ବୁଦା ମୂଳରେ କପଡାରେ ଗୁଡା ହୋଇ ପଡିଥିଲା ନବଜାତ । କୁକୁର ଘୋଷାଡି ନେବାବେଳେ ସ୍ଥାନୀୟ ଲୋକେ କଲେ ଉଦ୍ଧାର ।

କନକ ବ୍ୟୁରୋ: ମଧ୍ୟପ୍ରଦେଶ ବୈତୁଲରେ ଘଟିଛି ଅଭାବନୀୟ ଘଟଣା । କପଡାରେ ଗୁଡା ହୋଇ ବୁଦାମୂଳେ ଫିଙ୍ଗା ହୋଇଥିବା ଏକ ନବଜାତ ଶିଶୁକୁ କୁକୁର ଘୋଷାଡି ନେଉଥିବାବେଳେ ଉଦ୍ଧାର କଲେ ସ୍ଥାନୀୟ ଲୋକେ । ତୁରନ୍ତ ଶିଶୁକୁ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା ଚାଲିଛି ।

ଘଟଣାର ସୂଚନା ମିଳିବା ମାତ୍ରେ ପୁଲିସ ପହଞ୍ଚି ମମଲାର ଯାଞ୍ଚ ଆରମ୍ଭ କରିଛି । ଏଭଳି ଘଟଣା ଆଠନେର ଥାନା ଅନ୍ତର୍ଗତ ସାତନେର ଗାଁର । ନବଜାତକୁ କୁକୁର ଘୋଷାଡି ନେଉଥିବାବେଳେ ତାର ହାତ ଦେଖି କୁକୁରଙ୍କୁ ଘଉଡାଇବା ସହ ଶିଶୁଟିକୁ ସ୍ଥାନୀୟ ଲୋକେ ଉଦ୍ଧାର କରିଥିଲେ । ଶିଶୁଟି ୭ ମାସରେ ଜନ୍ମ ହୋଇଥିବା ଚିକିତ୍ସା କରୁଥିବା ଡାକ୍ତର କହିଛନ୍ତି ।