ଏହି ଘଣ୍ଟାର ୧୦ ବଡ଼ ଖବର

୧ . ଇସ୍ତଫା ଦେଲେ ଦ୍ରାବିଡ  

ରାଜସ୍ଥାନ ରୟାଲ୍ସକୁ ବଡ଼ ଝଟକା, ହେଡ୍ କୋଚ୍ ପଦରୁ ଇସ୍ତଫା ଦେଲେ ରାହୁଲ ଦ୍ରାବିଡ ।

୨ . ଅକ୍ଟୋବର ୪ ଓ ୫ ରେ ପୁଲିସ SI ପରୀକ୍ଷା

ଅକ୍ଟୋବର ୪ ଓ ୫ ରେ ହେବ ପୁଲିସ SI ପରୀକ୍ଷା । ଓଡ଼ିଶା ପୁଲିସ ରିକ୍ରୁଟମେଣ୍ଟ ବୋର୍ଡ ପକ୍ଷରୁ ଜାରି କରାଯାଇଛି ବିଜ୍ଞପ୍ତି । ଆଶାୟୀ ପରୀକ୍ଷାର୍ଥୀ ସେପ୍ଟେମ୍ବର ୨୦ ଠାରୁ ଡାଉନ୍‌ଲୋଡ୍‌ କରିପାରିବେ ଆଡମିଟ୍‌ କାର୍ଡ । 

୩ . ମହୁଆ ମୈତ୍ରଙ୍କ ନାଁରେ FIR  

ମହୁଆ ମୈତ୍ରଙ୍କ ନାଁରେ FIR: ଗୃହମନ୍ତ୍ରୀ ଅମିତ ଶାହଙ୍କୁ ନେଇ ଦେଇଥିଲେ ଆପତ୍ତିଜନକ ଟିପ୍ପଣୀ

୪ . ଓଡ଼ିଶା ଆସୁଛନ୍ତି ରାହୁଲ ଗାନ୍ଧୀ  

ଓଡ଼ିଶା ଆସୁଛନ୍ତି ରାହୁଲ ଗାନ୍ଧୀ । ନଭେମ୍ବର କିମ୍ବା ଡିସେମ୍ବରରେ ଓଡ଼ିଶା ଆସିପାରନ୍ତି ରାହୁଲ ।

୫ . ଚୀନରେ ମୋଦୀ  

ଚୀନରେ ପହଞ୍ଚିଲେ ମୋଦୀ : ଦୀର୍ଘ ୭ ବର୍ଷ ପରେ ଚୀନରେ ପ୍ରଥମଥର ପାଇଁ ପାଦ ପକାଇଲେ ପ୍ରଧାନମନ୍ତ୍ରୀ ମୋଦୀ । 

୬ . ‘ରାଷ୍ଟ୍ରପତି ପଦ ସମ୍ଭାଳିବାକୁ ମୁଁ ପ୍ରସ୍ତୁତ’  

CVI ରୋଗରେ ପୀଡ଼ିତ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ : ଜେଡି ଭାନ୍ସ କହିଲେ , ରାଷ୍ଟ୍ରପତି ପଦ ସମ୍ଭାଳିବାକୁ ମୁଁ ପ୍ରସ୍ତୁତ ।

୭ . ଜନଜାତିଙ୍କ ପାଇଁ ଏଜେଣ୍ଡା ପ୍ରସ୍ତୁତ  

ଭୁବନେଶ୍ବର ଏସସି ଏସଟି କର୍ମଶାଳାରେ ନିଷ୍ପତ୍ତି : ଜନଜାତିଙ୍କ ପାଇଁ ସବୁ ରାଜ୍ୟ ଓ କେନ୍ଦ୍ରର ରହିବ ଗୋଟିଏ ଏଜେଣ୍ଡା । ପ୍ରସ୍ତାବ ଦେଲେ ୩୧ ସଦସ୍ୟ । ଉଦଯାପନୀ ସମାରୋହରେ ସୂଚନା ଦେଲେ ଲୋକସଭା ବାଚସ୍ପତି ଓମ୍ ବିର୍ଲା ।

୮ . ମୁଁ ଦେଖିଛି ୬ ଥର ବନ୍ୟା 

ବାଲେଶ୍ବରରେ ବନ୍ୟା ପରର ଦୁଃଖ । ପାଣି କାଦୁଅ ଭିତରେ ଉଜୁଡ଼ା ଘର ସଜାଡ଼ିବାକୁ ଅଣ୍ଟା ଭିଡ଼ିଛନ୍ତି ବିପନ୍ନ । ମାଟି କାନ୍ଥ ଶୁଖିବା ପୂର୍ବରୁ ପୁଣି ବୁଡ଼ାଇ ଦେଉଛି ବନ୍ୟାପାଣି । ସୁବର୍ଣ୍ଣରେଖା ନଦୀରେ ୬ ଥର ବନ୍ୟା ଆସି ହଜାଇଦେଇଛି ନଈକୂଳିଆଙ୍କ ନିଦ ।

୯ . ରାଜ୍ୟର ରୋଗିଣା ଡାକ୍ତରଖାନା  

ରାଜ୍ୟରେ କେମିତି ଚାଲିଛି ସ୍ବାସ୍ଥ୍ୟସେବା, ସ୍ଥିତି ପରଖିଲା କନକ ନ୍ୟୁଜ : ମାଲକାନଗିରି ସ୍ବାଭିମାନ ଅଞ୍ଚଳରେ ଜରାଜୀର୍ଣ୍ଣ ଅବସ୍ଥାରେ ୨ କୋଟି ଟଙ୍କାର ଡାକ୍ତରଖାନା । ସେପଟେ କେନ୍ଦୁଝର ମୁଖ୍ୟ ଚିକିତ୍ସାଳୟରେ ଡାଇଲିସିସ୍ କରିନପାରି ନାକେଦମ୍ ରୋଗୀ ।

୧୦ . ମିଳୁନି ସାର ହିସାବ!  

ରାଜ୍ୟରେ ସାର ସଙ୍କଟକୁ ନେଇ ତେଜୁଛି ରାଜନୀତି । ନବୀନଙ୍କ ଚିଠି ପରେ ଯୋଗାଣ ମନ୍ତ୍ରୀ କହିଲେ, ଅଭାବ ନାହିଁ ସାର । ସେପଟେ ଗଜପତିରେ କାହାକୁ କେତେ ଦିଆଯାଇଛି ସାର, ମିଳୁନି ହିସାବ ।