ଭୁବନେଶ୍ୱରରେ ବସ୍ତି ଠାରୁ ଅଣବସ୍ତି ଅଞ୍ଚଳରୁ ଚିହ୍ନଟ ହୋଇଛନ୍ତି ଅଧିକ ଆକ୍ରାନ୍ତ । ବସ୍ତି ପାଇଁ ସ୍ୱତନ୍ତ୍ର ଷ୍ଟ୍ରାଟେଜି ।
କନକ ବ୍ୟୁରୋ : ବସ୍ତି ତୁଳନାରେ ଅଣବସ୍ତି ଅଂଚଳରେ କରୋନା ଭାଇରସ ଅଧିକ କାୟା ବିସ୍ତାର କରିଛି । ଭୁବନେଶ୍ୱର ମହାନଗର ନିଗମ କମିସନର ପ୍ରେମଚନ୍ଦ୍ର ଚୌଧୁରୀ ଆଜି ଗୀତ ଗୋବିନ୍ଦ ସଦନରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଏହା କହିଛନ୍ତି । ସେ କହିଛନ୍ତି ଯେ ବସ୍ତି ଅଂଚଳରେ ଏବେ ମୋଟ ୨୦୧ ଜଣ ସଂକ୍ରମିତ ଠାବ ହୋଇଛନ୍ତି । କିନ୍ତୁ ଅଣବସ୍ତି ଅଂଚଳରୁ ୬୫୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ବସ୍ତି ଅଂଚଳରେ ଅଳ୍ୱ ସମୟ ମଧ୍ୟରେ କରୋନା ବିସ୍ତାର ଲାଭ କରିବାର ଆଶଙ୍କା ରହିଛି । ତେଣୁ ଏଥି ପାଇଁ ଆମର ଟିମ ସତର୍କ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଏମସି କମିସନର କହିଛନ୍ତି, ନିକଟରେ ମହିଷାଖାଲରେ ଏକକାଳୀନ ବହୁ ସଂଖ୍ୟାରେ ଲୋକ ସଂକ୍ରମିତ ଜଣାପଡ଼ିବା ପରେ କଣ୍ଟେନମେଣ୍ଟ ଜୋନ କରାଯାଇଛି । ଏଠାରେ ଶିବିର ଲଗାଇ ଟେଷ୍ଟିଂ କରାଯିବା ପରେ ୪୧ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଆଜିର ଦିନରେ ଭୁବନେଶ୍ୱରରେ ୪ଟି କଣ୍ଟେନମେଣ୍ଟ ଜୋନ କରାଯାଇଛି । ବିଏମସି କମିସନର କହିଛନ୍ତି ଭୁବନେଶ୍ୱରରେ ୮୦ ପ୍ରତିଶତରୁ ଅଧିକ ଆକ୍ରାନ୍ତ ଲକ୍ଷଣହୀନ ।