ନବରଙ୍ଗପୁରରୁ ଆସିଲା ଅଭାବନୀୟ ଖବର । ଅଳିଆ ଗଦାରୁ ଉଦ୍ଧାର ହେଲା ନବଜାତ ଶିଶୁପୁତ୍ର । ଉଦ୍ଧାର କରି ହସ୍ପିଟାଲରେ ଭର୍ତ୍ତି କେଲ ସ୍ଥାନୀୟ ମହିଳା ।
କନକ ବ୍ୟୁରୋ: ପିଲାଟିଏ ପାଇଁ କିଏ କେତେ ଦିଅଁ ଦେବତାଙ୍କୁ ପୂଜା କରନ୍ତି । ଡାକ୍ତରଙ୍କ ପାଖକୁ ଯାଇ ଚିକିତ୍ସା ବାବଦରେ ଲକ୍ଷଲକ୍ଷ ଟଙ୍କା ଖର୍ଚ୍ଚ କରନ୍ତି । ବାପା-ମାଆ ହେବା ପାଇଁ ବ୍ୟାକୁଳ ହୋଇ ଚାହିଁଥାନ୍ତି । ହେଲେ ନବରଙ୍ଗପୁରରୁ ଆସିଛି ଏକ ଅଭାବନୀୟ ଖବର । ସେଠାରେ ଏକ ଅଳିଆ ଗଦାରୁ ଉଦ୍ଧାର ହୋଇଛି ଏକ ନବଜାତ ଶିଶୁପୁତ୍ର । କିଏ ହୁଏତ ନିଜ ପାପ ଲୁଚାଇବାକୁ ଏମିତି କରିଥାଇ ପାରେ ବୋଲି ସ୍ଥାନୀୟ ଲୋକେ ସନ୍ଦେହ କରୁଛନ୍ତି । ତେବେ, କି ଦୋଷ କରିଥିଲା ଏହି ନିଷ୍ପାପ ଶିଶୁ? କାହିଁକି ଜନ୍ମ ହେଉ ହେଉ ତାକୁ ଫିଙ୍ଗି ଦିଆଗଲା ଅଳିଆ ଗଦାରେ ..
Kanak News is now on WhatsApp
Join and get latest news updates delivered to you via WhatsApp
ଚାରିଆଡେ ବିଛାଡି ହୋଇ ପଡିଛି ଅଳିଆ । ଅଳିଆ ଗଦାରେ ପଡିଥିବା ଏକ ନାଲି ଜରି ଅଖାରେ ମିଳିଛି ଏକ ନବଜାତ ଶିଶୁପୁତ୍ର । କେହି ତାକୁ ଫିଙ୍ଗି ଦେଇଯାଇଛି ବୋଲି କୁହାଯାଉଥିବାବେଳେ, କିଏ ସେହି ହୃଦୟହୀନ ମଣିଷ, କେମିତି ଏମିତି କରିବାକୁ ତା ହାତ ଗଲା, ତା’ ଜଣାପଡିନି, କିନ୍ତୁ ସନ୍ଦେହ କରାଯାଉଛି କୌଣସି ପାପକୁ ଲୁଚାଇବା ପାଇଁ ଶିଶୁଟିକୁ ଆଣି ଏଠାରେ ଫିଙ୍ଗି ଦେଇଯାଇଛି ।
ନବରଙ୍ଗପୁର ଜିଲ୍ଲା ଉମରକୋଟ୍ ପୌରାଂଚଳ ବିଦ୍ୟୁତ ବିଭାଗ କାର୍ଯ୍ୟାଳୟ ପଛପଟୁ ଏକ ନବଜାତ ଶିଶୁ ପୁତ୍ରକୁ ଉଦ୍ଧାର କରିଛନ୍ତି ସ୍ଥାନୀୟ ମହିଳା । ମହିଳା ଜଣଙ୍କ ଅଳିଆ ଗଦାରେ ପାଣି ଫିଙ୍ଗିବାକୁ ଆସିଥିବା ବେଳେ ଶିଶୁର କାନ୍ଦ ଶୁଣିଥିଲେ । ପରେ ସ୍ଥାନୀୟ ଲୋକଙ୍କୁ ଡାକି ଶିଶୁଟିକୁ ଉଦ୍ଧାର କରି ଉମରକୋଟ୍ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରିଛନ୍ତି । ଶିଶୁଟି ସଂପୂର୍ଣ୍ଣ ସୁସ୍ଥ ହୋଇଗଲେ ତାକୁ ସିଡବ୍ଲୁସିକୁ ସ୍ଥାନାନ୍ତର କରାଯିବ ବୋଲି କହିଛନ୍ତି ଚିିକିତ୍ସା କରୁଥିବା ଡାକ୍ତର ସନ୍ତୋଷ କୁମାର ପଣ୍ଡା ।ତେବେ ଏହା ପଛର କାରଣ ଖୋଜି, ସଂପୃକ୍ତ ବ୍ୟକ୍ତିଙ୍କୁ ଉପଯୁକ୍ତ ଦଣ୍ଡ ଦେବାକୁ ଦାବି ହୋଇଛି । ଏହାସହ ଶିଶୁଟିକୁ ଉପଯୁକ୍ତ ଚିକିତ୍ସା ଯୋଗାଇ ଦେବାରୁ ପ୍ରଶାସନ ପାଖରେ ନିବେଦନ କରିଛନ୍ତି ସ୍ଥାନୀୟ ବାସିନ୍ଦା ।