ମୋଦି ସରକାରଙ୍କ ଅଡ଼ୁଆ ବଢାଇବ ଆସିଫା ଓ ଉନ୍ନାଓ ଦୁଷ୍କର୍ମ ଘଟଣା ! ଆମେରିକା ଗଣମାଧ୍ୟମ ନ୍ୟୁୟର୍କ ଟାଇମ୍ସରେ ପ୍ରକାଶ ପାଇଲା ରିପୋର୍ଟ
ଆସିଫାକାଣ୍ଡ ଓ ଉନ୍ନାଓ ଘଟଣାରେ ଦେଶବ୍ୟାପି କଡ଼ା ପ୍ରତିକ୍ରିୟା ପ୍ରକାଶ ପାଇଛି । ସେପଟେ ଦେଶବାହାରେ ମଧ୍ୟ ଏହାକୁ କଡ଼ା ଭାଷାରେ ନିନ୍ଦା କରାଯାଇଛି । ସେପଟେ ଏଭଳି ଘଟଣା ମୋଦିଙ୍କୁ ଅଡୁଆରେ ପକାଇଥିବା ଆମେରିକାର ସର୍ବାଧିକ ପ୍ରସାରିତ ଗଣମାଧ୍ୟମ ନ୍ୟୁୟର୍କ ଟାଇମ୍ସ ପ୍ରକାଶ କରିଛି । ଜାଣନ୍ତୁ କଣ କହିଛି ଏହି ଗଣମାଧ୍ୟମ ।
Kanak News is now on WhatsApp
Join and get latest news updates delivered to you via WhatsApp
୮ବର୍ଷୀୟା ଆସିଫା ବାନୁ ଗଣଦୁଷ୍କର୍ମ ମାମଲା ସାରା ଦେଶକୁ ଦୋହଲାଇ ଦେଇଥିବା ବେଳେ ବିଦେଶରେ ବି ଏହାକୁ ନେଇ କଡ଼ା ପ୍ରତିକ୍ରିୟା ପ୍ରକାଶ ପାଇଛି । ଘଟଣାକୁ ନିଜ ମୁଖବନ୍ଧରେ ସ୍ଥାନୀତ କରିଛି ଆମେରିକାର ସବୁଠୁ ଲୋକପ୍ରିୟ ଗଣମାଧ୍ୟମ ନ୍ୟୁୟର୍କ ଟାଇମ୍ସ । ଏଭଳି ଘଟଣା ମୋଦିଙ୍କ ଅଡୁଆ ବଢ଼ାଇଥିବା ନ୍ୟୁୟର୍କ ଟାଇମ୍ସ କହିଛି । ଆମେରିକାର ସର୍ବାଧିକ ପ୍ରସାରିତ ଗଣମାଧ୍ୟମ ନ୍ୟୁୟର୍କ ଟାଇମ୍ସର ମୁଖବନ୍ଧରେ ଦୁଇ ଦୁଇଟି ଦୁଷ୍କର୍ମ ଘଟଣା ଓ ଏହା ମୋଦିଙ୍କ ପାଇଁ ଅଡୁଆ ପରିସ୍ଥିତି ସୃଷ୍ଟି କରିଥିବା କୁହାଯାଇଛି । ତୀବ୍ର ପ୍ରତିବାଦ ପରେ ଶାସକ ଦଳର ଦୁଇ ରାଜ୍ୟମନ୍ତ୍ରୀ ଇସ୍ତଫା ଦେବା, ସୁପ୍ରିମକୋର୍ଟ ନିଜ ଆଡୁ ମାମଲାରେ ହସ୍ତକ୍ଷେପ କରିବା ପରେ ପ୍ରଧାନମନ୍ତ୍ରୀ ସଂକ୍ଷିପ୍ତ ବୟାନ୍ ରଖିବା ତାଙ୍କ ପାଇଁ ବୁମେରାଂ ହେବା କୁହାଯାଇଛି ।
୨୦୧୨ ନିର୍ଭୟାକାଣ୍ଡ ପାଇଁ ତକ୍ରାଳୀନ ମନମୋହନ ସରକାର ଯେପରି ସମାଲୋଚିତ ହୋଇଥିଲେ ମୋଦି ମଧ୍ୟ ଆସିଫା ଘଟଣାରେ ସମାନ ସ୍ଥିତିର ସମ୍ମୁଖୀନ ହେବେ ବୋଲି ନ୍ୟୁୟର୍କ ଟାଇମ୍ସ ଉଲ୍ଲେଖ କରିଛି ।
