଧାୟକ ପ୍ରଶାନ୍ତ ଜଗଦେବଙ୍କ ପ୍ରଶ୍ନରେ ଉତ୍ତର ରଖିଛନ୍ତି ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ।

Advertisment

ଜଙ୍ଗଲରେ ବଢୁଛି ଶିକାରୀଙ୍କ ଦୌରାତ୍ମ୍ୟ :

ମନ୍ତ୍ରୀଙ୍କ ସୂଚନା ଅନୁସାରେ, ଜଙ୍ଗଲରେ ସୁରକ୍ଷିତ ନୁହଁନ୍ତି ବାଘ ଓ ହାତୀ । ବନ ବିଭାଗ ଅଧିକାରୀଙ୍କୁ ଚକମା ଦେଇ  ଜଙ୍ଗଲରେ ବେଧଡକ ହାତୀ , ବାଘ ଶିକାର କରୁଛନ୍ତି ଶିକାରୀ । ବିଗତ ୧୦ ବର୍ଷ ରେ ୨୫ ବାଘ ଓ ୪୧ ହାତୀଙ୍କୁ ଶିକାରୀ ହତ୍ୟା କରିଥିବା ଉତ୍ତରରେ କହିଲେ ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ।