ଏହି ଘଣ୍ଟାର ୧୦ ବଡ଼ ଖବର

ଅଫିସରଙ୍କୁ ଜଗିବ AI କ୍ୟାମେରା
ସଚିବଙ୍କୁ ମୁଖ୍ୟ ଶାସନ ସଚିବଙ୍କ ତାଗିଦ । ନିର୍ଦ୍ଧାରିତ ସମୟରେ ଅଫିସ ଆସିବା, ଭଲ ପ୍ରଦର୍ଶନ ନଥିବା ଅଧିକାରୀଙ୍କ ଉପରେ ନଜର ରଖିବାକୁ ନେଇ ସଚିବଙ୍କୁ ନିର୍ଦ୍ଦେଶ । କହିଲେ, ସବୁ ଅଫିସ୍‌ରେ ଲଗାଅ AI କ୍ୟାମେରା ।

ଚାପ ପକାଉଛି ପୁଲିସ, ନ୍ୟାୟ ମାଗିଲେ ପୀଡ଼ିତା
ପୀଡିତାଙ୍କୁ ନାଲି ଆଖି ଦେଖାଉଛି ସୁନ୍ଦରଗଡ଼ ପୁଲିସ । ଅଭିଯୁକ୍ତ ବିରୋଧରେ କାର୍ୟ୍ୟାନୁଷ୍ଠାନ ବଦଳରେ ମାମଲା ଉଠାଇ ନେବାକୁ ପକାଉଛି ଚାପ । ଉପବାଚସ୍ପତି ଓ ସୁନ୍ଦରଗଡ଼ ଏସପିଙ୍କୁ ଭେଟି ନ୍ୟାୟ ମାଗିଲେ ପୀଡିତା । 

ନିଜକୁ ଜାଳିଦେଲେ ଆଉ ଜଣେ
କାମାକ୍ଷନଗରରୁ ଆସିଲା ଆଉ ଏକ ପୋଡ଼ି ଘଟଣା । ଆର୍ଥିକ ସମସ୍ୟା, ସ୍ବାମୀଙ୍କ ସହ କଳହକୁ ନେଇ ଦେହରେ ନିଆଁ ଲଗାଇ ଜଳିଗଲେ ସ୍ତ୍ରୀ । ଗୁରୁତର ଅବସ୍ଥାରେ କଟକ ସ୍ଥାନାନ୍ତର । ଋଣ ବୋଝରେ ବୁଡିଥିଲେ ମହିଳା ।

ଥାର୍ ଚାଳକଙ୍କ ଲାଇସେନ୍ସ ରଦ୍ଦ ହେବ
ଭୁବନେଶ୍ୱରରେ ଥାର୍ ହିଟ୍ ଆଣ୍ଡ୍ ରନ୍ ମାମଲା । କଠୋର ପଦକ୍ଷେପ ନେବ ପରିବହନ ବିଭାଗ । ରଦ୍ଦ ହେବ ଥାର୍ ଗାଡ଼ି ଚାଳକଙ୍କ ଲାଇସେନ୍ସ । ଲାଇସେନ୍ସ ରଦ୍ଦ ହେବା ନାଇ ଆରଟିଓ-୨ ଦେଲେ ସୂଚନା । 

୩ ଦିନ ପ୍ରବଳ ବର୍ଷା!
କେନ୍ଦ୍ରୀୟ ବଙ୍ଗୋପସାଗରରେ ସକ୍ରିୟ ରହିଛି ଘୂର୍ଣ୍ଣିବଳୟ । ଆସନ୍ତାକାଲି ଲଘୁଚାପ କ୍ଷେତ୍ର ସୃଷ୍ଟି ହେବା ନେଇ ସମ୍ଭାବନା । ରାଜ୍ୟରେ ୩ଦିନ ଧରି ପ୍ରବଳ ବର୍ଷା ହେବା ନେଇ ଆଶଙ୍କା ।  

