ଏହି ଘଣ୍ଟାର ୧୦ ବଡ଼ ଖବର

କନକ ବ୍ୟୁରୋ : ଜମ୍ମୁ କାଶ୍ମୀର କିସ୍ତୱାଡ୍ ଜିଲ୍ଲାରେ ବାଦଲ ଫଟା ବର୍ଷା । ଚିଶୋଟି ଗାଁରେ ୪୦ ମୃତ,  ଶତାଧିକ ନିଖୋଜ ।  ମୃତ୍ୟୁସଂଖ୍ୟା ବୃଦ୍ଧି ଆଶଙ୍କା, ଉଦ୍ଧାର କାର୍ଯ୍ୟ ଜାରି, ଦୁଃଖ ପ୍ରକାଶ କଲେ ପ୍ରଧାନମନ୍ତ୍ରୀ ।

ପୁରୀର ଏକ ହୋଟେଲରୁ ମିଳିଲା ମୃତଦେହ । ଉଭୟ ମୃତକ ପଶ୍ଚିମବଙ୍ଗ ଅଞ୍ଚଳର ସୂଚନା, ୯ ତାରିଖରୁ ଆସି ରହୁଥିଲେ ହୋଟେଲରେ, ଦୁର୍ଗନ୍ଧ ହେବାରୁ ପୋଲିସ ଘର ଭାଙ୍ଗି ଉଦ୍ଧାର କଲା ମୃତ ଦେହ ।

ସୁପ୍ରିମକୋର୍ଟରେ ଝୁଲିଛି ବୁଲା କୁକୁରଙ୍କ ଭାଗ୍ୟ । ସ୍ଥାନାନ୍ତର ଓ ବନ୍ଧ୍ୟାକରଣ ନେଇ ପ୍ରତିବାଦ ସତ୍ବେ ସୁପ୍ରିମକୋର୍ଟରେ ରାୟ ସଂରକ୍ଷିତ, ସ୍ଥାନୀୟ ପ୍ରଶାସନ ଉପରେ ବର୍ଷିଲେ କୋର୍ଟ । ଦେଶରେ ସର୍ବାଧିକ ବୁଲା କୁକୁର ଓଡ଼ିଶାରେ ଥିବାରୁ ବଢ଼ିଲା ଚର୍ଚ୍ଚା ।

ସୁଭଦ୍ରା ପୋର୍ଟାଲରେ ସାଂଘାତିକ ତ୍ରୁଟି । ଜୀବିତ ମହିଳାଙ୍କୁ ମୃତ ଦର୍ଶାଯାଇଥିବା ଅଭିଯୋଗ, ତ୍ରୁଟି ସୁଧାରିବାକୁ ଆଶ୍ବାସନା ଦେଲେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା । ଉଠିଲା ପ୍ରଶ୍ନ, ଯୋଜନାକୁ କିଏ କରୁଛି ବାଟବଣା ?

ଗ୍ରାମସଭାକୁ ଜଗିବ ଏଆଇ । କେନ୍ଦ୍ର ସରକାରଙ୍କ ପକ୍ଷରୁ ସଭାସାର ଯୋଜନାର ଶୁଭାରମ୍ଭ, ଆର୍ଟିଫିସିଆଲ ଇଣ୍ଟେଲିଜେନ୍ସ ଜରିଆରେ ପଂଚାୟତ ବୈଠକର ବିବରଣୀ ହେବ ରେକର୍ଡିଂ, ନେଟୱର୍କ ନଥିବା ରାଜ୍ୟର ଅଢ଼େଇ ହଜାର ଗାଁରେ କେମିତି କାମ କରିବ ଏଆଇ?

ସାରାରାଜ୍ୟରେ ମାଡିଗଲାଣି ନିଶା କାରବାର । ବ୍ରାଉନସୁଗାର, ସିନ୍ଥେଟିକ ଡ୍ରଗ୍ସ ଓ ମାରିଜୁଆନା କବଳରେ ଯୁବପିଢ଼ି, ନିଶା ମାଫିଆଙ୍କ ଅଣ୍ଟା ଭାଂଗିବାକୁ ଏସଟିଏଫର ସ୍ବତନ୍ତ୍ର ରଣନୀତି ।

ଆସନ୍ତାକାଲି ୭୯ତମ ସ୍ୱାଧୀନତା ଦିବସ । ଲାଲକିଲ୍ଲାରେ ଭବ୍ୟ ଉତ୍ସବ ଆୟୋଜନ, ତ୍ରିରଙ୍ଗା ଉତ୍ତୋଳନ ସହ ଉଦବୋଧନ ଦେବେ  ପ୍ରଧାନମନ୍ତ୍ରୀ, ଅପରେସନ ସିନ୍ଦୂରରେ ଭାଗ ନେଇଥିବା ବାୟୁସେନା ଅଫିସରଙ୍କୁ କରାଯିବ ସମ୍ମାନିତ  ।

ପାକିସ୍ତାନୀ ନେତାଙ୍କ ଧମକ ପରେ ଭାରତର ତୀବ୍ର ପ୍ରତିକ୍ରିୟା । ଦୁଃସାହସ ଦେଖାଇଲେ, ଭୋଗିବାକୁ ପଡ଼ିବ ଯନ୍ତ୍ରଣାଦାୟକ ପରିଣାମ, ମନେ ପକାଇଦେଲା ଅପରେସନ ସିନ୍ଦୂରର କଥା ।

ଆସନ୍ତାକାଲି ଆଲାସ୍କାରେ ବୈଠକ ପୂର୍ବରୁ ରୁଷ ରାଷ୍ଟ୍ରପତିଙ୍କୁ ଟ୍ରମ୍ପଙ୍କ ଚେତାବନୀ । କହିଲେ, ଯୁଦ୍ଧ ବନ୍ଦ ନକଲେ ଭୋଗିବ ପରିଣାମ, ସେପଟେ ଆମେରିକାର ଟ୍ରେଜେରୀ ସେକ୍ରେଟାରିଙ୍କ ବଡ଼ ବୟାନ, ଆଲୋଚନା ବିଫଳ ହେଲେ, ଭାରତ ଉପରେ ଲାଗିବ ଅଧିକ ଶୁଳ୍କ ।

ଇନଷ୍ଟା ସୁନ୍ଦରୀଙ୍କ କଳାକାରନାମା । ମନି ଲଣ୍ଡରିଂ ମାମଲାରେ ବନ୍ଧା ହେଲେ ସନ୍ଦୀପା ଭିର୍କ । ପଞ୍ଜାବ ପୁଲିସର ଏଫଆଇଆର ଉପରେ ଇଡିର କାର୍ଯ୍ୟାନୁଷ୍ଠାନ, ମଡେଲଙ୍କ ବିରୋଧରେ ୪୦ କୋଟି ଟଙ୍କାର ହେରଫେର ଅଭିଯୋଗ ।