ରାଜଧାନୀରେ ଏଣିକି ବେଡବିସ୍ତାର ଡଟ୍ ଇନରେ ଛାତ୍ରଛାତ୍ରୀଙ୍କୁ ସୂଲଭ ମୂଲ୍ୟରେ ମିଳିବ ଅତ୍ୟାବଶ୍ୟକୀୟ ସାମଗ୍ରୀ

କନକ ବ୍ୟୁରୋ : ପାଠ ପଢିବା ପାଇଁ ଭୁବନେଶ୍ୱର ଆସୁଛନ୍ତି କି ? ଭୁବନେଶ୍ୱରରେ ହଷ୍ଟେଲ ହେଉ ଅବା ମେସ୍ ପ୍ରଥମେ ଏଠାକୁ ଆସିଲେ ଯେଉଁ ଚିନ୍ତା ଆଗ ଘାରେ ତାହା ହେଉଛି ଜିନିଷ କିଣା । ହଷ୍ଟେଲରେ ରହିବାକୁ ହେଲେ ଅତ୍ୟାବଶ୍ୟକ ସାମଗ୍ରୀ କିଣିବାରେ ଅନେକ ଦୋକାନ ବୁଲିବାକୁ ପଡୁଥିବା ବେଳେ ନୂଆ କରି ଆସିଥିବା ଛାତ୍ରଛାତ୍ରୀମାନଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ମଧ୍ୟ ପଡେ । ଏହାକୁ ଦୃଷ୍ଟିରେ ରଖି ଭୁବନେଶ୍ୱରର କିଛି ଛାତ୍ର ଏକ େଓବସାଇଟ୍ ଆରମ୍ଭ କରିଛି । ସମସ୍ତ ଅତ୍ୟାବଶ୍ୟକ ସାମଗ୍ରୀ ହାତ ପାହାନ୍ତାରେ ଶସ୍ତାରେ ଛାତ୍ରଛାତ୍ରୀଙ୍କ ପାଖରେ ପହଂଚେଇବା ପାଇଁ ଆରମ୍ଭ ହୋଇଛି ଏହି ୱେବସାଇଟ୍ ।

ଯାହାର ନାଁ ରହିଛି ବେଡବିସ୍ତାର ଡଟ୍ ଇନ୍ । ପରୀକ୍ଷାମୂଳକ ଭାବରେ ଏହି ଷ୍ଟାର୍ଟଟପକୁ ଅଫ୍ ଲାଇନ ଯୋଗେ ଆରମ୍ଭ କରାଯାଇଛି । ଛାତ୍ରଛାତ୍ରୀମାନେ ଫୋନ୍ କରି ସେମାନଙ୍କ ସାମଗ୍ରୀର ଅର୍ଡର କରିପାରିବେ । ସେହିପରି ଛାତ୍ରଛାତ୍ରୀମାନଙ୍କ ପାଇଁ ଏହି େଓବସାଇଟ୍ ତରଫରୁ ଏକ ପ୍ୟାକେଜର ବ୍ୟବସ୍ଥା କରାଯାଇଛି । ଯାହାର ମୂଲ୍ୟ ୧୯୯୯ ଟଙ୍କା ରହିଛି । ଏଥିରେ ଟ୍ରଙ୍କ ଠାରୁ ଆରମ୍ଭ କରି ମସାରି, ବାଲଟି,ପାଣିବୋତଲ, ତକିଆ ପର୍ଯ୍ୟନ୍ତ ସାମଗ୍ରୀ ରହିଥିବା ଏହି ଷ୍ଟାର୍ଟଅପ ଆରମ୍ଭ କରିଥିବା ଛାତ୍ର କହିଛନ୍ତି । ସାମଗ୍ରୀ ପାଇବା ପରେ ଗ୍ରାହକମାନେ ଟଙ୍କା ଦେବେ ବୋଲି ଷ୍ଟାର୍ଟଟଅପ ସଂସ୍ଥାର ସଦସ୍ୟ ପ୍ରକାଶ କରିଛନ୍ତି ।