ଗ୍ୟାଙ୍ଗଷ୍ଟର ଧଳସାମନ୍ତଙ୍କୁ ଜାମିନ 
 ସୁଶୀଲ ଓ ସୁଶାନ୍ତ ଧଳସାମନ୍ତଙ୍କୁ ଜାମିନ । ଜାଲ ନୋଟ କାରବାର ମାମଲାରେ ମିଳିଲା ଜାମିନ । ଜାମିନ ପ୍ରଦାନ କଲେ ହାଇକୋର୍ଟ । ସାକ୍ଷ୍ୟ ସମୟରେ ଅଧିକାରୀ କଲେ ଅସ୍ୱୀକାର । 

ଥମୁନି ’ଭୋଟ୍ ଚୋରି’ ତାତି
ସଂସଦରେ ପୁଣି ବିରୋଧୀଙ୍କ ହଙ୍ଗାମା । ଭୋଟ୍ ଚୋରି ଅଭିଯୋଗ ନେଇ ବାହାରେ ଇଣ୍ଡି ମେଣ୍ଟର ବିକ୍ଷୋଭ ପ୍ରଦର୍ଶନ । ଟି ସାର୍ଟ ପିନ୍ଧି ବିରୋଧୀ ଦଳ ନେତା ରାହୁଲ ଗାନ୍ଧୀ ଓ ସହଯୋଗୀ ଦଳ ସାଂସଦଙ୍କ ପ୍ରତିବାଦ ।

ଆଜି ଏନ୍‌ଡିଏ ଉପରାଷ୍ଟ୍ରପତି ପ୍ରାର୍ଥୀ ଘୋଷଣା!
ଆଜି ଏନଡିଏ କରିପାରେ ଉପରାଷ୍ଟ୍ରପତି ପ୍ରାର୍ଥୀ ଘୋଷଣା । ପ୍ରଧାନମନ୍ତ୍ରୀ ମୋଦୀ, ଜେ.ପି ନଡ୍ଡାଙ୍କ ଉପସ୍ଥିତିରେ ବୈଠକରେ ହୋଇପାରେ ନିଷ୍ପତ୍ତି । ସେପ୍ଟେମ୍ବର ୯ରେ ଅଛି ନିର୍ବାଚନ ।

ବଢ଼ିଲା ଜଷ୍ଟିସ ବର୍ମାଙ୍କ ଅଡୁଆ
ବଢ଼ିଲା ଜଷ୍ଟିସ ଯଶବନ୍ତ ବର୍ମାଙ୍କ ଅଡୁଆ । ବହିଷ୍କାର ପାଇଁ ୧୪୬ ସଦସ୍ୟଙ୍କ ଦସ୍ତଖତ ଥିବା ମହାଭିଯୋଗ ପ୍ରସ୍ତାବ ଗ୍ରହଣ କଲେ ଲୋକସଭା ବାଚସ୍ପତି । ଘରୁ ବିପୁଳ ଟଙ୍କା ମିଳିବା ଘଟଣାର ତଦନ୍ତ ପାଇଁ ତିନିଜଣିଆ କମିଟି ଗଠନ ।

ବିଏଲଏ ଆତଙ୍କୀ ସଂଗଠନ ଘୋଷିତ
ବଲୁଚ୍ ଲିବରେସନ ଆର୍ମିକୁ ଆତଙ୍କୀ ସଂଗଠନ ଘୋଷଣା କଲା ଆମେରିକା । ପାକ୍ ସେନାମୁଖ୍ୟ ଅସୀମ ମୁନିରଙ୍କ ଗସ୍ତ ପରେ ବୈଦେଶିକ ବିଭାଗ ପକ୍ଷରୁ ସୂଚନା । ପାକିସ୍ତାନ ପାଇଁ ମୁଣ୍ଡ ବିନ୍ଧା ପାଲଟିଛି ବିଏଲଏ ।