କରୋନା ନୂଆ ମ୍ୟୁଟାଣ୍ଟକୁ ନେଇ ଚର୍ଚ୍ଚା ! ଚୀନ, ଇଂଲଣ୍ଡ ଓ ନ୍ୟୁଜଲାଣ୍ଡ ସମେତ ୭ଟି ଦେଶରେ ବ୍ୟାପୁଛି ନୂଆ ଭ୍ୟାରିଆଣ୍ଟ ।
କନକ ବ୍ୟୁରୋ: ସାମ୍ଭବ୍ୟ ତୃତୀୟ ଲହରର ମୁକାବିଲା ନେଇ ଏବେ ସରକାର ପ୍ରସ୍ତୁତି ଚଳାଉଥିବା ବେଳେ କରୋନାର ଆଉ ଏକ ନୂଆ ଭ୍ୟାରିଏଂଟ ସାମ୍ନାକୁ ଆସିଛି । ଯାହା ଅନ୍ୟ ଭ୍ୟାରିଏଂଟ ତୁଳନାରେ ଅଧିକ ସଂକ୍ରାମକ ବୋଲି କୁହାଯାଉଛି । ଏହି ଭ୍ୟାରିଏଂଟ ହେଉଛି ସି.୧.୨ । ଯାହାକୁ ଦକ୍ଷୀଣ ଆଫ୍ରିକାର ବିଶେଷଜ୍ଞମାନେ ଠାବ କରିଛନ୍ତି ।..
Kanak News is now on WhatsApp
Join and get latest news updates delivered to you via WhatsApp
କରୋନାର ନୂଆ ପ୍ରକାର ସି.୧.୨କୁ ନେଇ ଏବେ ବଢିବାରେ ଲାଗିଲାଣି ଚିନ୍ତା । ଆଫ୍ରିକୀୟ ଦେଶ ଗୁଡିକରେ ଏହି ଭାରିଏଂଟ ବ୍ୟାପିବାରେ ଲାଗିଛି । ଦକ୍ଷିଣ ଆଫ୍ରିକାର ବିଶେଷଜ୍ଞମାନେ ଏହି କରୋନାର ଏହି ନୂଆ ପ୍ରକାରକୁ ପ୍ରଥମେ ଠାବ କରିଛନ୍ତି । ଏହି ଭାଇରସ ଡେଲଡା ଭ୍ୟାରିଏଂଟ ଠାରୁ ଅଧିକ ସଂକ୍ରାମକ ବୋଲି ବିଶେଷଜ୍ଞମାନେ କହିଛନ୍ତି । ଦକ୍ଷୀଣ ଆଫ୍ରିକାର ‘ଦ ନ୍ୟାସନାଲ ଇନଷ୍ଟିଚ୍ୟୁଟ୍ ଫର କମ୍ୟୁନିକେବଲ ଡିଜିଜେସ୍’ର ବୈଜ୍ଞାନିକମାନଙ୍କ ଦ୍ୱାରା କରାଯାଇଥିବା ଅନୁସନ୍ଧାନରୁ ଏହି କୋଭିଡ୍ର ଏହି ନୂଆ ଭାରିଏଂଟ୍ ବିଷୟରେ ଜାଣିବାକୁ ମିଳିଛି ।
ବୈଜ୍ଞାନିକମାନେ କହିଛନ୍ତି
– ସି.୧.୨ ଭାଇରସ ପ୍ରଥମେ ମେ ୨୦୨୧ରେ ଦକ୍ଷୀଣ ଆଫ୍ରିକାର ମୁମାଲଙ୍ଗା ଏବଂ ଗଉତେଙ୍ଗରେ ଠାବ କରାଯାଇଥିଲା
– ଏହି ଭ୍ୟାରିଏଂଟ ସବୁଠୁ ଘାତକ କୁହାଯାଇଥିବା ଡେଲଟା ଭ୍ୟାରିଏଂଟ ଠାରୁ ମଧ୍ୟ ଅଧିକ ମାରାତ୍ମକ
– ଏହି ଭାଇରସର ମ୍ୟୁଟାଂଟଗୁଡିକ ଅଧିକ ସଂକ୍ରାମକ ଏବଂ ଆଂଟି ବଡିକୁ ମଧ୍ୟ କ୍ଷତି ପହଂଚାବାରେ ସକ୍ଷମ
