କନକ ବ୍ୟୁରୋ: ଫାଇନାଲ ଫାଇଟ ପାଇଁ ପଡିଲା ଟସ୍ । ବିଶ୍ୱକପ୍ କ୍ରିକେଟର ଟାଇଟଲ ଲଢେଇ ପାଇଁ ଟସ ପଡିଲା । ନ୍ୟୁଜିଲାଣ୍ଡ ଓ ଇଂଲଣ୍ଡ ମଧ୍ୟରେ ହେବାକୁ ଥିବା ମ୍ୟାଚ ପାଇଁ ଐତିହାସିକ ଲଡ୍ସ ଗ୍ରାଉଣ୍ଡରେ ପଡିଲା ଟସ । ଟସ ଜିତିଲା ନ୍ୟୁଜିଲାଣ୍ଡ । ଟସ ଜିତି ବ୍ୟାଟିଂ କରିବାକୁ ନ୍ୟୁଜିଲାଣ୍ଡର ନିଷ୍ପତ୍ତି ନେଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜିର ମ୍ୟାଚରେ ସବୁଠାରୁ ବଡ କଥା ହେଉଥି ବିଶ୍ୱକପରେ ନ୍ୟୁଜିଲାଣ୍ଡ କିମ୍ବା ଇଂଲଣ୍ଡ ପୂର୍ବରୁ କେବେ ବି ବିଶ୍ୱକପ୍ ଜିତି ନାହାନ୍ତି । ତେଣୁ ଚଳିତ ଥର ବିଶ୍ୱ କ୍ରିକେଟ୍ ଦେଖିବ ନୂଆ ଚାମ୍ପିୟନ ଟିମ୍ । ସେମିଫାଇନାଲରୁ ଭାରତକୁ ବିଦା କରି ଫାଇନାଲକୁ ପ୍ରବେଶ କରିଛି ନ୍ୟୁଜିଲାଣ୍ଡ । ସେପଟେ ଅଷ୍ଟ୍ରେଲିଆକୁ ସେମିରେ ମାତ୍ ନେଇ ଫାଇନାଲରେ ପହଂଚିଛି ବିଶ୍ୱକପ୍ ଆୟୋଜକ ଇଂଲଣ୍ଡ ।
ତେବେ ଆଜିର ଫାଇନାଲ ମ୍ୟାଚ୍ ରୋମାଚଂକର ହେବା ଆଶାକରାଯାଉଛି । ଇଅନ ମୋର୍ଗାନଙ୍କ ଇଂଲଣ୍ଡ ଦଳ ଉଭୟ ବ୍ୟାଟିଂ ଓ ବୋଲିଂରେ ଚମକ୍ରାର ପ୍ରଦର୍ଶନ କରିଆସିଛି । ସେପଟେ ଇଂଲଣ୍ଡର ବ୍ୟାଟିଂ ଲାଇନକୁ କଡା ଟକ୍କର ଦେବ ନ୍ୟୁଜିଲାଣ୍ଡର ଶକ୍ତିଶାଳୀ ପେସ୍ ବାହିନୀ । ସେମିଫାଇନାଲରେ ଚମକ୍ରାର ପ୍ରଦର୍ଶନ କରି ଭାରତକୁ ହରାଇ ଫାଇନାଲରେ ପହଂଚିଥିବା ନ୍ୟୁଜିଲାଣ୍ଡ ଟାଇଟଲ୍ ପାଇଁ ଆଉ ଏକ ଚମକ୍ରାର ପ୍ରଦର୍ଶନ ଲକ୍ଷ୍ୟରେ ରହିବ ।
୨୦୧୫ ବିଶ୍ୱକପରେ ରନର୍ସ ଅପ୍ ହୋଇଥିବା ନ୍ୟୁଜିଲାଣ୍ଡ ଏଥର ପ୍ରଥମ ବିଶ୍ୱକପ୍ ଦଖଲ କରିବା ସ୍ୱପ୍ନ ସାକାର କରିବା ଲକ୍ଷ୍ୟରେ ପଡିଆକୁ ଓହ୍ଲାଇଛି । ନ୍ୟୁଜିଲାଣ୍ଡର ଓପନିଂ ଯୋଡ଼ି କ୍ଲିକ୍ କଲେ ବିଶ୍ୱକପ୍ କିୱି ଟିମ୍ ପାଇଁ ସହଜ ହୋଇଯିବ ।