ଏହି ଘଣ୍ଟାର ୧୦ ବଡ଼ ଖବର

ଯୁବକ ମୃତ: ସାବତ ମା’ ଅଟକ 
ବାଲିପାଟଣାରେ ସମ୍ପତ୍ତି ବିବାଦକୁ ନେଇ ଯୁବକଙ୍କୁ ଜାଳିଦେବା ଘଟଣା । ଏମ୍ସରେ ଚିକିତ୍ସାଧିନ ଅବସ୍ଥାରେ ଯୁବକଙ୍କ ମୃତ୍ୟୁ । ସାବତ ମାଆକୁ ଉଠାଇ ନେଇ ଜେରା କରୁଛି ପୁଲିସ । ବାପା, ସାବତ ମା’ ଓ ସାନ ଭାଇ ପେଟ୍ରୋଲ ଢାଳି ଜାଳିଦେଇଥିବା ଅଭିଯୋଗ ।

ବୁଡ଼ିଲା ପୋଲ, ଧସିଲା ମାଟି 
ଲଗାଣ ବର୍ଷାରେ ବୁଡ଼ିଲା ପୋଲ, ଧସିଲା ମାଟି ଅତଡ଼ା । ବିଜାଘାଟି ଓ କେରଙ୍ଗା ପାହାଡ଼ ରାସ୍ତାରେ ଭୂସ୍ଖଳନ । ରାଜ୍ୟ ରାଜପଥ ଅବରୋଧ ଯୋଗୁଁ କୋରାପୁଟ ନାରାୟଣପାଟଣ ।

ସଙ୍ଗଠନ ସଜାଡ଼ିବାକୁ କଂଗ୍ରେସର କସରତ 
ସଙ୍ଗଠନ ସଜାଡିବା ପାଇଁ କଂଗ୍ରେସର ପ୍ରସ୍ତୁତି । ଓଡ଼ିଶା ସମେତ ୪ ରାଜ୍ୟ ପାଇଁ ପର୍ୟ୍ୟବେକ୍ଷକ ନିଯୁକ୍ତ କଲେ ଦଳର ଜାତୀୟ ଅଧ୍ୟକ୍ଷ । ଓଡ଼ିଶା ପାଇଁ ୩୫ ପର୍ୟ୍ୟବେକ୍ଷକ ନିଯୁକ୍ତ 

ଦାଦନ-ଦରିଦ୍ର-ଦୁଃଖ
ସୁରଟରେ ଦାଦନ ଶ୍ରମିକଙ୍କ ଦୁର୍ଘଟଣାରେ ଚାଲିଗଲା ଜୀବନ । ଏକମାତ୍ର ରୋଜଗାରିଆ ପୁଅର ମୃତ୍ୟୁରେ ଭାଙ୍ଗିପଡ଼ିଛି ପୂରା ପରିବାର । ସ୍ବାମୀର ମୃତଦେହ କେମିତି ପହଞ୍ଚିବ, ଚିନ୍ତାରେ ପତ୍ନୀ ଓ ୫ ପିଲା ।

ଲାଲଗଡ଼ରେ ବେଆଇନ ପଥର ବ୍ଲାଷ୍ଟିଂ!
ଲାଲଗଡ଼ରେ ବେଆଇନ୍ ପଥର ବ୍ଲାଷ୍ଟିଂ । ତୁଳସୀ ପାହାଡ଼ରେ ବ୍ଲାଷ୍ଟିଂ କରି କ୍ରସର କରୁଛି ଆନ୍ଧ୍ର ପ୍ରଦେଶର କମ୍ପାନି । ଆତଙ୍କରେ ଲାଲଗଡ଼ବାସୀ । ବିରୋଧ କରି ଶୋଭାଯାତ୍ରା କଲେ ଗ୍ରାମବାସୀ ।

ୟୁକ୍ରେନକୁ ଦୋଷ ଦେଲେ ପୁଟିନ୍ 
ଆଲାସ୍କାରେ ଦୁଇ ମହାଶକ୍ତିଙ୍କ ବୈଠକ ଶେଷ । ସକାରାତ୍ମକ ଆଲୋଚନା ସତ୍ତ୍ବେ ଯୁଦ୍ଧବିରତି ପାଇଁ ହୋଇପାରିଲାନି ସହମତି । ପୁଟିନ୍ କହିଲେ, ବର୍ତ୍ତମାନର ପରିସ୍ଥିତି ପାଇଁ ୟୁକ୍ରେନ୍ ଦାୟୀ ।

ମାଟି ତଳେ ଜୀବନ ଖୋଜା
ଜମ୍ମୁ-କାଶ୍ମୀର କିସ୍ତୱାଡ଼ ପ୍ରଳୟ । ଏବେ ବି ଚାଲିଛି ମାଟି ତଳୁ ଜୀବନ ଖୋଜା । ବାଦଲ ଫଟା ବର୍ଷା ପରେ ବନ୍ୟାରେ ଭାସିଗଲେ ଶତାଧିକ । ୬୦ରୁ ଅଧିକ ମୃତ, ୨୦୦ରୁ ଅଧିକ ନିଖୋଜ ।

ମନେ ପଡ଼ନ୍ତି ବାଜପେୟୀ
ଆଜି ଭାରତ ରତ୍ନ ଅଟଳ ବିହାରୀ ବାଜପେୟୀଙ୍କ ପୂଣ୍ୟତିଥି । ସମାଧିସ୍ଥଳ ସଦୈବ ଅଟଳରେ ଶ୍ରଦ୍ଧାଞ୍ଜଳି ଜ୍ଞାପନ କଲେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ । ସପ୍ତମ ଶ୍ରାଦ୍ଧ ବାର୍ଷିକୀରେ ମନେ ପକାଉଛି ସାରା ଦେଶ ।

ଶ୍ରୀମନ୍ଦିରରେ ନନ୍ଦୋତ୍ସବ
ଆଜି ଶ୍ରୀମନ୍ଦିରରେ ନନ୍ଦୋତ୍ସବ । ସ୍ବତନ୍ତ୍ର ନୀତିକାନ୍ତି ଓ ପୂଜାର୍ଚ୍ଚନା । ଏପଟେ ଇସ୍କନରେ କୃଷ୍ଣ ଜନ୍ମ ପାଇଁ ଶ୍ରଦ୍ଧାଳୁଙ୍କ ଜମୁଛି ଗହଳି ।

ଏସିଆ କପ୍: କେମିତି ରହିବ ଟିମ୍? 
ଏସିଆକପରେ କଣ ରହିବ ଟିମ୍ ଇଣ୍ଡିଆର ପ୍ଲେଇଂ ୧୧ । ଗିଲ୍-ଜୟସ୍ୱାଲ, କିଏ କରିବ ଓପନିଂ? ରେସରେ ଆଗରେ ରହିଛନ୍ତି ଅଭିଷେକ-ସାମସନ୍ ।