– ଅଗଷ୍ଟ ୧୩ ସୁଦ୍ଧା ଏହା ଚୀନ, ଇଂଲଣ୍ଡ, କଙ୍ଗୋ, ପର୍ତୁଗାଲ, ନ୍ୟୁଜିଲାଣ୍ଡ ଓ ସୁଇଜଲ୍ୟାଣ୍ଡରେ ବ୍ୟାପିଗଲାଣି
– ବିଶ୍ୱର କରୋନା ଭାଇରସର ଦେଖାଯାଇଥିବା ସମସ୍ତ ଭ୍ୟାରିଏଂଟ ଠାରୁ ଏହା ଅଧିକ ସଂକ୍ରାମକ
– ଏହି ଭ୍ୟାରିଏଂଟ ବର୍ଷକରେ ହାରାହାରି ୪୧ ଥର ନିଜ ରୂପ ପରିବର୍ତନ କରି ନୂଆ ମ୍ୟୁଟାଂଟକୁ ଜନ୍ମ ଦିଏ
ମାରାତ୍ମକ ଡେଲ୍ଟା ଭାରିଏଣ୍ଟ ସାରା ବିଶ୍ୱରେ ପ୍ରଳୟ କରିଥିବାବେଳେ ଏବେ ଏହି ନୂଆ ଭାରିଏଂଟକୁ ନେଇ ଚିନ୍ତା ବଢିବାରେ ଲାଗିଛି । କାରଣ ଏହି ନୂଆ ଭାଇରସକୁ ରୋକିବାରେ ଟିକା ଏତେଟା ସହାୟକ ନୁହେଁ ବୋଲି ବିଶେଷଜ୍ଞମାନେ କହିଛନ୍ତି । ବୈଜ୍ଞାନିକଙ୍କ ସୂଚନା ଅନୁସାରେ କୋଭିଟ୍ ଭାରିଏଂଟ ସି.୧.୨ ଦକ୍ଷିଣ ଆଫ୍ରିକାର ଲୋକଙ୍କ ମଧ୍ୟରେ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି । ମେ ମାସରେ ଏହି ଭୂତାଣୁରେ ସଂକ୍ରମଣ ହାର ୦.୨ ପ୍ରତିଶତ ଥିବାବେଳେ ଜୁନରେ ସଂକ୍ରମଣ ହାର ବୃଦ୍ଧି ପାଇ ୧.୬ ପ୍ରତିଶତ ହୋଇଥିଲା । ଯାହା ପ୍ରମାଣ କରୁଛି, ଏହି ଭୂତାଣୁରେ ଦ୍ରୁତ ଗତିରେ ଆକ୍ରାନ୍ତ ହେଉଛନ୍ତି ଲୋକେ । ଚିନ୍ତାର ବିଷୟ ହେଉଛି ଯେ, ପୂର୍ବ ଭାଇରସ ସହ ଲଢିବା ପାଇଁ ଶରୀରରେ ତିଆରି ହୋଇଥିବା ଆଟିଂବଡିକୁ ମଧ୍ୟ କ୍ଷତି ପହଂଚାଇବାରେ ସକ୍ଷମ କୋଭଡିର ନୂଆ ଭାରିଏଂଟ୍ । ତେବେ ଭାରତରେ ବର୍ତମାନ ସୁଦ୍ଧା ଏହି ଭୂତାଣୁ ଚିହ୍ନଟ ହୋଇନାହିଁ ।
ଭାରତରେ ବର୍ତମାନ ସୁଦ୍ଧା ସି.୧.୨ ଭୂତାଣୁ ଚିହ୍ନଟ ହୋଇ ନିଥିଲେ ବି ଭାରତୀୟ ବୈଜ୍ଞାନିକମାନେ ଏହାକୁ ଗୁରୁତର ସହ ନେଇଛନ୍ତି । ଏହି ଭୂତାଣୁ ଦ୍ରୁତ ଗତିରେ ନିଜ ରୂପ ପରିବର୍ତନ କରି ନୂଆ ମ୍ୟୁଟାଂଟ୍କୁ ଜନ୍ମ ଦେଉଛି । ଯାହା ଚିନ୍ତା ଜନକ । ଆଉ ଏହା ଯଦି ସାରା ବିଶ୍ୱରେ ବ୍ୟାପିବା ଆରମ୍ଭ କରେ ତାହାଲେ ଟିକାକରଣ ପାଇଁ ନୂଆ ସମସ୍ୟା ସୃଷ୍ଟି ହୋଇପାରେ ।