ଏହି ଘଣ୍ଟାର ୧୦ ବଡ଼ ଖବର

୧ . ଭାରତ ଆସିବେ କି ୟୁକ୍ରେନ୍ ରାଷ୍ଟ୍ରପତି ? 

ପ୍ରଧାନମନ୍ତ୍ରୀ ମୋଦିଙ୍କ ସହ କଥାବାର୍ତ୍ତା କଲେ ୟୁକ୍ରେନ୍ ରାଷ୍ଟ୍ରପତି । ଖୁବଶୀଘ୍ର ଭାରତ ଆସିପାରନ୍ତି ଜେଲେନସ୍କି 

୨ . ଧରାଶାୟୀ ହୋଇଛି ଧରାଲ 

ଉତ୍ତରକାଶୀର ଧରାଲୀରେ ପ୍ରକୃତିର ତାଣ୍ଡବ । ମାଟି ତଳେ ପୋତି ହୋଇଛି ହୋଟେଲ , ଘର ଓ ଗାଡ଼ି 

୩ . ବଢ଼ିଲା କମେଡି କିଙ୍ଗ୍ କପିଲ ଶର୍ମାଙ୍କ ସୁରକ୍ଷା 

କମେଡି କିଙ୍ଗ୍ କପିଲ ଶର୍ମାଙ୍କ ସୁରକ୍ଷା ବଢ଼ାଇଲା ମୁମ୍ବାଇ ପୁଲିସ । ଲରେନ୍ସ ବିଷ୍ଣୋଇ ଗ୍ୟାଙ୍ଗରୁ ଧମକ ମିଳିବା ପରେ ବଢ଼ିଲା ସୁରକ୍ଷା ବ୍ୟବସ୍ଥା

୪ . ଭୋଟ ଚୋରି ଓ ବିରୋଧୀଙ୍କ ପଦଯାତ୍ରା

ନିର୍ବାଚନ କମିଶନଙ୍କ ଉପରେ ଭୋଟ ଚୋରି ଅଭିଯୋଗ ଆଣି ବିରୋଧୀଙ୍କ ପଦଯାତ୍ରା । ଅଧାରାସ୍ତାରେ ରୋକିଲା ଦିଲ୍ଲୀ ପୁଲିସ, ସାଂସଦ ଅଟକ । ସେପଟେ ରାହୁଲ ଭୋଟଚୋରି ବୟାନକୁ ବିରୋଧ କରି କର୍ଣ୍ଣାଟକ ମନ୍ତ୍ରୀ କେଏନ ରାଜାନ୍ନା ବହିଷ୍କୃତ 

୫ . ସଂଶୋଧିତ ଆୟକର ବିଲ୍ ପାରିତ

ଆୟକର ବିଲ୍-୨୦୨୫ ଲୋକସଭାରେ ଗୃହୀତ । ୬୦ବର୍ଷ ପରେ ଐତିହାସିକ ପରିବର୍ତ୍ତନ । ଗତ ଫେବ୍ରୁଆରିରେ ଆଗତ ପରେ ଶୁକ୍ରବାର ହୋଇଥିଲା ପ୍ରତ୍ୟାହୃତ । ପୁଣି ସଂଶୋଧନ ପରେ ପାସ୍ । କ୍ରୀଡ଼ା ବିଲ୍ ମଧ୍ୟ ପାରିତ  

୬ . ମୁନିରଙ୍କୁ ମୁହଁତୋଡ ଜବାବ

ଆସୀମ ମୁନିରଙ୍କୁ ଭାରତର କଡ଼ା ଜବାବ । କୌଣସି ପରମାଣୁ ଧମକକୁ ଭୟ କରେନି ଦେଶ । ଆମେରିକା ଗସ୍ତ ସମୟରେ ପୁଣି ବିଷ ଉଗାଳିଲେ ଶତ୍ରୁ ଦେଶର ସେନା ମୁଖ୍ୟ 

୭ . କୁଆଡ଼େ ଗଲେ ଜଗଦୀପ ଧନଖଡ଼?

ପୂର୍ବତନ ଉପରାଷ୍ଟ୍ରପତିଙ୍କ ସ୍ଥିତିକୁ ନେଇ ସନ୍ଦେହରେ ବିରୋଧୀ । ଜଗଦୀପ ଧନଖଡ଼ଙ୍କର କୌଣସି ଖୋଜ ଖବର ନଥିବା ଅଭିଯୋଗ । ଗୃହମନ୍ତ୍ରୀଙ୍କୁ ଚିଠି ଲେଖିଲେ  ଶିବସେନା ସାଂସଦ ସଞ୍ଜୟ ରାଉତ  

୮ . ବହି ଦେଖି ପରୀକ୍ଷା ଦେବେ ପିଲା

ସିବିଏସ୍‌ଇର ନୂଆ ନିୟମ । ବହି ଦେଖି ପରୀକ୍ଷା ଦେବେ ଛାତ୍ରଛାତ୍ରୀ । ନବମ ଶ୍ରେଣୀରେ ଲାଗୁ ହେବ ନୂଆ ବ୍ୟବସ୍ଥା । ୨୦୨୬-୨୭ ଶିକ୍ଷାବର୍ଷରୁ ପାଇଲଟ୍ ମୋଡ୍‌ରେ କରାଯିବ କାର୍ଯ୍ୟକାରୀ  

୯ . ‘ବୁଲା କୁକୁରଙ୍କ ଉପଦ୍ରବ ରୋକ’

ବଢୁଛି ବୁଲା କୁକୁରଙ୍କ ଉପଦ୍ରବ । ଦିଲ୍ଲୀ ସରକାର ଓ ପୌର କର୍ତ୍ତୃପକ୍ଷଙ୍କୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ।  ବୁଲା କୁକୁରଙ୍କୁ ଅଲଗା ସ୍ଥାନରେ ରଖି କରାଯାଉ ଦେଖାଶୁଣା ଓ ବନ୍ଧ୍ୟାକରଣ  

୧୦ . କମଲ ହାସନଙ୍କୁ ହତ୍ୟା ଧମକ

ଅଭିନେତା କମଲ ହାସନଙ୍କୁ ହତ୍ୟା ଧମକ । ଗଳାକାଟି ହତ୍ୟା କରିବାକୁ ଛୋଟପରଦା କଳାକାର ରବିଚନ୍ଦ୍ରନଙ୍କ ଧମକ । ସନାତନ ବିରୋଧୀ ବୟାନବାଜି ଅଭିଯୋଗ