ତେବେ ନ୍ୟୁୟର୍କ ଟାଇମ୍ସ ୫ଟି ଦିଗ ଉପରେ ମୁଖ୍ୟତଃ ଉଲ୍ଲେଖ କରିଛି ।
୧. କାଠୱା ଘଟଣାରେ ପୀଡ଼ିତା ମୁସଲିମ୍ ହୋଇଥିବାବେଳେ ୮ ଜଣ ଅଭିଯୁକ୍ତ ହେଉଛନ୍ତି ହିନ୍ଦୁ । ମୁସଲିମ୍ ସମ୍ପ୍ରଦାୟ ଉଗ୍ର ହିନ୍ଦୁବାଦୀ ଏଜେଣ୍ଡା ଯୋଗୁ ବିଜେପି ଉପରେ ଭରସା କରିପାରୁନଥିବାରୁ ଏହା ମୋଦିଙ୍କ ପାଇଁ ଅଡୁଆ ବଢ଼ାଇବ ।
୨. ପୁଲିସକୁ ଚାର୍ଜସିଟ୍ ଦାଖଲ୍ ବେଳେ କିଛି ଓକିଲ ବାଧା ଦେବା ଓ ବିଚାରପତିଙ୍କ ପ୍ରକୋଷ୍ଠ ଭିତରେ ପୁଲିସ୍ ଚାର୍ଜସିଟ୍ ଲେଖିବା ଅଙ୍ଗୁଳି ନିର୍ଦ୍ଦେଶ କରିଛି ବିଜେପି ସହ ସଂପୃକ୍ତ ଓକିଲଙ୍କ ଆଡକୁ, ଯାହା ମୋଦିଙ୍କ ପାଇଁ ଆଉ ଏକ ଅଡୁଆ ।
୩. ୨୦୧୨ ନିର୍ଭୟାକାଣ୍ଡରୁ ବର୍ତମାନର ଶାସକ ଦଳ କିଛି ଶିକ୍ଷାଲାଭ କରିନାହାନ୍ତି । ତକ୍ରାଳୀନ ୟୁପିଏ ସରକାର ଯେପରି ସମାଲୋଚିତ ହୋଇଥିଲା, ଠିକ ସେଭଳି ଶିଥୀଳ ଓ ମନ୍ଥର ପଦକ୍ଷେପ ପାଇଁ ବିଜେପି ଓ ମୋଦି ଅଡୁଆରେ ପଡ଼ିବେ ।
୪. ଉନ୍ନାଓ ଘଟଣାରେ ବିଜେପି ବିଧାୟକ ଜଣେ ଯୁବତୀଙ୍କୁ ନିଜେ ଦୁଷ୍କର୍ମ କରିବା ଓ ପୀଡ଼ିତାଙ୍କ ବାପାଙ୍କୁ ମାରିବା ପାଇଁ ନିଜ ଭାଇ ଜରିଆରେ ଷଡ଼଼ଯନ୍ତ୍ର କରିବା କାଠ ଗଡ଼ାକୁ ଟାଣିଛି ବିଜେପିକୁ ଓ ଏହା ଭାରି ପଡ଼ିପାରେ ବିଜେପିକୁ ।
୫. ଦୁଇଟି ଘଟଣାରେ ବିରୋଧୀ ଦଳ ମିଡନାଇଟ୍ ମାର୍ଚ୍ଚ ଜରିଆରେ ଶାସକ ଦଳକୁ ଘେରିବାର ହୁଏତ ରାଜନୈତିକ ଲାଭ ମିଳିନପାରେ କିନ୍ତୁ ଅଭିଯୁକ୍ତଙ୍କୁ ଘଂଟ ଘୋଡ଼ାଇବା ପାଇଁ କିନ୍ତୁ ବିଜେପିକୁ ମୂଲ୍ୟଦେବାକୁ ପଡ଼ିବ ।
ଆସିଫାକାଣ୍ଡ ନେଇ ବିଦେଶୀ ଗଣମାଧ୍ୟମ ରଖିଛି ପ୍ରତିକ୍ରିୟା । ସେପଟେ ଜାତିସଂଘ ମଧ୍ୟ ଏହି ଘଟଣାରେ ଉଦବେଗ ପ୍ରକାଶ କରିଛି । ବଲିଉଡ କଳାକାରଙ୍କଠୁ ଆରମ୍ଭ କରି ଖେଳାଳୀଙ୍କ ପର୍ଯ୍ୟନ୍ତ ସବୁଠି ଦୋଷୀ ବିରୁଦ୍ଧରେ କଡ଼ା ଦଣ୍ଡବିଧାନ ପାଇଁ ଉଠିଛି ସ୍ୱର । ଯାହା ମୋଦି ସରକାରଙ୍କ ଅଡୁଆ ବଢ଼ାଇବା ଏକପ୍ରକାର ସ୍ପଷ୍ଟ ହୋଇଛି ।