ଧରାପଡିଲା ମିଛ ପିଲା ଚୋରି ଅଭିଯୋଗ । ଝିଅ ଜନ୍ମ ହେଲା ବୋଲି ବିକି ଦେଲା ବାପା
କନକ ବ୍ୟୁରୋ : ଡାକ୍ତରଖାନାରେ ପିଲା ଚୋରି ହୋଇନଥିଲା ବରଂ ଝିଅଟିଏ ଜନ୍ମ ହେବା ପରେ ତାକୁ ବିକ୍ରି କରି ଦେଇଥିଲା ବାପା । ସୁବର୍ଣ୍ଣପୁର ହସ୍ପିଟାଲରେ ଶିଶୁ ନିଖୋଜ ମାମଲାରେ ଏମିତି ଏକ ଚାଂଚଲ୍ୟକର ତଥ୍ୟ ସାମ୍ନାକୁ ଆସିଛି । ଶିଶୁଟିର ଆଇ ଛୁଆକୁ ନେଇ ଜଣେ ମହିଳାଙ୍କୁ ବିକ୍ରି କରିଦେଇଥିଲେ । ଆଉ ଏଥିରେ ପୂର୍ଣ୍ଣ ସହଯୋଗ କରିଥିଲେ ଶିଶୁ କନ୍ୟାର ବାପା । ଶିଶୁ ବିକ୍ରି ଓ ଅପହରଣ ମାମଲାରେ ଶିଶୁକନ୍ୟାର ଆଇ ଏବଂ ବାପାଙ୍କୁ ଗିରଫ କରିଛି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ପୁରା ଘଟଣା ଥିଲା ଏମିତି, ବିରମହାରାଜପୁର ବ୍ଲକ ଷଣ୍ଢା ଗାଁର ଗଜେନ୍ଦ୍ର ତାଣ୍ଡିଆଙ୍କ ପତ୍ନୀ ସନ୍ତୋଷିନୀ ଶୁକ୍ରବାର ଦିନ ସୁବଣ୍ଣପୁର ଜିଲ୍ଳା ମୁଖ୍ୟ ଚିକିତ୍ସାଳୟରେ ଏକ ଶିଶୁକନ୍ୟାକୁ ଜନ୍ମ୍ନ ଦେଇଥିଲେ । ଶନିବାର ଦିନ ନବଜାତ ଶିଶୁ କନ୍ୟା ଚୋରି ହେବା ଘଟଣା ସାରା ଅଂଚଳରେ ଚର୍ଚ୍ଚା ବିଷୟ ହୋଇଥିଲା । ପୁଲିସ ପାଖରେ ଅଭିଯୋଗ ହେବା ପରେ ଛାନଭିନ୍ ଆରମ୍ଭ ହୋଇଥିଲା । ଗତକାଲି ସହର ଠାରୁ ୧୨ କିମି ଦୂର ଅର୍ଜୁନପୁର ଠାରୁ କନ୍ୟାଟି ଉଦ୍ଧାର ହୋଇଥିଲା । ଶିଶୁଟିକୁ ଏକ ଲୁଗାରେ ଘୋଡ଼ାଇ ସେଠାରେ ପକାଇ ଦିଆଯାଇଥିଲା । ଶିଶୁଟି ସୁସ୍ଥ ଥିବା ବେଳେ ତାକୁ ଏସଏନସିୟୁରେ ରଖାଯାଇଛି । ଏବଂ ଡାକ୍ତରଖାନାରୁ ମିଳିଥିବା ସିସିଟିଭି ଫୁଟେଜ ଆଧାରରେ ତଦନ୍ତ କରି ଶିଶୁ ଚୋରି ନୁହେଁ ବରଂ ବିକ୍ରି ହୋଇଥିବା ଜାଣିବାକୁ ପାଇଛି ପୁଲିସ ।
ଶିଶୁକନ୍ୟା ବାପା ଓ ଆଇ ଡାକ୍ତରଖାନାର ଟିକା କେନ୍ଦ୍ର ସମୁଖରେ ଜଣେ ମହିଳାଙ୍କ ସହ ବେଶ କିଛି ସମୟ କଥାବାର୍ତ୍ତା ହେଉଛନ୍ତି । କଥାବାର୍ତ୍ତା ପରେ ପାନ୍ତି ନିଜେ ଶିଶୁ କନ୍ୟାକୁ ସମ୍ପୃକ୍ତ ମହିଳଙ୍କୁ ଦେଉଛନ୍ତି । ସେହିପରି ଶିଶୁ କନ୍ୟାକୁ ଧରି ଫେରାର ଥିବା ମହିଳାଙ୍କୁ ଜଣେ ଯୁବକ ସହଯୋଗ କରିଛି । ସିସିଟିଭି ଫୁଟେଜରୁ ସେହି ଯୁବକର ଗତିବିଧି ଜଣାପଡ଼ୁଛି । ପୁରା ଘଟଣା ଜଣାପଡିବା ପରେ ଶିଶୁ ବିକ୍ରି ଓ ଅପହରଣ ମାମଲାରେ ଶିଶୁର ବାପା ଗଜେନ୍ଦ୍ର ଓ ଶିଶୁର ଆଇ ପାନ୍ତିଙ୍କୁ ଗିରଫ କରାଯାଇଛି ।